Saturday, May 31, 2014

கோச்சடையான் - சினிமா விமர்சனம்

முன்கதை சுருக்கம் 

சென்ற முறை கோச்சடையான் ரிலீஸ் என அறிவித்த போதே,  செவ்வாய் நள்ளிரவு 12 மணிக்கு விழித்திருந்து புக்கிங் துவங்கிய அரை மணி நேரத்தில் டிக்கெட் எடுக்க- அடுத்த நாளே ரிலீஸ் தாமதம் என்ற தகவல் வந்தது.  (ரஜினி, விஜய், அஜீத் போன்றோர் படத்துக்கு வெள்ளி புதுப்படம் ரிலீஸ் என்றால் மல்டி பிளக்ஸ்களில் - செவ்வாய் நள்ளிரவே - 3 நாள்  வீக் எண்ட் புக்கிங்  முடிந்து விடும் என்பதே அப்போது தான் தெரிந்தது)

4 நாட்களுக்கு பின் ரிலீஸ் ஆகும் படத்துக்கு - இப்படி நள்ளிரவு வரை விழித்திருந்து டிக்கெட் புக் செய்வது வெறுப்பாக இருக்க, ரிலீஸ் ஆனபின் பொறுமையாக பார்த்து கொள்ளலாம் என விட்டு விட்டேன்...

படம் ரிலீஸ் ஆகி ஒரு வாரம் கழித்து வெள்ளி மாலை லக்ஸ் - திரை அரங்கில் நேற்று கோச்சடையான் கண்டோம்...

கோடை விடுமுறை என்பதால் தியேட்டர் முழுதும் பள்ளி செல்லும் சிறுவர்கள் - தனியாகவோ - குடும்பத்தோடோ வந்திருந்தனர் ... ஓரளவு போட்ட காசை எடுத்து விடுவார்கள் என நினைக்கிறேன்

கதை 

இது 2 மணி நேரத்துக்கும் குறைவாக ஓடும் படம்.. ஆனால் கதையை சொன்னால் - புரிய வைக்க மூணு மணி நேரம் ஆகும்..



ஒரு வரியில் சொல்லணும் என்றால்... " சிறுவயதில் தந்தையை கொன்றவனை பழி வாங்கும் மகனின் கதை" ... (அடேங்கப்பா... ரொம்ப புதுசா இருக்கே !)

ப்ளஸ் 

1. ரஜினி படம் என்றாலே கதை, திரைக்கதை போன்றவற்றை பற்றி அதிகம் கவலைப்படாமல் - படம் ஓட ரஜினி ஒருவரே போதும் என்ற அலட்சியத்துடன் எத்தனையோ படங்கள் வந்து- அவையும் நன்கு ஓடிய வரலாற்றை நாம் அறிவோம் .

3 D, கார்ட்டூன் இவற்றை மட்டும் நம்பாது - ஒரு பெரிய வரலாற்று கதையை உருவாக்கியமைக்கு முதல் ஷொட்டு.

2. நிச்சயம் தமிழில் இது வித்யாச முயற்சியே. சாதாரண சினிமா ரசிகனாக டெக்னிகல் குறைகள் ஏதும் பெரிதாக தெரிய வில்லை.

3. கார்ட்டூனாக இருந்தபோதும் ரஜினி ஸ்டைல் மற்றும் குரல்.. அது தான் படத்தை முழுதும் பார்க்க வைக்கிறது

4. ரஜினி பேசும் வசனங்கள் படத்தின் மிக பெரிய பலம். பல பஞ்ச டயலாக்ஸ் உண்டு எனினும் குறிப்பிட்டு சொல்ல வேண்டிய ஒன்று... " எதிரிகளை ஒழிக்க எத்தனையோ வழிகள் உண்டு.. முதலாவது வழி மன்னிப்பு " - கிளாஸ் !

5. ரஜினியை மட்டும் மையமாக வைத்து வரும் 2 பாடல்கள் வெரி குட்

மைனஸ் 

1. படத்தின் மிக பெரிய மைனஸ் - 110 நிமிட படத்தில் 20 நிமிடம் செம அறுவை! இந்த 20 நிமிடம் பாடல் காட்சிகள், காமெடி  மொக்கைகள் என ஆங்காங்கு நிறைந்து இருக்கிறது. மற்ற படம் எனில் அறுவை பாடல் காட்சியை வெட்டி போட்டு விடலாம். இங்கு படமே 110 நிமிடம் எனும்போது 20 நிமிடத்தை வெட்டி விட்டால் - 90 நிமிட படமாக -  மக்களுக்கு திருப்தி அளிக்காமல் போய் விடும் அபாயம் இருக்கிறது

படத்தை தொய்வடைய செய்வதே இந்த அறுவை காட்சிகள் தான் !

