Saturday, October 17, 2015

இசை அமைப்பாளர் இமான் ஒரு பார்வை + டாப் 10 பாடல்கள்

டந்த சில வருடங்களில் இமானின் வளர்ச்சி பிரமிக்க வைக்கிறது.

14 வருடங்களுக்கு முன் விஜய் நடித்த "தமிழன்" படத்துக்கு முதன் முறை இசை அமைத்தார் இமான். 2002 ல் அறிமுகம் ஆகியும் - 2010 வரை அவர் இசை அமைத்த எந்த படமும் பெரிய அளவில் செல்லவில்லை..



சேனா, விசில், கிரி, தக்க திமி தா, 6.2, கோவை பிரதர்ஸ், தலை நகரம், வாத்தியார், திருவிளையாடல் ஆரம்பம், ரெண்டு, லீ, மருதமலை, நான் அவனில்லை.. இவையெல்லாம் முதல் 8 ஆண்டுகளில் அவர் பணியாற்றிய படங்கள். இவற்றில் மருதமலை,  திருவிளையாடல் ஆரம்பம், தலை நகரம் போன்ற சில படங்கள் ஓரளவு ஓடினாலும் அவற்றில் பாடல்கள் எல்லாம் சூப்பர் ஹிட் என்று சொல்ல  முடியாது.

2010ல் மைனா படம் தான் பெரும் திருப்புமுனை.   மெலடி ஒரு பக்கம்.. ஜிங்கு சிக்காங் என குத்து பாட்டு மறுபுறம் என இமானை  எல்லோரும் திரும்பி பார்க்க வைத்த படம் இது..



ஒரு சில சுமாரான படங்களுக்கு  பின் "மனம் கொத்தி பறவை"யில்  மீண்டும் அசத்தியிருந்தார்.

ஜல் ஜல் ஓசை, ஊரான ஊருக்குள்ளே என பல ஹிட் பாடல்களை கொண்டது இந்த ஆல்பம். இருப்பினும் என்ன சொல்ல எது சொல்ல பாடல் ... செம மெலடி..




அதே 2012 ல் வெளியான கும்கி பாடல்கள் அனைத்து செண்டர் ரசிகர்கள் மனதிலும் இடம் பிடிக்க தமிழ் திரை உலகில் - இமானுக்கு தனி இடம் உறுதியானது.

அநேகமாய் அனைத்து பாடல்களும் ஹிட்; நிரம்ப பேருக்கு பிடித்த அய்யய்யோ.. ஆனந்தமே இதோ




பல ஆண்டுகள் கழித்து மீண்டும் விஜய் க்கு ஜில்லாவில் இசை அமைத்தார். பாடல்கள் அட்டகாசம் எனினும் படம் எதிர்பார்த்த வெற்றி பெறவில்லை

ஜில்லாவில் நான் மிக ரசித்த பாடல்... வெரசா போகையிலே. நிச்சயம் ஒரு வித்தியாச முயற்சி. படமாக்கலும் இனிமை..



தேசிங்கு ராஜா, ரம்மி, ஜீவா, கயல் என கமர்ஷியல் வெற்றி பெறாத பல படங்களிலும் சில ரசிக்கத்தக்க பாடல்கள் தந்துள்ளார் இமான்.

ஜீவாவில் "ஒவ்வொன்றாய் திருடுகிறாய்" கேட்க மட்டுமல்ல - பார்க்கவும்  பிடித்த பாடல் (சார்.. ஸ்ரீ திவ்யா சார் !)



படம் தோல்வி எனினும், அனைத்து மியூசிக் சானல்களிலும் ரிப்பீட் அடித்த பாட்டு ரம்மியில் இடம் பெற்ற கூடை மேலே கூடை வச்சு..



வருத்தப்படாத வாலிபர் சங்கத்தில் " பாக்காதே பாக்காதே " - இமானின் ஆல் டைம் பெஸ்ட்டில் ஒன்று.. கேட்க மட்டுமல்ல எத்தனை முறை பார்த்தாலும் அலுக்காத பாடல்..



சாட்டை படத்தில் சஹாயனே, சஹாயனே - ஸ்ரேயா கோஷல் குரல் மற்றும் வயலின் இசையால் மனதை சுண்டி இழுக்கும் ...




2015ல் மீண்டும் ஒரு அட்டகாச ஆல்பம்... ரோமியோ ஜூலியட்..

பூவானம் தூவ தூவ என்ன ஒரு அற்புத மெலடி.. ஒரு பாடலுக்கு எது முக்கியம் .. பாடல் வரிகளா? இசையா? பாடுபவர் குரலா?  இவை அனைத்தையும்  விட, பாடலின் மெட்டு தான் - பாடலை அதிகம் ரசிக்க வைக்கிறது.. தூவானம் பாடலிலும் மெட்டை கவனியுங்கள் .. துவங்கும் போது மிக சாதாரணமாக தான் இருக்கும்.. போக போக மெட்டு தன் வேலையை காட்டி - மிக ரசிக்க வைக்கும். இவ்வருடம் வந்த பாடல்களில் அசத்தலான ஒரு பாடல்.. தூவானம்..



