பாஷன் டிசைன் படிப்பு + வேலை வாய்ப்பு - ஒரு அறிமுகம்

என்ன படிக்கலாம் வரிசையில் பல்வேறு துறைகள் பற்றி வீடுதிரும்பலில் எழுதி வருகிறோம்.

அவ்வரிசையில் இம்முறை - பேஷன் டிசைனிங் துறை பற்றி சற்று அறியலாம்.

ஆர்த்தி சுவாமிநாதன் இத்துறையில் 10 வருடத்திற்கும் மேல்  பணியாற்றுபவர். மாரத்தான்  ரன்னர்,சைக்கிளிஸ்ட், நீச்சல் வீரர், புகைப்படக்காரர் என பன்முகம் கொண்டவர்.

இவரிடம் பேஷன் டிசைனிங் துறை குறித்து கேட்டறிந்தது.. இதோ உங்கள் பார்வைக்காக...



பாஷன் டிசைன் படிப்பில் எப்போது சேரலாம் ?

பன்னிரண்டாம் வகுப்பிற்கு பிறகு நேரடியாக பாஷைன் டிசைன் படிப்பில் சேரலாம். வெவ்வேறு கல்லூரியில் அட்மிஷன் முறைகள் மாறுபடுகின்றன. சில கல்லூரிகள் எண்ட்ரன்ஸ் தேர்வும் நடத்துகின்றன. +2 இறுதி ஆண்டுக்கு முன்னதாகவே கல்லூரியில் அப்ளிகேஷன் வழங்கப்படும். மார்ச் 17ல் +2 தேர்வு எழுதுகிறார்கள் எனில்,  செப்டம்பர் 16-ல் கல்லூரிகளில் அப்ளிகேஷன் வழங்கப்படும்.

+ 2 முடித்தவர்கள் மட்டும் தான் இந்த படிப்பில் சேரலாமா? Bsc,  B com போன்ற டிகிரி முடித்தவர்களும் சேரலாமா?

நிச்சயமாக. டிகிரி முடித்தவர்களும் இந்த படிப்பில் சேரலாம். பேஷன் டிசைனிங் மற்றும் இவை இரண்டில் விரும்பிமிருந்தால் டிகிரி முடித்தபின்னும் கூட இந்த துறைக்குள் நுழையலாம்

டிகிரி முடித்தவர்கள் MSc, PG Diploma in Fashion designing போன்ற படிப்புகளை படிக்கலாம்

சென்னை மற்றும் இந்தியாவில் இந்த துறையில் சிறந்த சில கல்லூரிகள் பற்றி கூறுங்கள் 

சிறந்த கல்லூரிகள் ஏராளமாக உள்ளன. அதில் குறிப்பிட்டு சொல்ல வேண்டியது - NIFT (Nation Institute of Fashion technology); மேலும் பேர்ல் அகாடெமி போல - பல நல்ல நிறுவனங்கள் தமிழகத்திலும், இந்தியாவின் பிற இடங்களிலும் உள்ளது. மேலும் சென்னை பல்கலைக்கழகம், பாரதியார்  பல்கலைக்கழகம், பாரதி தாசன் பல்கலைக்கழகம் என பல்வேறு யூனிவர்சிட்டிகளும் இந்த படிப்பை நடத்துகின்றன.

இந்த கோர்ஸ் படிக்க பொதுவாக என்ன செலவு ஆகும்?

கல்லூரிகளின் பீஸ் - அது தனியார் கல்லூரியா, அரசு கல்லூரியா என்பதை பொறுத்து பெரிதும் மாறுபடும்.

அரசு கல்லூரியில் ஒரு செமெஸ்டருக்கு 20 முதல் 35 ஆயிரம் வரை பீஸ் இருக்க கூடும். (வருடத்திற்கு எனில் இந்த பணத்தை இரண்டால் பெருக்கி கொள்ளுங்கள்)

இதுவே தனியார் கல்லூரி என்றால்  வருடத்திற்கு 2 முதல் 3 லட்சம் ஆகலாம்.

படிக்கும் போது என்ன விதமான பயிற்சி (Training ) கிடைக்கிறது? படித்து முடித்தபின் எடுக்க வேண்டிய பயிற்சி என்ன?

படிக்கும் போது பேஷன் டிசைனில் உள்ள அடிப்படைகளாக Designing, pattern making, Stitching உள்ளிட்ட விஷயங்களை கற்று தருவார்கள். ஆனால் பிராக்டிகல் அறிவு- படிப்பு முடிந்த பிறகு intern ஆக வேலை பார்க்க துவங்கிய பின்பு தான் நிறைய கிடைக்கும். இத்துறை தொடர்ந்து மாறிக்கொண்டே இருக்கும் ஒன்று என்பதால் - கற்பது ஒவ்வொரு நாளும் தொடர்ந்து நடக்கும் ஒன்று.. அது வேலைக்கு சேர்ந்த பின்னும் தொடர வேண்டும் ..

இத்துறைக்கு பெண்கள் தான் அதிகம் வருகிறார்கள் என நம்பப்படுகிறது. அப்படியா என்ன?

இல்லை. இரு பாலாருமே இத்துறையை விரும்பி தேர்ந்தெடுக்கிறார்கள். துறையை பொறுத்தவரை அது ஆண் - பெண் என்ற பாரபட்சம் இன்றி இருவரையும் ஒருங்கே வரவேற்கிறது

துறையில் உள்ள வேலை வாய்ப்பு பற்றி கூறுங்கள் 

மிக பெரிய வேலை வாய்ப்பு தரும் துறை இது. தற்சமயம் ஆன்லைன் மார்க்கெட்டிங் நன்கு வளர்ந்து வருவதால் அதிலும் வேலை வாய்ப்புகள் கிடைக்க துவங்கி உள்ளது.

துணி வியாபாரம் செய்வோருக்கு ஆண்டு முழுதும், உலகம் முழுதும் வேலையும், வியாபாரமும் இருக்கும். எனவே துறை சார்ந்து வேலை செய்வோருக்கும் வேலை இருக்கும்

இத்துறையில் துவக்க சம்பளம் என்னவாக உள்ளது? 

அது அவர்கள் எந்த கல்லூரி/  யூனிவர்சிட்டியில் படிக்கிறார்கள்..  அவர்களின் அறிவு மற்றும் திறமையை பொறுத்தது. சாதாரணமாக சொல்ல வேண்டுமென்றால் டிகிரி முடித்து விட்டு நுழையும்  பிரெஷர்- க்கு   கல்லூரியை பொறுத்து 10,000 முதல் 20,000 வரை மாத சம்பளம் கிடைக்க கூடும்

பேஷன் டிசைனர் என்பது   ஓரளவு அனைவருக்கும் தெரிந்த ஒரு வேலை; இது தவிர  வேறு என்ன வித வேலைகள் இத்துறை மூலம் கிடைக்கும்?

பேஷன் டிசைனிங் துறையை 3 வகையாக  பிரிக்கலாம்.

1. Designer module
2. Manufacturer module
3. Retail module

1. Designer module- இதை பொறுத்த வரை ஒரு தனியார் நிறுவனத்தில் நீங்கள் டிசைனர் ஆக பணி  புரிவீர்கள். அல்லது சொந்தமாய் ஒரு டிசைன் ஹவுஸ் துவங்கி நீங்களே புது வித டிசைனில் துணிகள் தயாரிப்பீர்கள். ரித்து  குமார், மனிஷ் மல்ஹோட்ரா   ஆகியோரை இதற்கு உதாரணமாய் .சொல்லலாம்.

2. Manufacturer module- இங்கு ஒரு தயாரிப்பு நிறுவனத்தில் Product development teamல் நீங்கள் பணியாற்றுவீர்கள். இதன் கீழ் merchandiser, sourcing, fabric , trims, production planning என பல கிளைகள்/ துறைகள்  உண்டு.

3. Retail module- இது துணிகளை விற்பனை செய்யும் துறை - இங்கு விற்பனை பிரிவிலோ, அதனை தயாரிக்கும் பிரிவிலோ நீங்கள் பணி  புரியலாம்.

இப்படி பேஷன் டிசைனிங் கீழ் எண்ணற்ற வேலை வாய்ப்புகள் கொட்டி கிடக்கிறது

சொந்தமாக தொழில் துவங்குவது சாத்தியமா?ஆம் எனில் எப்போது துவங்க முடியும்?

இப்படிப்பை படித்தோருக்கு - அவர்கள் குடும்பத்தில் ஏற்கனவே வியாபாரத்தில் இருந்தால் அல்லது வியாபாரம் குறித்த ஆர்வம் மிக அதிகமாக இருந்தால் - படித்து முடித்த பின் கூட சொந்த தொழில் துவங்கலாம்.

அல்லது அவர்களது ஆர்வம், உழைப்பு  மற்றும் எந்த பிரிவில் சுய தொழில் துவங்க உள்ளார்கள் என்பதை பொறுத்து மாறும். சுய தொழில் செய்யலாம் என்பது நிச்சயம் சாத்தியமே !

இத்துறையில் உங்களது பயணம் பற்றிக் கூறுங்கள் 

நான் வழக்கமான படிப்பு/ துறை இல்லாமல் - சற்று வித்யாசமாக செய்ய நினைத்தேன். என்னிடம் கிரியேட்டிவிட்டி இருக்கிறது என உறுதியாக நம்பியதால் இத்துறையை தேர்ந்தெடுத்தேன்.  BSc  - Fashion Technology and costume designing - திருச்சியில் படித்தேன். அதில் அதிகம் டிசைனிங் பற்றி தெரிந்து கொண்டேன்.

சுய தொழில் செய்ய வேண்டும் என்ற எண்ணம் அதிகமிருந்ததால் துறை பற்றி மேலும் தெரிந்து கொள்ள விரும்பினேன்.  எனவே பேர்ல் அகாடெமி சென்னையில் போஸ்ட் கிராடுவேஷன் படித்தேன் ( Fashion Merchandising)

கடந்த பத்து வருடங்களாக வெவ்வேறு பிரிவில்/ நிறுவனங்களில் பணி புரிந்து வருகிறேன். சுய தொழில்  துவங்கும் எண்ணம் இன்னமும் தீவிரமாக உள்ளது. விரைவில் துவங்குவேன் என நம்புகிறேன்.

இப்பத்து வருடத்தில் வெற்றி, தோல்வி இரண்டுமிருந்தாலும் இரண்டையும் சரி சமமாக எடுத்து கொண்டு அதிலிருந்து என்ன கற்று கொள்ள முடியும் என்பதையே அதிகம் சிந்தித்துள்ளேன்.

ஏற்ற இறக்கங்கள் சில இருந்தாலும் இன்றைக்கு சீனியர் பொசிஷனில் இருப்பது நிச்சயம் மகிழ்ச்சியும் மன நிறைவும் தருகிறது

இப்படிப்பிற்கு வெளிநாட்டு வேலை வாய்ப்புகள் எப்படி?

பேஷன் டிசைனிங் படிப்பிற்கு ஐரோப்பிய நாடுகளிலும், அமெரிக்காவிலும் நல்ல மதிப்பு உள்ளது. இப்படிப்பு முடித்தவர்கள் வெளிநாடு செல்ல விரும்பினால் மேற்சொன்ன நாடுகளை தேர்ந்தெடுக்கலாம்

இத்துறையில் வணிகம் தற்போது எப்படி உள்ளது? 

