Sunday, September 24, 2017

துப்பறிவாளன் - சினிமா விமர்சனம்

மிஷ்கினின் படங்கள் ஏறக்குறைய ஒரே ஜானரில் இருக்கும். இம்முறை த்ரில்லர் - அதிலும் குறிப்பாக துப்பறியும் கதையை கையில் எடுத்துள்ளார்.

Image result for thupparivalan

கதை 

வித்தியாசமான துப்பறியும் நிபுணர் கணியன் பூங்குன்றன்  (விஷால்). - (இந்த பெயர் வைத்தமைக்கே இயக்குனருக்கு ஒரு ஸ்பெஷல் பாராட்டு. "யாதும் ஊரே யாவரும் கேளிர் என்ற புகழ் பெற்ற பாடலை எழுதியவர் கணியன் பூங்குன்றன் என்பது பலருக்கும் தெரியும். அவர் எழுதிய வேறு எந்த பாடலும் நம்மிடம் இல்லை; இந்த ஒரே பாடலில் மிக பெரும் பிரபலமானவர் கணியன் பூங்குன்றன் !)

விஷாலின் உன்னிப்பான பார்வை -எதையும் சட்டென ஊகிக்கும் திறன் இவை - மிக அழகாக சொல்லி கதை துவங்குகிறது.

ஒரு சிறுவன் தனது நாய் இறந்து விட்டது என அவன் சேமித்த 760 ருபாய் பணத்தை  எடுத்து வந்து தந்து துப்பறிய சொல்கிறான். அதை துப்பு துலக்கும் போது மிக பெரிய மர்ம கும்பலின் பின்னணி தெரிய வருகிறது !

பிளஸ் 

கதை முழுக்க முழுக்க விஷாலின் மீது தான் பயணிக்கிறது. அவரது அதீத புத்தி சாலித்தனத்தை நம்ப  சற்று சிரமமாய் இருந்தாலும் போக போக பழகி விடுகிறோம். உடல் மொழி மற்றும் நடிப்பில் விஷால் தன்னால் முடிந்த பங்களிப்பை தந்துள்ளார்.

வழக்கமாய் ஹீரோ அல்லது ஹீரோயினாய் வரும் சிலர் இதில் மர்ம கும்பல்- வில்லன் கூட்டமாய் வருகிறார்கள். அவர்களின் உடல் மொழி மற்றும் டீட்டையிலிங் சுவாரஸ்யம்.

குறிப்பாக வில்லன் - கொலை செய்யும் போது காபி குடிப்பதும், காபியை எவ்வளவு எளிதாக குடிப்போமோ அதே போல கொலையை செய்து விட்டு போவதும்...

Image result for thupparivalan

 ஹீரோயினுக்கு அதிகம் வாய்ப்பில்லாத கதை - இருப்பினும் வந்த வரை மனதில் நிற்கிறார். துவக்கத்தில் இவரை பிக் பாக்கெட்டாய் காட்டி விட்டு - கிளை மாக்சிற்கு முன் கடைசியாய் இவர் அடிக்கும் பிக் பாக்கெட் கிளாஸ் !

காதல்- காமம்-பாடல்கள் இவை இன்றி படம் விறுவிறுப்பாக நகர்கிறது (கிளை மாக்ஸ் மட்டும் இன்னும் சுருக்கியிருக்கலாம் )

மைனஸ் 

குறைகள் அதிகமில்லை;

பத்து நிமிடத்திற்கொரு முறை யாரேனும் இறப்பது சற்று அயர்ச்சி தருகிறது. போலவே கிளை மாக்ஸ் இழுவையை சற்று கவனித்திருக்கலாம்

பைனல் அனாலிசிஸ் 

ஷெர்லாக் ஹோம்ஸ் கதையில் வரும் துப்பறியும் பாத்திரங்களின் அடிப்படையில் எழுதப்பட்ட கதை.

நிச்சயம் ஒரு சுவாரஸ்ய முயற்சி. த்ரில்லர் படம் விரும்புவோர் நிச்சயம் காணலாம் !

தமிழின் நம்பிக்கைக்குரிய இயக்குனர்களில் ஒருவரான மிஷ்கின் ஒரு நல்ல/ வெற்றி படம் தந்திருப்பதால் மகிழ்ச்சி !

பின்குறிப்பு: நான் வேலை பார்த்த நிறுவனத்தில் இருந்து விலகி, சொந்தமாய் கம்பெனி செகரட்டரி மற்றும் சட்ட ஆலோசகராக இயங்கி வருகிறேன். இதனால் பிளாகில் தொடர்ந்து கட்டுரைகள் எழுத இயலவில்லை; சுயமாய் பணி செய்யும்போது துவக்க காலத்தில் நேரம் கிடைப்பது கடினம். விக்ரம் வேதாவிற்கு பிறகு இந்த படம் தான் காணவே முடிந்தது. ஒன்றரை மாதத்தில் ஒரு ரெண்டரை மணி நேரம் பணியை தவிர்த்து ரிலாக்ஸ் ஆனது இப்படத்தில் தான். பதிவுகள் இயலும் போது மட்டுமே வரும். பொறுத்தருள்க !
Related Posts Plugin for WordPress, Blogger...