 2.  இசை - முன்பே சொன்ன மாதிரி ரஜினியின் 2 பாடல்கள் மட்டுமே நன்று; தீபிகாவை சுற்றி வரும் அனைத்து பாடல்களும் உலக மகா கொடுமை ! டூயட்டும் சரி.. இடைவேளைக்கு பின் வரும் சோக பாட்டும் சரி.. படத்தை தொபுக்கடீர் என விழ வைக்கிறது !



சில காட்சிகளில் ரீ ரிகார்டிங் ரகுமானையே வெறுக்கடிக்கிறது. உதாரணமாய் ரானா தனது வீட்டில் அமர்ந்து சாப்பிட்டு கொண்டிருக்க - அங்கு வரும் மாமா நாகேஷ் - தான் வடித்த சிலை பற்றி பேசும் காட்சி.. இதற்கு தேவையே இல்லாமல் ரகுமான் போட்டுள்ள பின்னணி இசை... எழுந்து வெளியே ஓடலாமா என எண்ண வைக்கிறது !

3. ரஜினி, நாசர் போன்றோரை எளிதில் அடையாளம் காண முடிகிறது எனினும், பல நடிகர்களை நாம் புரிந்து கொள்ளவே ரொம்ப நேரம் பிடிக்கிறது. குறிப்பாக ஆதி, ருக்மணி இருவரையும் எத்த்தனை பேருக்கு தெரிந்திருக்குமோ ! படத்தை பற்றி யோசிக்காமல் - நம் மனது " இது யாரு.. எங்கேயோ பார்த்திருக்கோமே !" என யோசித்தபடி இருப்பது படத்தோடு ஒன்ற முடியாமல் செய்து விடுகிறது ! படம் துவங்கும் முன்பே பாத்திரங்களையும் அதை நடிப்போரையும் அறிமுகபடுத்தியிருக்கலாம் ! வரலாற்று படம் என்பதால் இப்படி முன் அறிமுகம் செய்வது  சாத்தியமே !

4. நாகேஷை வைத்து காமெடி என்ற பெயரில் அடிக்கும் கூத்து 70 களில் கூட சிரிப்பை வரவழைதிருக்காது !

லாஜிக் மீறல்களை தாண்டி காதில் பூ சுற்றும் பல காட்சிகள் உண்டு ; மலையை விட்டு மலை தாவும் ரஜினியின் குதிரை..  கடலுக்குள் செல்லும் ரஜினியை டால்பின் மீண்டும் கப்பலுக்குள் தூக்கி எறிவது .. இப்படி... ஆனால் ரஜினி படத்தில் லாஜிக் பார்க்க கூடாது என்ற அரிய கொள்கை - நாம் அறிவோம் ஆகவே இவற்றை பெரிது படுத்த வேண்டியதில்லை.

வெர்டிக்ட் 

படம் பற்றி ரஜினி ரீ ஆக்ஷன் 

வீட்டில் பள்ளி செல்லும் குழந்தைகள் இருந்தால் - அவர்களுக்காக செல்லுங்கள். அவர்கள் (மட்டும்) நிச்சயம் என்ஜாய் செய்வார்கள். மற்றபடி குழந்தைகள் இன்றி பெரியவர்கள் செல்ல இப்படத்தை நிச்சயம் பரிந்துரைக்க முடியாது ! ( பெரியவர் யாருக்கேனும் படம் பிடிக்கிறது என்றால் அவர் அதி தீவிர ரஜினி ரசிகனாய் இருக்க வேண்டும் ! )

அடுத்து ரஜினியை வைத்து ரெகுலர் படமே செய்யுங்க சௌந்தர்யா .. திரைக்கதை & இயக்கத்தில் சற்று கவனத்துடன் !

9 comments:

  1. அருமையான விமர்சனம்
    நன்றி ந்ண்பரே

    ReplyDelete
  2. கலக்கலான விமர்சனம்! நன்றி!

    ReplyDelete
  3. athu soundarya boss, aishwarya alla..

    ReplyDelete
  4. சிறந்த திறனாய்வு

    ReplyDelete
  5. super and excellent comment i slept in the second half.

    ReplyDelete
  6. excellent you are only the person expressed real feel

    ReplyDelete
  7. THANKS FOR SAVING MY 120 RUPEES :-)

    ReplyDelete
  8. இவ்வளவு தானா படம்?
    ஒரு நுட்பத்தை அறிமுகம் செய்கையில் இப்படி அலட்சியமாக இருப்பது இனி அந்த நுட்பத்தை சரியான முறையில் பயன்படுத்த வாய்ப்பிருந்தாலும் தயக்கத்தை ஏற்படுத்தும்.

    ஒரு டிகெட் விலை 120ரூபாயா?

    ReplyDelete

Related Posts Plugin for WordPress, Blogger...