உள்நாட்டு வியாபாரம் மிக நன்றாக உள்ளது; ஆன்லைன் துறை நன்கு வளர்ச்சி அடைந்து வருகிறது

இத்துறையில் work culture மற்றும் stress level எப்படி உள்ளது?

சற்று கஷ்டமான கேள்வி. stress level என்பது அவரவர் பார்வைக்கேற்ப மாறுபடும். நான் அதனை ஒரு learning experience ஆகத்தான் எப்போதும் பார்க்கின்றேன்

துறை பெருமளவில் disorganized ஆக உள்ளதால் தங்களை adopt செய்துகொள்ள சிலர் சிரமப்படுகின்றனர். ஆனால் அவை பற்றி பெரிதும் கவலை கொள்ளாது, அவற்றை ஒரு சாலஞ்ச் ஆக எடுத்து கொண்டு முயலுவோர் துறையில் நன்கு முன்னேறுகின்றனர்

இத்துறையை தேர்ந்தெடுக்க விரும்புவோருக்கு வேறு ஏதாவது சொல்ல விரும்புகிறீர்களா?


பேஷன் டிசைனிங் என்பது ஒரு தனி உலகம். அதனுள் வரும் அனைவரையும் அன்புடன் வரவேற்கிறேன். இதன் உள்ளே வரும்போது தான் - நீங்கள் அணியும் உடைக்கு பின் இருக்கும் பல்வேறு விஷயங்களும் உழைப்பும் உங்களுக்கு தெரியும். ஆல் தி பெஸ்ட் !

*****
தொடர்புடைய பதிவுகள்:

கம்பனி செக்ரட்டரி படிப்பும் வேலை வாய்ப்பும்

காஸ்ட் அக்கவுன்ட்டசி கோர்ஸ் - ஒரு பார்வை

வக்கீல் படிப்பு- வேலை வாய்ப்பு - ஓர் அலசல்

CA : சார்ட்டர்ட் அக்கவுண்டன்சி படிப்பு + வேலை வாய்ப்பு

சார்டர்ட் அக்கவுண்டன்சி படிப்பை பற்றி கேள்விப்படாதோர் இருக்கவே மாட்டார்கள்.. !

இந்தியாவில் 66 ஆண்டுகளுக்கு முன் தொடங்கப்பட்ட இந்த படிப்பு குறித்த சில தகவல்கள் ....




CA படிப்பை முடிக்க எத்தனை வருடங்களாகும்? எவ்வளவு செலவாகும்?

முதல் கேள்வியே பவுன்சரா?? இந்த கேள்வியை C A படிக்கும் மாணவனிடம் கேட்டு பாருங்கள்.. ஒவ்வொருவரிடமிருந்து ஒவ்வொரு பதில் வரும் .. !!

மிக சிறந்த அறிவாளி ​+ மிக மிக கடுமையான உழைப்பாளி என்றால் 4 வருடத்திற்குள் முடிக்கலாம். ஆவரேஜ் ஆக 5 வருடமாவது ஆகும்.

7  வருடம், 8 வருடம் எடுத்து கொள்வோரும் உண்டு... கோர்சை முடிக்காமல் விட்டு  விடுவோரும் உண்டு..

துவக்கம் முதல் இறுதி வரை இன்ஸ்டிடியூட்டுக்கு கட்ட வேண்டிய பணம்  50,000 ஆகும் என இவர்கள் இணைய தளம் கூறுகிறது. செல்ல வேண்டிய டியூஷன் வகுப்புகள், இன்ஸ்டிடியூட்டு தருவதை தவிர வாங்கும் புத்தகங்கள் ஆகியவை தனியான செலவாகும்

எத்தனை நிலைகள் உள்ளன?

+ 2 படித்த மாணவர்கள்  CPT என்கிற துவக்க நிலையில் சேரலாம். இது 4 பேப்பர்களை கொண்டது. தற்சமயம் இது ஒரு மார்க் வினாக்களை மட்டுமே கொண்ட (Objective Type/ Multiple Choice Questions) தேர்வாக இருக்கிறது. விரைவில் பாதி மட்டும் ஒரு மார்க் கேள்விகள் மீதம் - கேள்வி பதில் பாணியில் எழுதும் தேர்வாக மாற்றப்பட உள்ளது என்கிறார்கள்..

CPT பாஸ் செய்தவர்களும், டிகிரி அல்லது  ACS/ ICWA முடித்தவர்கள்  இன்டர் மீடியட் என்கிற இரண்டாம் நிலைக்கு செல்லலாம்.

இது 2 க்ரூப்களை கொண்டது. ஒரு க்ரூப்பில் 4 பேப்பர்கள், இன்னொரு  க்ரூப்பில் 3 பேப்பர்கள். மொத்தம் இந்த நிலையில் 7 பேப்பர்கள்.

ஒரு க்ரூபில் ஒவ்வொரு பேப்பரிலும் 40 மார்க்கும் மொத்தமாக - நான்கிலும் சேர்த்து 200 மார்க்கும் எடுக்க வேண்டும். (50 %)

இதுவே 7 பேப்பர்களும் சேர்த்து எழுதினால், ஒவ்வொரு பேப்பரிலும் 40 மார்க்கும் மொத்தமாக - சேர்த்து 350 மார்க்கும் எடுக்கவேண்டும்.

இன்டெர் மீடியட் பாஸ் செய்தவர்கள் பைனல் - எனும் இறுதி நிலைக்கு செல்லலாம். அங்கு மொத்தம் 8 பேப்பர்கள் உள்ளன. பாஸ் செய்ய தேவையான மார்க்குகளும் மேற் சொன்னவாறே.

வெவ்வேறு தேர்வுகளில் பாஸ் பெர்சண்டேஜ் எவ்வளவு? சேருவோரில் எத்தனை பேர் படிப்பை முடிக்கிறார்கள்?

பவுண்டேஷனை பொறுத்த வரை தேர்வு எழுதுவோரில் சுமார் 12 முதல் 15 சதவீதம் பேர் தேர்வு பெறுகிறார்கள்.

அடுத்த நிலையான இண்டர்மீடியட்டில் தேர்வு எழுதும் மாணவர்களில் 10% க்கும்  குறைவாய் தேர்ச்சி பெறுகிறார்கள். இதுவே இறுதி தேர்வில் 5 % க்கும் குறைவாக இருக்கிறது..

இப்படி ஒவ்வொரு நிலையிலும் குறைந்த பெர்செண்டேஜ் மாணவர்கள் பாஸ் செய்வதால் - கடினமான கோர்ஸ் என மனதை தளர விடுவோர், வேறு பக்கம் சென்று விடுவோர் ஏராளம்..

எத்தகைய மாணவர்கள் இந்த படிப்பில் ஜொலிக்கிறார்கள்?

பொதுவாக CBSE பாட திட்டத்தில் படித்த மாணவர்கள் இந்த படிப்பில் நன்கு சோபிப்பதாக  ஒரு கருத்து நிலவுகிறது. இது ஓரளவு உண்மை தான். அந்த பாட திட்டத்தில் வெறுமனே மனனம் செய்யாமல் படிக்கவும், பாட புத்தகத்தை தாண்டி வெளியில் நிறைய படிக்க வாய்ப்பும் உள்ளது. இத்தகைய அடிப்படை C A போன்ற படிப்பை படிக்க பெரிதும் உதவுகிறது.

அதே நேரம் ஸ்டேட் போர்டில் படித்தோரும் ஏராளம் பேர் தேர்ச்சி பெறுகிறார்கள். இவர்கள் இன்னும் கொஞ்சம் அதிகம் உழைக்க வேண்டும். ஓரிரு ஆண்டுகளில் எந்த விதமாய் படிக்க வேண்டும் என்பதை இவர்களும் புரிந்து கொள்கிறார்கள்



தேர்ச்சி சதவீதம் மிக குறைவாக இருப்பதால் நன்கு படிக்கும் மாணவர்களை - C A படிக்க ஊக்குவியுங்கள். ஒரு வகுப்பில் முதல் நான்கைந்து இடம் வரும் மாணவர்களை படிக்க சொல்லலாம். இவர்கள் தொடர்ச்சியாக கடின உழைப்பை தர தயாரானாவர்கள் என்பதால் - சிரமப்பட்டாவது முடிப்பார்கள். பிறரால் முடிக்க முடியாது என்றில்லை; முதல் சில ரேன்க் மாணவர்கள் என்றால் - கோர்ஸ் முடிக்க வாய்ப்புகள் அதிகம் அவ்வளவு தான்.

மற்றபடி மாணவனுக்கு எப்போது வேண்டுமானாலும் படிப்பு திடீர் சூடு பிடிக்கும்.. பள்ளி வரை சாதரணமாய் படித்து விட்டு கல்லூரி அல்லது மேற்படிப்பில் பிய்ச்சு உதறிய பலரை எனக்கு தெரியும் (ஹீ ஹீ.. இதை எழுதுபவரும் அந்த வர்க்கம் தான் )

ஆர்டிக்கில்ஸ்ஷிப் என்கிறார்களே .. அது என்ன ?

பாடங்கள் படித்து பாஸ் செய்வது முக்கியம் என்பது ஒரு புறம் என்றாலும், ப்ராக்டிகல் விஷயங்களில் இவர்களுக்கு அறிவு அவசியம் என்பதை உணர்ந்து ஆர்டிக்கில்ஸ்ஷிப் என்கிற முறையை இவர்கள் கடை பிடிக்கிறார்கள். 3 வருடம் ஒரு ஆடிட்டரிடம் சேர்ந்து பணியாற்ற வேண்டும். இன்டெர் மீடியட் படிப்பு படிக்கும் போதே இந்த ஆர்டிக்கில்ஸ்ஷிப் வேலையும் செய்யலாம். இந்த பயிற்சி ஆடிட்டரிடம் மட்டும் தான் எடுக்க முடியும். கம்பனியில் எடுக்க முடியாது. எந்த விதமான முன் அனுபவம் இருந்தாலும் - எத்தனை வயது ஆயினும் ஆர்டிக்கில்ஸ்ஷிப் அவசியம் ! இதில் எந்த வித விலக்கும் கிடையாது !

ACS , ICWA போன்ற படிப்பை முடித்தோருக்கு தேர்வுகளில் ஏதேனும் Exemption உண்டா? 

இல்லை !! ACS முடித்தோருக்கு ICWA தேர்வில் பாதி பேப்பர்கள் Exemption தந்து விடுவர். போலவே ICWA முடித்தோருக்கு ACS தேர்வில் Exemptionகள் ஏராளம் உண்டு. ஆனால் CA இன்ஸ்டிடியூட் வேறு எந்த படிப்புக்கும் Exemption தருவது இல்லை.

ACS / ICWA முடித்தோர் நேரடியாக இண்டர்மீடியட் எழுதலாம் என்கிறார்கள். இதே சலுகை எந்த டிகிரி முடித்தோருக்கும் வழங்கப்படுகிறது ! அவ்வளவு தான் !

CA முடித்தவர்கள் என்ன விதமான வேலைகள் செய்கிறார்கள்?

சிறு கம்பனி துவங்கி பெரிய நிறுவனம் வரை - எந்த ஓர் நிறுவனத்திலும் அக்கவுண்ட்ஸ் / பைனான்ஸ் டிப்பார்ட்மெண்ட் இருக்கும்.  இதன் தலைமை அதிகாரி அநேகமாய் ஒரு CA படித்த நபராய் இருப்பார். பெரிய நிறுவனம் எனில் அவருக்கு கீழ் அதே  டிப்பார்ட்மெண்ட்டில் CA படித்த இன்னும் சில இளைஞர்கள் வேலை பார்ப்பர்.

ஆடிட் செய்யும் நிறுவனங்களும் C A படித்தவர்களை அவசியம் வேலைக்கு வைத்து கொள்கின்றன..

ஒரு சில நாடுகள் தவிர்த்து பெரும்பாலான வெளிநாடுகளில் C A படித்தவர்களை வேலைக்கு எடுத்து கொள்கிறார்கள்.

மேலும் இவர்கள் தனியாக ஆடிட், கன்சல்டன்சி வேலையும் செய்யலாம் ! சுயமாய் தொழில் செய்யும் போது துவக்கம் சற்று சிரமமாய் இருந்தாலும் - சில ஆண்டுகளில் நல்ல நிலைக்கு வந்து விடுவர்...

தேவை கவனம் !!

நிச்சயம் C A ஒரு அற்புதமான படிப்பு தான். இதனை முடித்து ஒருவர் கூட வேலை இல்லாமல் இருக்கிறார் என சொல்ல முடியாது. முடித்த அனைவரும் தங்கள் திறமைக்கேற்ப ஊதியம் ஈட்டுகின்றனர்.. எல்லாம் சரி தான்..

ஆனால் சினிமா துறைக்கு வந்து ஷைன் செய்தோர் சில நூறு பேர்.. சிறு வாய்ப்பு கூட இன்றி சிரமப்படுவோர் ஏராளம் என்கிற மாதிரி.. இந்த கோர்ஸ் முடிக்க முடியாமல் விட்டு விட்டோர் எண்ணிக்கை பல லட்சம் தாண்டும்..

எனவே எந்த ஒரு மாணவனும் இந்த கோர்ஸ் பற்றி முழுதாக அறிந்து கொண்டு , பாட திட்டம்,  பாஸ் பெர்சண்டேஜ் உள்ளிட்டவை பற்றி அறிந்து கொண்டு அப்புறம் சேர்வது தான் நல்லது..

மேலும் ஆர்வமில்லாத எந்த ஒரு மாணவரையும்  இதற்குள் தள்ளுவது நல்லதல்ல..

இணைய தள முகவரி: http://www.icai.org/

சென்னை அலுவலகம் :

‘ICAI Bhawan’, 122 MG Road, Post Box No. 3314
Nungambakkam, Chennai - 600 034
Phone 044-39893989, 30210300

தொடர்புடைய பதிவுகள்:

கம்பனி செக்ரட்டரி படிப்பும் வேலை வாய்ப்பும்

வக்கீல் படிப்பு- வேலை வாய்ப்பு - ஓர் அலசல்

காஸ்ட் அக்கவுன்ட்டசி கோர்ஸ் - ஒரு பார்வை

சென்னையில் பி.காம் அட்மிஷன் + சிறந்த 10 கல்லூரிகள் : ஒரு பார்வை

எங்கள் பெண் இவ்வருடம் + 2 முடித்து விட்டு கல்லூரியில் சேர்கிறார். எனவே அவருக்காக சென்னை கல்லூரிகள் பற்றி நிறைய தகவல்கள் விசாரித்தேன்.. அது பற்றிய ஒரு குறிப்பு..

லயோ...லா !!

உண்மையில் இப்போது சென்னை கல்லூரிகளில் பி.காம் சீட் கிடைப்பது தான் மிக கடினம்... !! கல்லூரிகளில் பி. எஸ். சி படிப்பிற்கான கவுண்ட்டர்கள் கூட்டமே இன்றி இருக்க, பி.காம்க்கு மட்டும் பல்வேறு கவுண்ட்டர்கள்.. !!ஒவ்வொன்றிலும் கூட்டம் அம்முகிறது..

+ 2 வில் கணிதம். பிசிக்ஸ், கெமிஸ்ட்ரி படித்த மாணவர்கள் பெரும்பாலும் பணம் தந்தாவது இஞ்சினியரிங் சேர்ந்து விடுகிறார்கள். எனவே பி. எஸ். சி - Physics, Chemistry போன்ற படிப்புகளுக்கு கூட்டம் மிக குறைவாக உள்ளது.. அதே நேரம்  + 2 வில் காமர்ஸ், அக்கவுண்ட்ஸ் படித்த மாணவர்கள் விரும்பும் ஒரே படிப்பாக பி. காம் இருக்கிறது.

உங்கள் மகன்/ மகள் அல்லது நெருங்கிய உறவினர் மகன்/ மகள்க்கு பி. காம் சீட் வேண்டுமென்றால் நீங்கள் செய்ய வேண்டியது:

1. தேர்வு முடிவு வர சில வாரங்கள் முன்னரே பல கல்லூரிகளில் அப்ளிகேஷன் தர துவங்கி விடுகிறார்கள். முடிந்தால் முன்பே அவற்றில் சில வாங்கி - மதிப்பெண் தவிர மற்ற விஷயங்கள் எழுதி வைத்து விடுவது நல்லது.

2. ரிசல்ட் வந்ததும், கணினியில் தெரியும் மார்க் சீட் பிரிண்ட் எடுத்து கொண்டு உடனடியாய் நீங்கள் சேர வேண்டிய கல்லூரியை அணுகி அப்ளிகேஷன் தந்து விடவும். காரணம் பல கல்லூரிகள் - அப்ளிகேஷன் வருகிற வரிசையிலேயே அட்மிஷன்  போடுகிறார்கள். அந்த கல்லூரியில் பி. காம்  படிப்புக்கு 100 சீட் என்றால் முதல் நாளே 1000 பேர் அப்ளிகேஷன் தருகிறார்கள். அதில் முதல் 100 மார்க் எடுத்தோருக்கு முதல் லிஸ்ட் தேர்வு என + 2 தேர்வு முடிவு வந்த மறு நாளே பல பெரிய கல்லூரிகள் வெளியிட துவங்கி விடுகின்றன.

வனம் போன்ற MCC வளாகம் 

தேர்வு முடிவு வெளிவந்து மறு நாள் சென்றாலே, அந்த கல்லூரியின் முதல் லிஸ்ட் வெளியாகி இருக்கும் !! அதில் சில பேர் சேராமல் போவார்கள்; எனவே அடுத்த லிஸ்ட் வெளியாகும்..

நாங்கள் சில காரணங்களால் 3 நாள் கழித்து தான் கல்லூரிகளை அணுகினோம்; அதற்குள் பல கல்லூரிகளில் முதல் 2 லிஸ்ட் முடிவுகள் வெளியாகி விட்டது...!!

3. நீங்கள் ஒரு வேளை முன்பே அப்ளிகேஷன் வாங்கி வைத்திரா விடில், உங்கள் மகன்/ மகளின் 10ஆம் வகுப்பு மார்க் சீட் ,  + 2 மார்க் சீட், சாதி சர்டிபிகேட், அவனது பெயர் உள்ள ரேஷன் கார்ட் காப்பி இவற்றின் நகல்களை எடுத்து கொண்டு ரிசல்ட் வரும் நாளே கல்லூரியை அணுகி விடுங்கள். அப்ளிகேஷன் எளிமையாக தான் இருக்கும். வாங்கி அங்கேயே பில் செய்து கொடுத்து விட்டு வந்து விடலாம்.

4. கொடுக்கிற அப்ளிகேஷன்களை உடனடியே பார்த்து விட்டு அநேகமாய் மறு நாளே பல கல்லூரிகள் தேர்வான மாணவர்களுக்கு SMS மற்றும் மெயில் அனுப்பி விடுகிறார்கள். அதுவும் அந்த SMS /மெயில் வந்த மறு நாளே பணம் கட்டி சேர வேண்டும் என்ற ரீதியில் தான் அனைத்து கல்லூரிகளும் பணிக்கின்றன. நீங்கள் முடிவு செய்ய நேரம் தருவதே இல்லை.

நீங்கள் குறிப்பிட்ட தேதியில் சென்று " கல்லூரியில் சேர - பணம் கட்ட நேரம் கொடுங்க" என்று கேட்டால் அவர்கள் - தருவதே இல்லை; அதிக பட்சம் சில நேரங்களில் ஒரு நாள் அவகாசம் தரலாம்; அதற்கே நீங்கள் போராட வேண்டும்.

ஸ்டெல்லா மாரிஸ்.. இங்கு படித்து முடிப்பதை மிக மிக பெருமையாக கருதுகிறார்கள் !

எனவே இந்த கல்லூரியில் சேரலாமா என்று முடிவெடுக்க வேண்டியது அவசியம். அதற்கு அவகாசமும் குறைவாகவே இருக்கும். மற்ற கல்லூரியில் இடம் கிடைக்குமா என்பதும் தெரியாத நிலையில் - இந்த நாள் சென்று பீஸ் கட்டா விடில் - இந்த சீட்டும் போய் விடும் என்கிற டென்ஷன் வேறு..

5. பெரும் கல்லூரிகளில் ஒரு செமஸ்டர் பீஸ் 25,000 முதல் 30,000 வரை ஆகிறது. இந்த பணத்தை தயாராய் வைதிருப்பதும்   அவசியம். முன்பே சொன்னது போல் முதல் நாள் அப்ளிகேஷன் தந்தால் ஓரிரு நாளில் செலக்ஷன் லிஸ்ட் வந்து விடும்; மறு நாளே நேரில் வந்து கவுன்சலிங் முடித்து பணம் கட்ட சொல்வார்கள்.. எனவே இந்த பணம் புரட்ட அதிக அவகாசம் இருக்காது.. எனவே பணம் தயாராய் இருப்பது அவசியம்..

6. அனைத்து கல்லூரிகளிலும் மொத்த மதிப்பெண்ணை கணக்கில் எடுப்பதில்லை; காமர்ஸ், அக்கவுண்டன்சி, எக்கனாமிக்ஸ், வணிக கணிதம் (அல்லது ) கணினி அறிவியல் - ஆகிய முக்கிய படிப்பில் என்ன மார்க் எடுத்தார்களோ அதன் அடிப்படையில் தான் அட்மிஷன் தரப்படுகிறது

7. சிறந்த பெண்கள் கல்லூரிகளான ஸ்டெல்லா மாரிஸ்  கல்லூரி, MOP வைஷ்ணவா போன்றவற்றில் முதல் லிஸ்ட் டில் - 4 பாடங்களிலும் 200 மார்க் எடுத்தோருக்கு தான் சீட் கிடைக்கிறது !! நம்ப சிரமமாய் தான் இருக்கும்.. நினைத்து பாருங்கள் .. 800க்கு 800.. மிக மிக குறைந்த பட்சம் 799 மார்க்குடன் முதல் லிஸ்ட் நின்று விடுகிறது !

விமன்ஸ் கிறித்துவ கல்லூரி, ஸ்டெல்லா மாரிஸ் கல்லூரி போன்ற கிருத்துவ கல்லூரிகளில் 25% கிருத்துவர்களுக்கு இட ஒதுக்கீடு உள்ளது. எனவே இந்த கல்லூரிகளில் கிருத்துவ மாணவிகளில் பலருக்கு முதல் லிஸ்ட்டில் 790 அல்லது 780 மார்க் வரை கூட சீட் கிடைக்க வாய்ப்ப்புண்டு

8. எத்திராஜ், விமன் கிறிஸ்டியன் கல்லூரி போன்ற பல கல்லூரிகளில் Aided மற்றும் செல்ப் பைனான்சிங்க் என்ற 2 பிரிவும் இருக்கிறது; Aided க்கு பீஸ் நிச்சயம் குறைவு; ஆனால் சீட் கிடைப்பது இன்னும் சிரமமாக இருக்கிறது; அநேகமாய் 4 பாடத்திலும் சேர்த்து 800 அல்லது 799 வாங்கினால் தான் அங்கு வாய்ப்பு.

எத்திராஜ்  கல்லூரி 

9. இட ஒதுக்கீடு முறை கல்லூரிகளில் பின்பற்றப்படுகிறது; இதனால் குறைந்த பட்சம் SC மற்றும் MBC மாணவ மாணவிகள் பயன் பெறுகிறார்கள். FC பிரிவினர் பாடு பெரும் திண்டாட்டம் என்றால், BC அதற்கடுத்து வருவதால்  அவர்களுக்கு சீட் கிடைப்பதும் சிரமமாகவே இருக்கிறது !

10. நிறைவாக..

அவசியம் 3 அல்லது 4 கல்லூரிகளில் அப்ளை செய்யுங்கள்; எந்தெந்த கல்லூரியில் சென்ற வருடம் என்ன கட் ஆப் - இந்த வருட கட் ஆப் என்னவாக இருக்கும் என்கிற விபரங்களை முன் கூட்டியே சேகரியுங்கள்.

நிச்சயம் ஏதேனும் ஒரு கல்லூரியிலிருந்து அழைப்பு வரும். ஆனால் மனித மனமே - எங்கு கிடைக்கிறதோ அதை பெரிதாய் நினைக்க மாட்டோம்; எங்கு கிடைக்கலையோ அதற்கு தான் ஏங்கும். அதே நேரம் இந்த வாய்ப்பையும் தவற விட்டால் என்ன ஆவது என்கிற கேள்வியும் உள்ள நிலையில் சரியான முடிவு எடுப்பது மிக அவசியம் !!

2013 ல் இந்தியா டுடே சர்வேயில் காமர்ஸ் படிக்க சென்னையில் சிறந்த கல்லூரிகள் என பரிந்துரைத்தவை இவை; அநேகமாய் இது சம்பந்தமாய் நடந்த இன்னும் சில சர்வேக்களும் கூட இந்த கல்லூரிகளை தான் சொல்கிறது:ANK

NAME OF THE COLLEGE

1.Loyola College

2.Madras Christian College(MCC)

3.Stella Maris College

4.Ethiraj College for Women

5.MOP Vaishnav College for women

6.D.G Vaishnav College

7.Women’s Christian College

8.Presidency College

9.Vivekananda College

10.Meenakshi College for Women
******
அண்மை பதிவுகள்:

தொல்லைகாட்சி: ஐ.பி.எல் பைனல்-அச்சம் தவிர் 

இது நம்ம ஆளு.. தப்பிச்சுக்குங்க சகோ ! சினிமா விமர்சனம்

சித்த மருத்துவ டாக்டர் படிப்பு - BSMS : படிப்பும் வேலை வாய்ப்பும்

மருத்துவர் ஆக வேண்டுமென்பது பலரின் கனவு. அரசு மருத்துவ கல்லூரியில் MBBS அனைவருக்கும் கிடைப்பது மிகவும் சிரமம். நமது பாரம்பரிய சித்த மருத்துவத்தை போதிக்கும் BSMS என்னும் நான்கரை வருட சித்தா டாக்டர் படிப்பை பற்றி சில முக்கிய தகல்வல்கள்..

+ 2 வில் என்ன க்ரூப் படித்தவர்கள் சேரலாம்? 

+ 2 வில் கணிதம்/ இயற்பியல் / வேதியல் / உயிரியல் படித்த மாணவர்கள்  அல்லது இயற்பியல், வேதியல், தாவரவியல்/ விலங்கியல் என சயின்ஸ் க்ரூப் படித்தவர்கள் படிக்கலாம். உயிரியல் படிப்பு படித்திருப்பது மிக அவசியம்.

சில பள்ளிகளில் "சித்தா க்ரூப்" என ஒன்றிருக்கும். இவர்களும் இந்த படிப்பில் சேரமுடியும்



அரசு மற்றும் தனியார் கல்லூரிகள் எங்குள்ளன? 

அரசு சித்தா கல்லூரிகள் சென்னை மற்றும் பாளையங்கோட்டை (திருநெல்வேலி அருகே)  உள்ளன.

தனியார் கல்லூரிகள் சென்னை, ஸ்ரீ பெரும்புதூர், சேலம், கோயம்புதூர், கன்யாகுமரி போன்ற ஊர்களில் தனியார் கல்லூரிகள் உள்ளன. இங்கு பாதி சீட்டுகள் மெரிட்டிலும்,  மீதம் பாதி மேனேஜ்மெண்ட் கோட்டாவில் வழங்கப்படுகிறது.

பிளஸ் டூவில் என்ன மார்க் வாங்கியிருந்தால் இதில் சேர முடியும்?  

இயற்பியல், வேதியல், உயிரியல் பாடங்களில் எடுத்துள்ள மதிப்பெண்கள் அடிப்படையில் அரசு கல்லூரி மற்றும் தனியாரில் மெரிட் சீட்டுகள் வழங்கப்படுகின்றன.

 மேனேஜ்மெண்ட் கோட்டாவில் சேர சில - பல லட்சங்கள் வாங்கப்படுகிறது.. தற்சமயம் என்ன அளவு என்பதை விசாரித்து தெரிந்து கொள்ளவும்..



எத்தனை வருட படிப்பு? 

நான்கரை வருட படிப்பு இது. மேலும் 1 வருடம் ஹவுஸ் சர்ஜன்சி என முடிக்க ஐந்தரை வருடங்கள் ஆகும்.

நான்கரை வருட படிப்பில் பாடங்கள் பாதி  தமிழிலும், பாதி ஆங்கிலத்திலும் இருக்கும். எனவே தமிழ் மீடியத்தில் படித்த மாணவர்கள் - கல்லூரி படிப்பு என்றாலே முழுக்க ஆங்கிலத்தில் இருக்குமே என்ற பயம் இன்றி சேரலாம்.



10th , 12 th இரண்டிலுமே தமிழ் பாடம் படிக்காமல் ஹிந்தி அல்லது பிரெஞ்ச்சு பாடம் படித்திருந்தால் - முதல் ஆண்டு  பிற தேர்வுகளுடன் சேர்த்து தமிழ் பரீட்சை ஒன்றை எழுத வேண்டும்.

இந்த படிப்பு முடித்தவர்களுக்கு வேலை வாய்ப்பு எப்படி ?

தமிழகத்தில் ஒவ்வொரு வருடமும் 200 முதல் 300 சித்தா டாக்டர்கள் வெளி வருகிறார்கள்.

அரசு 3 ஆண்டுகளுக்கு ஒரு முறை அரசு பணிக்கு தேர்வு மற்றும் இன்டர் வியூ நடத்துகிறது. இதில் 50 முதல் அதிக பட்சம் 100 பேர் தேர்வாவார்கள். 3 ஆண்டுகளில் 600-700 படிப்பை முடித்தால் அதில் 50 முதல் 100 பேருக்கு மட்டுமே கடும் போட்டிக்கிடையே அரசு பணி கிடைக்கிறது.

மீதம் உள்ளோர் தனி ப்ராக்டிஸ் தான் செய்கிறார்கள். கல்லூரியில் படிக்கும்போது ஆர்வமாய் படித்து, கடின உழைப்பு செய்தவர்கள் - ப்ராக்டிஸ்சில் நிச்சயம் நன்கு செய்வார்கள் என்று சொல்லப்படுகிறது

இன்னொருவரை நம்பியில்லாமல் தனியாக தனது சொந்த காலில் நிற்பது பெருமை தானே ?

சித்த மருத்துவர்கள் வெளிநாட்டில் வேலை செய்கிறார்களா? இந்த படிப்புக்கு வெளிநாட்டு வேலை வாய்ப்பு எப்படி? 

மிக குறைந்த சதவீதத்தினரே வெளி நாட்டில் வேலை செய்கிறார்கள். இந்த படிப்பு மிக அதிகம் தமிழகம் மற்றும் இந்தியாவில் தான் பயன் படுகிறது.

சிலர் சித்த மருத்துவம் முடித்த பின் - மேற்படிப்பு - வேறு படித்து விட்டு   வெளி நாடு செல்கிறார்கள்.

சித்தர்கள் கண்டெடுத்த அற்புத மருத்துவ முறை இது; இது தமிழகத்திற்கே உரித்தான படிப்பு. கடின உழைப்பும் ஆர்வமும் உள்ள மாணவர்கள் அவசியம் படித்து பயன் பெறலாம்.

எங்கெங்கு சித்தா கல்லூரிகள் உள்ளன, அவற்றின் முகவரி, மொத்த சீட்டுகள் எண்ணிக்கை அறிய: 

தமிழ்நாடு MGR யூனிவர்சிட்டி இணையம் 

காரியர் வெப் இணையம்  

வேலை வாய்ப்பை அள்ளித்தரும் D Pharm & B. Pharm: ஒரு பார்வை

டிப்ளோமா இன் பார்மசி

இந்த படிப்பை யார் படிக்கலாம்? 

+ 2 வில் இயற்பியல் / வேதியல் படித்த மாணவர்கள் - டி. பார்ம் படிப்பில் சேரலாம். அதாவது கணிதம், இயற்பியல், வேதியல் என மேக்ஸ் க்ரூப் படித்தவர்கள் அல்லது உயிரியல். இயற்பியல் , வேதியல் - என சயின்ஸ் க்ரூப் படித்த மாணவர்கள் படிக்கலாம். காமர்ஸ் உள்ளிட்ட பிற பிரிவு முடித்தவர்கள் சேர முடியாது.

எத்தனை வருட படிப்பு இது? என்ன படிக்கிறார்கள்? 

இது ஒரு டிப்ளோமா கோர்ஸ். 2 வருட படிப்பு. இதில் கீழ்கண்ட பாடங்களை படிக்கிறார்கள்

முதல் வருடம் 
Pharmaceutics – I
Pharmaceutical Chemistry – I
Pharmacognosy
Biochemistry & Clinical Pathology
Human Anatomy & Physiology
Health Education & Community Pharmacy

இரண்டாம் வருடம் 
Pharmaceutics – II
Pharmaceutical Chemistry – II
Pharmacology & Toxicology
Pharmaceutical Jurisprudence
Drug Store and Business Management
Hospital and Clinical Pharmacy.

முழுக்க முழுக்க மருந்துகள் பற்றிய பாடங்கள் தான் இவை. வேதியல் பாடம் நன்கு படிக்கும் மாணவர்கள் இதில் பெரும்பாலான பாடங்களை ஆர்வத்துடன் படிப்பர்.



என்ன விதமான வேலை வாய்ப்புகள்? 

ஒவ்வொரு மருந்து கடையிலும் டி . பார்ம் முடித்தவர் ஒருவராவது இருக்க வேண்டும். கடைகளில் பார்மசிஸ்ட்  ஆக பணியாற்றினால் குறிப்பிட்ட அளவு சம்பளம் தான் கிடைக்கும். எனவே டி . பார்ம் முடித்த பின் தானே ஒரு மருந்து கடை ஆரம்பிப்பதே மிக சிறந்தது. இதற்கு மிக அதிக முதலீடு தேவையில்லை; சில லட்சங்கள் போதும்; பெரும்பாலான மருந்து நிறுவனங்கள் க்ரெடிட் முறையில் கடைகளுக்கு மருந்துகள் சப்ளை செய்யும். எனவே சரியான வழி காட்டுதலுடன் தனி கடை ஆரமபித்து நல்ல முறையில் பணம் ஈட்டலாம். சுய தொழில் என்பது சிறப்பான ஒன்று தான் !

அரசும் பார்மசிஸ்ட்டுகளை தொடர்ந்து வேலைக்கு எடுக்கிறது; இதற்கான தேர்வை பாஸ் செய்தால் - அரசு வேலையும் கிடைக்கும். மேலும் ரயில்வேயிலும் பார்மசிஸ்ட்டுகளை வேலைக்கு எடுக்கிறார்கள்

மேற்படிப்பு? 

இது ஒரு டிப்ளோமா படிப்பு தான். இந்த கோர்ஸ் முடித்த பலரும் பி. பார்ம் என்கிற மேற்படிப்பு படிக்கிறார்கள். இது பற்றி தனியாக கீழே தந்துள்ளேன்..

செலவு? 

அரசு கல்லூரிகளில் வருட பீஸ் 5000 முதல் 7000 வரை என்கிற மிக குறைந்த அளவில் இருக்கும்.

தனியார் கல்லூரிகள் சில ஆண்டுகள் முன் 25,000 முதல் 30,000 வரை பீஸ் வாங்கி வந்தனர். தற்போது இன்னும் சற்று அதிகமாகியிருக்கலாம்.
**************
பேச்சிலர் ஆப் பார்மசி (B. Pharmacy)

யார் யார் இந்த கோர்ஸில் சேர முடியும் ?

டி. பார்முக்கு மேலே சொன்னது இங்கும் பொருந்தும். + 2 வில் இயற்பியல், வேதியல்   பாடங்களை படித்த மாணவர்கள் விண்ணப்பிக்கலாம்.



மேலும் டி. பார்ம் படித்தவர்களும் பி. பார்ம் சேர விண்ணப்பிக்க முடியும். ஒரு கல்லூரியில் 25 சீட்டுகள் இருந்தால், அதில் 15 சீட்டுகள் +2 முடித்தவர்களுக்கும், 10 சீட்டுகள் டி. பார்ம் படித்தவர்களுக்கும் என்ற ரீதியில் சீட்டுகள் வழங்கப்படும்.

 இது 4 வருட படிப்பு; மருந்துகளின் தன்மை, மருந்து தயாரிக்கும் விதங்கள் உள்ளிட்ட பாடங்கள் இப்படிப்பில் இடம் பெறுகிறது

கட் ஆப் மார்க்?

FC, BC, MBC, SC என கட் ஆப் மார்க் மாறுபடுகிறது. வேதியல், இயற்பியல், உயிரியல் பாடங்களின் மொத்த கூட்டு தொகை 180 முதல் 190 மார்க் எடுத்தவர்களுக்கு சீட் கிடைக்க வாய்ப்புகள் உள்ளது.

பெரும்பாலும் பெற்றோர் / மாணவர்களின்  விருப்பம் MBBS ஆகத்தான் உள்ளது. அது கிடைக்காதவர்கள் BDS , BVSC போன்ற கோர்ஸ்களை நாடுகிறார்கள். இதற்கு அடுத்த கட்ட விருப்ப தெரிவாக பி. பார்ம் இருக்கிறது.

இந்த படிப்பை படிக்க கல்லூரிகள் எங்கெல்லாம் உள்ளன? 

கல்லூரிகள் பற்றிய இந்த பதில்  டி. பார்ம் மற்றும் பி. பார்ம் இரண்டு கோர்ஸ்களுக்குமே பொருந்தும்.

அரசு கல்லூரிகள் சென்னை, கோவை, மதுரை, தஞ்சை உள்ளிட்ட சில நகரங்களில் உள்ளன. தனியார் கல்லூரிகள் இதே ஊர்கள் அனைத்திலும் உள்ளன; மேலும் சேலம், காஞ்சிபுரம், நாமக்கல், ஊட்டி, நாகப்பட்டினம், கடலூர், திருவண்ணாமலை, கன்யாகுமரி, திருநெல்வேலி, சிவகாசி, திருச்சி, திருவள்ளூர், விருதுநகர், தருமபுரி உள்ளிட்ட ஊர்களில் உள்ளது.  அனைத்து கல்லூரிகள் விபரம் கீழே உள்ள லிங்கில் பார்க்கலாம் :

http://www.highereducationinindia.com/india/pharmacy-institutes-tamil-nadu.php

வேலை வாய்ப்புகள்? 

மிக மிக பிரகாசமான வேலை வாய்ப்ப்புகள் பி. பார்ம் படிப்பிற்கு உண்டு. இதனை முடித்து விட்டு வேலை இல்லாமல் இருப்போர் யாரும் இருக்க முடியாது.

இந்தியாவில் மருந்து துறை மிக பெரியது; நம் நாட்டில் மக்கள் தொகை அதிகம்; நோய்கள் & நோயாளிகள் மிக அதிகம். எனவே மருந்து உற்பத்தி செய்யும் நிறுவனங்களும் அதிகமாகவே உள்ளது.

மருந்து உற்பத்தி செய்யும் யூனிட்டுகளில் கெமிஸ்ட் (Chemist ) கள் முக்கிய பங்கை வகிக்கிறார்கள். ஒவ்வொரு மருந்து கம்பனியிலும் நிறைய கெமிஸ்ட்கள் இருப்பர். எனவே மருந்து தயாரிக்கும் கம்பனிகளில் பி. பார்ம் முடித்தோருக்கு ஏராள வேலை வாய்ப்புகள் உள்ளது.



தமிழக அரசில்- ட்ரக்  இன்ஸ்பெக்டர் என்கிற வேலை வாய்ப்பு - தேர்வு மற்றும் நேர் முக தேர்வை வெற்றி கரமாக எதிர் கொண்டு சேர்ந்தால், கெஜட்டட் ஆபிசர் என்கிற அளவில் சேர முடியும்.

மேலும் பி. பார்ம் முடித்தவர்கள் மருந்து கம்பனிகளில் ரெப்ரசெண்டேடிவ் ஆக பணியாற்றுகிறார்கள். நிச்சயமாக நல்ல கம்பனியிலும், அது கிடைக்காத பட்சம் சிறு கம்பனியிலாவது ரெப்ரசெண்டேடிவ் வேலை நிச்சயம் கிடைக்கும். சிறு நிறுவனத்தில் சில வருடங்கள் பணியாற்றி விட்டு பின் நன்கு எஸ்டாப்ளிஷ் ஆன கம்பனிகளுக்கு பலரும் மாறுகின்றனர்.

இப்படி கெமிஸ்ட், ட்ரக் இன்ஸ்பெக்டர், ரெப்ரசெண்டேடிவ் என ஏராள வேலை வாய்ப்பு உள்ள அற்புதமான படிப்பு பி. பார்ம்; மக்களுக்கு இன்னும் இந்த படிப்பு பற்றி அதிகம் தெரியாததால் பலரும் சேர்வதில்லை;

பல நேரங்களில் மருந்து துறையில் தந்தை அல்லது பிற நெருங்கிய உறவினர் இருப்போர் தான் டி. பார்ம் அல்லது பி . பார்ம் படிப்பில் சேர்கிறார்கள். ஏற்கனவே இருப்போர் உதவுவர் என்பதால் மட்டுமில்லை - அதை விட முக்கியமாய் - அவர்களுக்கு தான் இந்த படிப்பின் அருமை தெரிகிறது- எனவே சரியாக அவர்கள் இந்த கோர்ஸ் படிக்க சொல்கிறார்கள்.

இதுவரை இந்த கோர்ஸ் பற்றி அதிகம் அறியாதோரும் கூட நம்பி சேர கூடிய ஒரு மிக நல்ல கோர்ஸ் பி. பார்ம்.

எனது அண்ணன்கள் இருவரும் இந்த படிப்பை தான் முடித்து  செட்டில் ஆனார்கள் என்பதால் இந்த படிப்பு பற்றி நன்கு அறிவேன் :)
**************
தொடர்புடைய பதிவுகள்:

கம்பனி செக்ரட்டரி படிப்பும் வேலை வாய்ப்பும்

காஸ்ட் அக்கவுன்ட்டசி கோர்ஸ் - ஒரு பார்வை

வக்கீல் படிப்பு- வேலை வாய்ப்பு - ஓர் அலசல்

காஸ்ட் அக்கவுன்ட்டசி கோர்ஸ் - ஒரு பார்வை

ICWA என்று ஏராள மக்களுக்கு தெரிந்த காஸ்ட் அக்கவுன்ட்டசி படிப்பு தற்போது பெயர் மாற்றம் செய்து ICMA என்று அழைக்கப்படுகிறது

இந்த கோர்ஸ் முடித்தவர்கள் ACMA ( (Associate Cost and Management Accountant) என்ற குவாலி பிகேஷன் - தன் பெயருக்கு பின்னால் போட்டு கொள்ளலாம்

CA, ACS, ICWA  ஆகிய 3 கோர்ஸ்களும் காமர்ஸ் படிப்போரால் விரும்பி படிக்கப்படுபவை.

55 வருடங்களுக்கும் முன்பு துவங்கப்பட்ட ஒரு பழமையான படிப்பு இது.

உற்பத்தி செய்யும் நிறுவனங்களில் (Manufacturing ) இந்த படிப்பின் தேவை அதிகமாக உள்ளது. ஒரு பொருளை தயார் செய்ய ஆகும் செலவு, அதனை எப்படி குறைப்பது - இது இரண்டும் ஒரு காஸ்ட் அக்கவுண்டட்டின் முக்கிய வேலையாகும்

ICWA படிப்பை முடிக்க எவ்வளவு செலவாகும்? எத்தனை வருடங்களாகும்?

துவக்கம் முதல் முடிவு வரை 20,000- 30,000 வரை செலவாகும்; அந்தந்த நிலை வரும்போது தான்  பணம் கட்டவேண்டும்.

பவுண்டேஷன் துவங்கி படித்தால் 3 வருடங்களும், டிகிரி முடித்தவர்கள் நேரே இன்டர் மீடியட் டில் நுழைந்தால் 2 வருடத்திலும் முடிக்கலாம் (பெயில் ஆகாமல் பாஸ் செய்யும் பட்சத்தில்)



எத்தனை நிலைகள் உள்ளன?

+ 2 எந்த க்ரூப் படித்தவர்களும் பவுண்டேஷன் என்கிற துவக்க நிலையில் சேரலாம். இது 4 பேப்பர்களை கொண்டது. ஒவ்வொரு பேப்பரிலும் 40 மார்க்கும் மொத்தமாக - நான்கிலும் சேர்த்து 200 மார்க்கும் எடுத்தால் பாஸ் செய்து விடலாம்

பவுண்டேஷன் பாஸ் செய்தவர்களும், டிகிரி முடித்தவர்களும் இன்டர் மீடியட் என்கிற இரண்டாம் நிலைக்கு செல்லலாம்.

இது 2 க்ரூப்களை கொண்டது. ஒவ்வொரு க்ரூப்பிலும் 4 பேப்பர்கள் உண்டு. மொத்தம் இந்த நிலையில் 8 பேப்பர்கள்.

ஒரு க்ரூபில் ஒவ்வொரு பேப்பரிலும் 40 மார்க்கும் மொத்தமாக - நான்கிலும் சேர்த்து 200 மார்க்கும் எடுக்க வேண்டும்.

இதுவே 8 பேப்பர்களும் சேர்த்து எழுதினால், ஒவ்வொரு பேப்பரிலும் 40 மார்க்கும் மொத்தமாக - எட்டிலும் சேர்த்து 400 மார்க்கும் எடுக்கவேண்டும்.

இன்டெர் மீடியட் பாஸ் செய்தவர்கள் பைனல் - எனும் இறுதி நிலைக்கு செல்லலாம். இன்டெர் மீடியட் போலவே அங்கு மொத்தம் 8 பேப்பர்கள் உள்ளன. பாஸ் செய்ய தேவையான மார்க்குகளும் மேற் சொன்னவாறே.

பைனல் பாஸ் செய்தவுடன் மெம்பர் ஆகி விட முடியுமா? C A போல ட்ரைனிங் எதுவும் வேண்டாமா? 

பாஸ் செய்து முடித்ததும், குறைந்தது 3 வருடம் ஏதேனும் அலுவலகத்தில் பைனான்ஸ் சம்பந்தமான வேலை செய்த அனுபவம் இருந்தால் - உடன் மெம்பர் ஆகி விட முடியும்.

படித்து முடிக்கும் போது - வேலையில் வேறு முன் அனுபவம் இல்லா விடில் - சில ஆண்டுகள் வேலை செய்துவிட்டு தான் - முழுமையான மெம்பர்ஷிப் வாங்க முடியும்.

C A வில் கண்டிப்பாக ஆடிட்டரிடம் சேர்ந்து தான் 3 ஆண்டுகள் பயிற்சி எடுக்க வேண்டும் என்பது ஸ்ட்ரிக்ட் ஆக பயன்படுத்தும் ஒரு ரூல் ஆகும். இங்கு அப்படியின்றி, எந்த நிறுவனத்தில் பைனான்ஸ் துறையில் வேலை செய்தாலும் போதும் என்பதால் - படித்து முடித்து விட்டால் -மெம்பர்ஷிப் வாங்குவதில் பெரும் சிரமம் இருக்காது.



CA-விற்கும் ICWA- விற்கும் என்ன வித்யாசம்?

C A - பெரியண்ணா என்றால் - இவர் கடைசி தம்பி.

நிச்சயம் C A - விற்கு இருக்கும் அங்கீகாரம் மற்றும் வாய்ப்புகள் அளவு இப்படிப்பிற்கு இல்லை; ஆனால் C A மிக கடினமான கோர்ஸ். பலரால் முடிக்க முடியாது. எனவே அந்த அளவு உழைப்பு தர முடியாது - தன்னால் பாஸ் செய்ய முடியாது என்று எண்ணுவோரில் பலர் தான் - அதற்கடுத்து உள்ள இந்த படிப்பை  தேர்வு செய்கின்றனர்.

இதற்கு இன்னொரு உதாரணம் சொல்ல வேண்டுமெனில் மருத்துவ படிப்பு ( MBBS ) படிக்க எண்ணுவோர் - அது முடியாத பட்சம் - பல் மருத்துவம், B V S C - போன்ற அடுத்த நிலை படிப்புகளை நாடுவதை சொல்லலாம்.

ACS Vs ICWA???

கம்பனி செகரட்டரி நிறுவனமும், காஸ்ட் அக்கவுண்டண்ட் நிறுவனமும் செய்து கொண்டுள்ள பரஸ்பர ஒப்பந்தத்தின் படி, ACS முடித்திருந்தால் - இந்த கோர்ஸில் பாதிக்கும் மேற்பட்ட பரிட்சைகள் எழுத வேண்டாம். அவை Exempt ஆகிவிடும். மீதமுள்ளவை எழுதினால் போதும். நான் ACS முடித்தவன் ஆதலால் அப்படி தான் மீதமுள்ள தேர்வுகள் மட்டுமே எழுதி சரியே 2 ஆண்டுகளில் இந்த கோர்ஸ் முடித்தேன்.

முதலில் காஸ்ட் அக்கவுண்டண்சி முடித்து விட்டு பின் ACS படித்தாலும் இதே போல் ACS -ல் பாதிக்கும் மேற்பட்ட தேர்வுகள் எழுத தேவை இல்லை !!

ICWA முடித்தவர்கள் என்ன விதமான வேலைகள் செய்கிறார்கள்?

இவர்கள் பெரும்பாலும் நிறுவனங்களில் அக்கவுண்ட்ஸ் / பைனான்ஸ் டிபார்ட் மென்ட்டில் பணி புரிகிறார்கள். வெறும் பி. காம் முடித்து விட்டு நுழைந்தால் - துவக்க நிலை வேலை தான் நிறுவனத்தில் கிடைக்கும். இந்த கோர்ஸ் முடிப்பதால் - குறைந்த பட்சம் உதவி மேலாளர் ( Assistant Manager ) என்கிற நிலையில் சேர வாய்ப்புகள் அதிகம்.

பின் அக்கவுண்ட்ஸ் துறையில் பல விஷயங்களையும் கற்று தேர்ந்தால் - சில ஆண்டுகளில் அக்கவுண்ட்ஸ் டிப்பர்ட் மென்ட் -முழுமைக்கும் அவர்களே மேனேஜர் ஆகவும் வாய்ப்புகள் உண்டு (நிச்சயம் அது தனி நபர் திறமையை பொருத்தது)

கோர்ஸில் இண்டர்மீடியட் முடித்தாலே - பைனான்ஸ் துறையில் ஏதேனும் வேலை கிடைக்கும். முழுவதும் முடித்தால் இன்னும் நல்ல வேலைக்கு செல்ல முடியும். எனவே வேலை வாய்ப்புக்கு கவலை இல்லாத படிப்பு இது.

 தனியாக ப்ராக்டிஸ் செய்ய முடியுமா?

ஆம்; ஆடிட்டர் போல, கம்பனி செகரட்டரி போல தனியாக ப்ராக்டிஸ் செய்யலாம். ஆனால் CA  அல்லது ACS உடன் ஒப்பிடும்போது - தனியே ப்ராக்டிஸ் செய்ய வாய்ப்புகள் சற்று குறைவு தான். இந்த கோர்ஸ் முடித்த பலரும் நிறுவனங்களில் தான் பணிபுரிகிறார்கள். 


இணைய தள முகவரி

http://icmai.in/icmai/aboutus/

சென்னை அலுவலகம் :

SOUTHERN INDIA REGIONAL COUNCIL
CMA Bhawan,
4, Montieth Lane,
Egmore, Chennai - 600 008
Ph : 044-28554443,28554326 
Gram :"STANDCOST" 

Fax : 91- 044- 28554651
******
தொடர்புடைய பதிவுகள்

கம்பனி செக்ரட்டரி படிப்பும் வேலை வாய்ப்பும் 

வக்கீல் படிப்பு- வேலை வாய்ப்பு - ஓர் அலசல்

கம்பனி செக்ரட்டரி படிப்பும் வேலை வாய்ப்பும்

மோகன் குமாராகிய நான் படித்தது BL,  ACS,  ICWA ஆகிய 3 புரபஷனல் படிப்புகள் - ஆயினும் இன்றைக்கு எனது Identity என்றால் அது ACS தான் !

கம்பனி செக்ரட்டரி என்கிற இந்த அற்புதமான கோர்ஸ் பற்றி இந்த பதிவில் அறியலாம்.

ACS என்பதன் விரிவாக்கம் என்ன? 

ACS- விரிவாக்கம் -Associate in Company Secretaryship.  டில்லியில் உள்ள கம்பனி செக்ரட்டரிஸ் ஆப் இந்தியா என்கிற மத்திய அரசால் தொடங்கப்பட்ட நிறுவனம் நடத்துவதே ACS என்கிற இந்த கோர்ஸ். பொதுவாக ப்ளஸ் டூவில் காமர்ஸ் க்ரூப் அல்லது  பி. காம் முடித்தவர்கள் CA, ACS அல்லது ICWA படிப்பார்கள்.  

C A விற்கும் இதற்கும் என்ன ஒற்றுமை மற்றும் வேறுபாடு? 

இரண்டு படிப்புகளும் மிக அதிகமாக காமர்ஸ் க்ரூப் படித்தோர் தேர்வு செய்வது தான். C A வில் அக்கவுண்டன்சி மற்றும் ஆடிட் ( Audit) ஆகியவை முக்கிய பாடங்களாக உள்ளன. ACS -ல் ஒரு நிறுவனம் பின்பற்ற வேண்டிய அனைத்து சட்டங்கள் பற்றியும் படிக்கிறார்கள். இதனால் இவர்கள் கம்பனியில் சட்ட ஆலோசகராக விளங்குகிறார்கள்.

அலுவலகத்தில் என்ன விதமான வேலைகளை இவர்கள் செய்கிறார்கள்? 

3 மாதம் ஒரு முறை போர்ட் மீட்டிங் நடத்துவது
வருடம் ஒரு முறை பங்குதாரர்கள் (Shareholders ) மீட்டிங் நடத்துவது
ரிஜிஸ்ட்ரார் ஆப் கம்பனியில் நிறுவனத்திற்கு தேவையான Form களை - சமர்பிப்பது
நிறுவனம் அனைத்து சட்டங்களையும் சரியாக பின்பற்றுகிறதா என கவனிப்பது;  அது சம்பந்தமான லீகல் அட்வைஸ் நிறுவனத்தின் அனைத்து டிபார்ட் மெண்டுகலுக்கும் வழங்குவது

- இவை ஒரு கம்பனி செகரட்டரி செய்யும் சில முக்கிய வேலைகள்..

இந்த படிப்புக்கு எந்த தேதிக்குள் விண்ணப்பிக்க வேண்டும்? 

வருடம் முழுதும் ரிஜிஸ்ட்ரேஷன் நடைபெறுகிறது. சில குறிப்பிட்ட தேதிக்குள் ரிஜிஸ்தர் செய்தால் அடுத்து உடன் வரும் தேர்வினை எழுதலாம். அந்த தேதிக்கு பின் ரிஜிஸ்தர் செய்தால் சற்று தாமதமாக (6 மாதம் கழித்து) முதல் தேர்வை எழுத வேண்டும். அவ்வளவு தான் வித்யாசம். மற்றபடி வருடத்தின் எந்த நேரத்திலும் ரிஜிஸ்தர் செய்யலாம்.

படிப்பில் சேர எவ்வளவு மார்க் எடுத்திருக்க வேண்டும்? 

ப்ளஸ் டூ முடித்தவர்கள் நேரடியாக பவுண்டேஷன் படிப்பிலும், டிகிரி முடித்தவர்கள் நேரடியே எக்சிக்யூடிவ் படிப்பிலும் சேரலாம். மற்றபடி படிப்பில் சேருவதற்கு எந்த வித குறைந்த பட்ச மதிப்பெண் வரையறையும் இல்லை.

யார் யார் சேரலாம்? இதில் எத்தனை நிலைகள் உள்ளன?

பிளஸ் டூ - எந்த க்ரூப் முடித்தவர்கள் வேண்டுமானாலும் -  சேரலாம். இவர்கள் பவுண்டேஷன், எக்சிகியூடிவ், புரபஷனல் என்ற மூன்று நிலைகளை பாஸ் செய்ய வேண்டும்.  டிகிரி முடித்து விட்டு சேருபவர்கள் எக்சிகியூடிவ், புரபஷனல் என்ற 2 நிலைகளை எதிர் கொண்டால் போதும்.



முதல் நிலை: பவுண்டேஷன்

ப்ளஸ் டூ படித்தவர்கள் பவுண்டேஷன் என்கிற முதல் நிலை தேர்வை எதிர் கொள்ள வேண்டும்.

இது நான்கு பரிட்சைகள் கொண்டது. ரிஜிஸ்தர் செய்து ஆறு மாதம் கழித்து வரும் பரீட்சையை  எழுதலாம்.

முழுக்க அப்ஜெக்டிவ் டைப் கேள்விகள் - பாடத்தின் அடிப்படை விஷயங்களை நன்கு புரிந்திருந்தால் இந்த தேர்வை எளிதில் வெற்றி கொள்ளலாம்.

டிகிரி முடித்தோர் இந்த நிலை தேர்வை எழுத தேவை இல்லை.

இரண்டாம் நிலை: எக்சிகியூடிவ்

பவுண்டேஷன் தேர்வை பாஸ் செய்தவர்கள் மற்றும் டிகிரி முடித்தோர் இந்த இரண்டாம் நிலை தேர்வை எழுதலாம். ஏழு பேப்பர்கள் கொண்டது இந்த எக்சிகியூடிவ் நிலை. இதனை நான்கு மற்றும் மூன்று பேப்பர்களாக பிரித்து - ஜூன்/ டிசம்பர் மாதங்களில் தேர்வு எழுதலாம். அல்லது ஏழு பேப்பர்களையும் ஒன்றாகவும் எதிர் கொள்ளலாம்.

இந்த ஏழு பேப்பர்களையும் பாஸ் செய்த பின் அடுத்த நிலைக்கு செல்ல முடியும்.

மூன்றாம் நிலை: புரபஷனல்

இது 9 பேப்பர்களை உள்ளடக்கியது. 3 பேப்பர்களாக பிரித்து - பிரித்தும் எழுதலாம். அல்லது 9 பேப்பர்களை சேர்த்தும் எழுதலாம்.

பவுண்டேஷன், எக்சிகியூடிவ், புரபஷனல் அனைத்து தேர்வுகளும் வருடம் இரு முறை டிசம்பர் இறுதி வாரம் மற்றும் ஜூன் முதல் வாரத்தில் நடக்கிறது.

கோர்ஸ் முடிக்க எவ்வளவு காலம் ஆகும்?

பெயில் ஆகாமல் பாஸ் செய்பவர்கள் பவுண்டேஷன், எக்சிகியூடிவ், புரபஷனல் என்ற 3 நிலையும் - 3 வருடத்திற்குள் முடிக்கின்றனர்.

+ 2 முடித்து விட்டு கல்லூரியில் படித்த படி, இந்த கோர்ஸ் படித்து கல்லூரியின் இறுதி செமஸ்டருக்கு முன் ACS முடித்த பலரை அறிவேன்.

எக்சிகியூடிவ், புரபஷனல் - 2 நிலைமட்டும் எனில் - பெயில் ஆகாமல் பாஸ் செய்பவர்கள் - 2 வருடத்தில் முடிக்கிறார்கள்.

பாஸ் மார்க் எவ்வளவு?

பவுண்டேஷனில் 4 பேப்பர் உள்ளது .. ஒவ்வொன்றிலும் குறைந்தது 40 மார்க்கும், 4 பேப்பர்கள் சேர்த்து 200 மார்க்கும் (அக்ரிகேட்) வாங்க வேண்டும்; இப்படி - ஒவ்வொரு பாடத்திலும் 40 மார்க்/ மொத்தமாய் 50 % வாங்கினால் தான் தேர்வை முடிக்க முடியும்; பாஸ் ஆனதாக அர்த்தம்.

இதே கண்டிஷன் தான் .. பிற நிலைகளுக்கும்.  உதாரணமாய் எக்சிகியூட்டிவ் நிலையில் 3 பேப்பர் எழுதினால் - இதே போல் ஒவ்வொன்றிலும் குறைந்தது 40 மார்க்கும். 3 பேப்பர்கள் சேர்த்து 150 மார்க் (அக்ரிகேட்) வாங்க வேண்டும்.

கல்லூரி போல் சேர்ந்து படிக்க வேண்டுமா?

இல்லை; தொலை தூர படிப்பு தான் இது. ஆன் லைன் மூலம் ரிஜிஸ்தர் செய்தால் புத்தகங்கள் போஸ்டலில் வீட்டுக்கு வந்து விடும். ஆனால் - நாமாகவே படிக்காமல் - இதற்கான பயிற்சி வகுப்புகள் நடக்கும் இடத்தில் சேர்ந்து 3 முதல் 4 மாதங்கள் வரை படிப்பது நல்லது.

சென்னையை பொறுத்த வரை ACS இன்ஸ்டிட்யூட் நுங்கம்பாக்கத்தில் மூன்று நிலைகளுக்கும் வகுப்புகள் நடத்துகிறது.

3 நிலைகளுக்கும் தினசரி வகுப்புகளும், வார இறுதியில் மட்டும் நடக்கும் வகுப்புகளும் கூட உண்டு. 2827 9898 என்கிற எண்ணிற்கு தொடர்பு கொண்டு - முருகன் என்பவரிடம் வகுப்புகள் குறித்த தகவல்களை அறியலாம்.

இந்த கோர்ஸ் முடிக்க எவ்வளவு செலவாகும்?

பவுன்டேஷனில் சேர 4500 ரூபாய் கட்ட வேண்டும். பின் எக்சிகியூடிவ்., புரபஷனல் நிலைகளில் நுழையும் போது - இதே அளவு பணம் கட்டவேண்டும். தேர்வு எழுதுகையில் அதற்கான பீஸ் கட்ட வேண்டும். ஆக துவக்கம் முதல் இறுதி வரை படித்து முடிக்க அதிக பட்சம் 30,000 ரூபாய் செலவாகும். அதுவும் ஒவ்வொரு நிலையாக தான் கட்டப் போகிறோம்.

இந்த படிப்பிற்கு வேலை வாய்ப்புகள் எப்படி?

மிக சிறந்த வேலை வாய்ப்புகள் இப்படிப்பிற்கு உண்டு. கோர்ஸ் முடித்த பின் குறைந்தது 30,000 ரூபாய் சம்பாதிக்கலாம். இதுவே பெங்களூர், டில்லி, மும்பை போன்ற இடங்களில் பணி புரியத் தயார் என்றால் இன்னும் அதிகமும் கிடைக்க வாய்ப்புண்டு.

5 கோடி முதலீடு செய்த எந்த நிறுவனத்துக்கும் கம்பனி செகரட்டரி அவசியம் என கம்பனி சட்டம் சொல்கிறது.

இத்தகைய கம்பனிகள் இந்தியாவில் ஏராளம் உள்ளன. மேலும் தினம் 5 கோடி முதலீட்டுக்கு மேல் பல கம்பனிகள் துவங்கப்படுகின்றன. எனவே கமபனி செகரட்டரிகளின் தேவை மிக அதிகமாக உள்ளது. இதனால் இந்த படிப்பு முடித்து வேலை இல்லை என்கிற நிலையில் யாரும் இருக்க மாட்டார்கள்.

வருடம் செல்ல செல்ல அனுபவத்துக்கு தகுந்த சம்பளம் உயர்கிறது. மேலும் கம்பனியில் நுழையும் போதே  மேனேஜர் என்கிற அளவில் இவர்களது பதவி இருக்கும் என்பதும் கவனிக்க படவேண்டிய ஒன்று.

கோர்ஸ் முழுதும் முடித்தால் மட்டுமே வேலை கிடைக்குமா?

பவுண்டேஷன் என்கிற முதல் நிலை முடித்த உடனே கூட ட்ரைனிங் என்கிற வேலை கிடைக்கும்.

பவுண்டேஷன் முடித்தோர் 3 வருடம் ட்ரைனிங் செல்லலாம்; எக்சிகியூடிவ் முடித்தோர் எனில் 2 வருடம் ; புரபஷனல் முடித்தோர் - 1 வருடம் ட்ரைனிங் எடுக்க வேண்டும். ப்ராக்டிசிங் கம்பனி செகரட்டரிகள் இடமோ, கம்பனிகளிலோ சேர்ந்து இந்த ட்ரைனிங் முடிக்கலாம். இந்த நேரம் அவர்களுக்கு வேலை கற்று கொள்வதுடன் ஸ்டைபண்ட்டும் கிடைக்கும்.



ட்ரைனிங் முடிப்பதற்குள் கோர்ஸ் முடித்து விட்டால் மிக நன்று. அல்லது கோர்ஸ் முடிக்கும் வரை -  ப்ராக்டிசிங் கம்பனி செகரட்டரி அல்லது நிறுவனங்களில் பணி புரிந்து விட்டு- பின் கோர்ஸ் முடித்து - மிக நல்ல வேலைக்கு செல்லலாம்.

இந்த கோர்ஸ் முடித்தவர்கள் ஆடிட்டர் போல் ப்ராக்டிஸ் செய்ய முடியுமா? 

ஆம். நிச்சயம் முடியும் !!  ப்ராக்டிசிங் கம்பனி செகரட்டரிகள் இந்தியா முழுதும் 5000க்கும் மேற்பட்டோர் உள்ளனர். இவர்கள் பல நிறுவனங்களுக்கு தங்கள் சேவையை வழங்கி வருகிறார்கள். எந்த தொழிலையும் போல் துவக்கத்தில் சற்று சிரமம் இருந்தாலும் 2-3 ஆண்டுகளில் மிக நல்ல நிலைக்கு இவர்கள் வருகிறார்கள். ஒவ்வொரு மாதமும் பல லட்சம் சம்பாதிக்கும் ப்ராக்டிசிங் கம்பனி செகரட்டரிகள் ஏராளமானோர் உள்ளனர்.

இணைய தள முகவரி?  

www.icsi.edu என்கிற இணைய தளத்தில் நீங்கள் மேலும் பல தகவல்களை வாசிக்கலாம்.


இந்த லின்க்கையும் அவசியம் வாசிக்கவும்:

https://www.icsi.edu/webmodules/Student/ProspectusExcutive040913.pdf


சென்னையில் அலுவலகம் எங்குள்ளது? 

கீழ்க்காணும் முகவரியில்  அலுவலகம் உள்ளது :

Institute of Company Secretaries of India
No: 9, Wheat Crofts Road
Nungambakkam
Chennai 34

E mail: siro@icsi.edu   Ph: 2827 9898

இது குறித்து மேலும் தகவல் தேவை எனில் நீங்கள் எனது ஈ மெயில் முகவரியான needamohan@gmail.com க்கு எழுதவும். நிச்சயம் பதில் தருகிறேன் !

*********
தொடர்புடைய பதிவு

வக்கீல் படிப்பு- வேலை வாய்ப்பு - ஓர் அலசல்

வக்கீல் படிப்பு- வேலை வாய்ப்பு - ஓர் அலசல்

ப்ளஸ் டூ தேர்வு முடிவுகள் - மே 17 அன்று வெளியாகிறது. பெற்றோர் பலரும் தங்கள் மகனை என்ன படிப்பில் சேர்க்கலாம் என யோசித்து வருவார்கள்.

பலரின் தேர்வு இஞ்சினியரிங் அல்லது மருத்துவமாக தான் உள்ளது. ஆனால் இவற்றை தவிர பல அற்புத கோர்ஸ்கள் உள்ளன..

அடுத்த இரு வாரங்களுக்கு அப்படி சில படிப்புகள் பற்றி எழுத உத்தேசம்.....

முதலாவதாக நான் படித்த சட்ட படிப்பு (இது ஒரு மீள் பதிவு; இந்த வரிசையில் அடுத்து வர உள்ளவை - புதிதாய் எழுதப்படுபவை)

*********

இந்தியாவில் சட்ட படிப்பு இரு விதமாய் உள்ளது. ப்ளஸ் டூ முடித்து விட்டு நேரே BL படித்தால் ஐந்து வருட படிப்பு. BA, B.Sc, B.Com என ஏதேனும் ஒரு டிகிரி முடித்து விட்டு படித்தால் மூன்று வருடம். (ஆம் எந்த டிகிரி படித்தாலும், BL - மூன்று வருட படிப்பில் சேர்ந்து படிக்கலாம்). தமிழ் நாட்டில் சென்னை, திருச்சி, மதுரை, திருநெல்வேலி, செங்கல்பட்டு, கோயம்புத்தூர் ஆகிய இடங்களில் அரசு சட்ட கல்லூரிகள் உள்ளன. சேலத்தில் தனியார் கல்லூரி உள்ளது. இந்திய அளவில் புனே மற்றும் பெங்களுருவில் சில சிறந்த சட்ட கல்லூரிகள் (National Law school) உள்ளன.

சென்னையில் அரசு சட்ட கல்லூரி தவிர BA BL - Honours என்கிற கோர்ஸும் உள்ளது. இது பாரிஸ் கார்னர் சட்ட கல்லூரி வளாகத்தில் இல்லை. சென்னை தரமணி ரயில் நிலையம் அருகே உள்ளது. இந்த படிப்பிற்கு மிக நல்ல மதிப்பு உள்ளது. இங்கு படித்தால் உடனடி வேலை வாய்ப்பு கிடைக்கிறது

தேர்வு முறை

அரசு சட்ட கல்லூரிகளில் சில ஆண்டுகளுக்கு முன்பு வரை நுழைவு தேர்வு முறையில் மாணவர்கள் தேர்வானார்கள். இப்போது முழுக்க முழுக்க + 2 மதிப்பெண் மட்டுமே கணக்கில் எடுக்கப்படுகிறது . 

தமிழக சட்ட கல்லூரிகளை பொறுத்தவரை - அரசு கல்லூரிகள் எனில் + 2 வில் 80 முதல் 90 % வரை மொத்த மதிப்பெண் எடுத்தால் சீட் கிடைக்கும்.

மேலே சொன்ன சென்னை School of Excellence , தரமணி கல்லூரியில் 85 முதல் 90 % மதிப்பெண் என்றால் சீட் கிடைக்க வாய்ப்புகள் அதிகம்.

அரசு கல்லூரி மற்றும் School of Excellence இரண்டிலுமே + 2 வில் எந்த பாட திட்டத்தில் படித்திருந்தாலும் - சேரலாம்.. காமர்ஸ் க்ரூப் தான் படித்திருக்க வேண்டும் என்ற அவசியமில்லை; கணிதம்- இயற்பியல்- கணினி அறிவியல்- உயிரியல் போன்ற பிரிவில் படித்த மாணவர்கள் கூட சட்டம் படிக்கலாம் (நானே அப்படி + 2வில் கணிதம் மற்றும் உயிரியல் படித்த மாணவன் தான்)

செலவு

அரசு சட்ட கல்லூரியில் படித்தால் செலவு மிக குறைவே. கல்லூரிக்கான செலவு (Term fees, exam fees, etc) வருடத்திற்கு 5000-க்குள் அடங்கி விடும். ஹாஸ்டலில் தங்கி படித்தால் அதற்கான செலவு அந்தந்த ஊர் பொறுத்து இருக்கும்.

School of Excellence , தரமணியில் ஆண்டுக்கு 50,000 முதல் 60,000 வரை செலவாகும்

பிற மாநில கல்லூரிகள்

முழு நேர மாணவனாக இல்லாமலே சட்டம் படிப்பதற்கு ஆந்திரா மற்றும் கர்நாடகாவில் நிறைய கல்லூரிகள் உள்ளன. இங்கு தரபடுவது LLB என்ற பட்டம் . BL - LLB இரண்டும் சமமே. சட்ட படிப்பு தமிழகத்தில் BL என்றும், பிற மாநிலங்களில் LLB என்றும் அழைக்க படுகிறது.

ஆனால் இந்த கல்லூரிகள் தனியார் என்பதால் costly-ஆக இருக்கும்; தோராயமாக வருடத்துக்கு ருபாய் 30,000 ஆகலாம். தேர்வு எழுத நீங்கள் அந்த ஊருக்கு சென்றாக வேண்டும். (இது தொலை தூர கல்வி அல்ல என்று அறிக).

சில யூனிவர்சிட்டிகள் தொலை தூரத்தில் படிக்க BGL என்ற படிப்பு வைத்துள்ளனர். இது கோர்ட்டுக்கோ, வேலைக்கோ எந்த விதத்திலும் உதவாது. வேலைக்காக அல்லது வேலை உயர்வுக்காக படிக்கிறீர்கள் என்றால், இதனை படிப்பதை தயவு செய்து தவிர்க்கவும். BGL-க்கு பெரும்பாலும் நல்ல வேலை கிடைக்காது

வேலை வாய்ப்புகள்

1 . வழக்கறிஞர் ஆக Practise செய்வது:

BL முடித்தவர்களில் 50 சதவீதத்திற்கும் குறைவானோர் தான் கோர்ட் சென்று Practise செய்கிறார்கள் என்பது தங்களுக்கு தெரியுமா? இருப்பினும் BL முடித்து அதிக அளவு சதவீதத்தினர் ( 40 to 50% ) வழக்கறிஞர் தொழில் செய்கிறார்கள் என்ற அளவில் இதனை முதலில் பார்ப்போம்.

பெரும்பாலும் முதலில் யாரேனும் ஒரு வழக்கறிஞரிடம் ஜூனியராக பணி புரிய வேண்டும். இது அந்தந்த ஊருக்கு ஏற்ப டிஸ்ட்ரிக்ட் கோர்ட், ஹை கோர்ட், சுப்ரீம் கோர்ட் என மாறுகிறது. டிஸ்ட்ரிக்ட் கோர்ட், ஹை கோர்ட்டில் பெரும்பாலான ஜூனியர் வழக்கறிஞர்கள் குறைவான சம்பளமே வாங்குகின்றனர். சில ஆண்டுகள் இப்படி கஷ்ட ஜீவனம் தான். பின் தனக்குள்ள தொடர்புகளை வைத்து சுமாராக ஐந்து ஆண்டுகளில் தனியாக Practise செய்யலாம்.

நாங்கள் படித்த காலத்திலேயே " சீக்கிரம் நிறைய கேஸ் வரணும்னா தந்தை வக்கீலா இருக்கணும் இல்லாட்டி மாமனார் வக்கீலா இருக்கணும்" என்பார்கள். இது ஓரளவுக்கு உண்மை தான். முதல் தலை முறை வக்கீல்கள் தனியே சம்பாதிக்க நிறைய ஆண்டுகள் தேவை படுகிறது.

வக்கீலாக ப்ராக்டிஸ் செய்வது எனில் அதில்-

சிவில் Side  (கொடுக்கல் வாங்கல்- சொத்து சம்பந்தமான பிரச்சனைகள்)
கிரிமிநல்  Side  ( அனைத்து வித கிரைம்கள்- திருட்டு, கொலை, etc )
கம்பனி சட்டம் ( கம்பனிகள் மீது போடப்படும் வழக்குகள்)
இன்கம் டேக்ஸ், சேல்ஸ் டேக்ஸ் போன்ற பிரிவு
குடும்ப நீதிமன்றம் (விவாகரத்து போன்றவை)

என எந்த பக்கம் நாம் ப்ராக்டிஸ் செய்ய போகிறோம் என்பதை முடிவு செய்ய வேண்டும். இதனை உடனே செய்ய வேண்டும் என்றில்லை; படிக்க துவங்கிய பின் நமக்கு எந்த துறையில் ஆர்வம் இருக்கிறதோ - அதில் நுழையலாம்.

2. பெரிய Law firm களில் இணைந்து பணியாற்றுவது:

இந்தியாவில் பல சிறப்பான Law firm-கள் உள்ளன. உதாரணத்துக்கு சில: AZB Partners, Kochar and Co, Amarchand Mangal Das. சென்னையிலேயே Fox Mandal Associates, King and Partridege போன்றவை..

இந்த Law firm-களில் ஜூனியராக அல்லது முழு நேர ஊழியராக சேர்ந்தால் துவக்கதிலேயே ஓரளவு நல்ல சம்பளம் கிடைக்கும். மேலும் போக போக, நாம் செய்யும் வேலைக்கு சதவீத  (Percentage) அடிப்படையில் பணம் தருகின்றனர். இதன் மூலம் சில வருடங்களிலேயே மாதம் லட்ச ருபாய் சம்பாதிக்கும் வக்கீல்கள் பலர் உள்ளனர்.

நல்ல Law firm-ல் நுழைய சரியான reference தேவை. அதாவது அங்கு உங்களை சேர்த்து விடும் விதமான நபரை நீங்கள் அறிந்திருக்க வேண்டும்!!

3. நிறுவனங்களில் வேலை :

இந்தியாவில் லட்சக்கணக்கான கம்பனிகள் உள்ளன. அவற்றில் ஆயிரக்கணக்கானவை பெரிய கம்பனிகள். இவற்றில் Law officer,  Legal Manager, AGM, GM என பல்வேறு பதவிகளில் BL முடித்தவர்கள் வேலை செய்கின்றனர். துவக்க சம்பளமே ஓரளவு decent ஆக இருக்கும். போக போக நிச்சயம் சம்பளம் கூடும். ரிஸ்க் இல்லாமல் குறிப்பிட்ட வருமானம் விரும்புவோர் நிறுவனங்களில் பணி செய்யலாம்.

மேலும் தற்போது Legal Process Outsourcing என்கிற தொழிலும் அதிகரித்து வருகிறது. இது பற்றி சுருக்கமாய் சொல்ல வேண்டுமெனில் அமெரிக்கா போன்ற நாடுகளில் உள்ள லீகல் வேலைகள் இங்கு Outsource செய்யபடுகின்றன ( IT Outsourcing போலவே). இதனாலும் BL-க்கு வேலை வாய்ப்பு அதிகமாகிறது.

இவை தவிர BL முடித்தோர் Civil services (IAS, IPS, etc ), பிற அரசு வேலை என பல இடங்களில் உள்ளனர்.

ஒரு நல்ல வக்கீலுக்கு (கோர்ட்/ அலுவலக வேலை எதுவாக இருந்தாலும்) முக்கிய தேவை எழுத்தாற்றல் (Drafting skills) மற்றும் பேச்சாற்றல்.. இப்படி எழுத்து மற்றும் பேச்சில் ஈடு பாடு இருந்தால் நிச்சயம் நீங்களோ உங்களுக்கு தெரிந்தவருக்கோ இந்த படிப்பை சிபாரிசு செய்யலாம்.
*************
அண்மை பதிவுகள் : 

24- தமிழில் ஒரு ஹாலிவுட் முயற்சி - சினிமா விமர்சனம்

வானவில்: கேப்டன் பேச்சு - வோட்டுக்கு காசு- கருத்து கணிப்புகள்