இதே ரோமியோ ஜூலியட்டில் "எங்க தலை.. எங்க தலை டீ.. ஆரு" தான் படத்துக்கே முதல் விசிட்டிங் கார்டாய் இருந்தது.. ஆனால் அதை விட "அரக்கி" என்கிற இன்னொரு குத்து பாடல் என்னை மிக கவர்ந்த ஒன்று..

வித்தியாச குரல், இசை, டான்ஸ் மூவ்மென்ட் (ஹன்ஷிகா கைலி கட்டி கொண்டு போடும் சின்ன குத்து ஸ்டெப் - என்னோட பேவரைட்  )




இமானின் ஸ்பெஷாலிட்டியே இது தான். ஒரே படத்தில் - மெலடி மற்றும் குத்து பாட்டு இரண்டிலும் அசத்தி விடுகிறார்..

கடந்த 14 வருடங்களாக திரை துறையில் இருக்கும் இமானுக்கு என்ன வயது இருக்கும் என நினைக்கிறீர்கள்? வெறும் 32 தான் ! 18 வயதில் இசை அமைக்க ஆரமபித்து விட்டார் !

தற்போதைய இளம் இசை அமைப்பாளர்களில் அனிருத், இமான் - இந்த இருவருமே வியக்க வைக்கும் வளர்ச்சி பெற்றுள்ளனர்..

இமான் பற்றி எழுத இரண்டு காரணங்கள்.. பாடல்கள் ரசிப்போர் இங்கு பகிர்ந்தவற்றில் சில தங்களுக்கும் பிடித்த பாடல் என மகிழ கூடும் என்பது ஒன்று..

மற்ற முக்கிய காரணம்.. முதலிலேயே சொன்னது தான்..

2002 துவங்கி 2010 வரை நிறைய தோல்விகளை சந்தித்த இமான் - அதன் பின் பெற்று வரும் வெற்றிகளில் நிச்சயம் ஒரு தன்னம்பிக்கை செய்தி உள்ளது !

நமது வேலையை செம்மையாக செய்து கொண்டே இருந்தால், காற்று என்றேனும் ஒரு நாள் நம் பக்கமும் வீசவே செய்யும் !

முயற்சியது கை விடேல் !

**********
அண்மை பதிவு: 

நானும் ரவுடி தான் - விமர்சனம்



தொடர்புடைய பதிவுகள் :

2013: சிறந்த பத்து பாடல்கள் 

2012 டாப் 10 பாடல்கள் 

2011: நம்மை அசத்திய  10 பாடல்கள் 

2010: டாப் 10 பாடல்கள் 



8 comments:

  1. அருமையான பதிவு..

    ReplyDelete
  2. Good post... But, if you don't mind may I tell you something? Imman name was not popular but, songs were hit. whistle: azhagiya asura (hit.) Giri: dai kaiyavechikkittu and adra sakka (hit) Aanai: chinnanjiru kiliye (hit) Vathiyar: ennadimuniyamma(hit) Rendu: mobile ah (hit) Thalainagaram: ethoninaikkuren (hit) Thakathimitha: kadhalai yaradi muthalil solvathu (hit) Lee: oru kalavani payale (hit) thiruvilayadal aarambam: vizhigalil, kannukkul etho, ennama kannu, mathurajilla, theriyama unna (hit) dhanushku thirudathirudi ku apram all songs hit aanathu thiruvilayadal aarambamlathan la than. Nan avan illai: (all songs flop) Kovai brothers: love pannaporenda (average reach) Maina varaikkum Imman name velila theriyala aana songs ellam hit aagikkittuthan irunthichu... velila theriyala because, oru pakkam haris, yuvan, appappo vithyasagar and ar rahman. Athumattumillama, 2007 ku apram, Vijay antony and gv prakash dominate pannittu irunthanga. enakku imman romba pudikkum. aana neenga sonnathu mathirithan avar name reach aagala enakkumthan. presently, imman and anirudh are the only hope to tamilnadu. Gvp sometimes.

    ReplyDelete
    Replies
    1. Thank you for a very good analysis.

      Delete
  3. //அதே 2002 ல் வெளியான கும்கி பாடல்கள் அனைத்து செண்டர் ரசிகர்கள் மனதிலும் இடம் பிடிக்க தமிழ் திரை உலகில் - இமானுக்கு தனி இடம் உறுதியானது.//
    கும்கி வெளியானது 2012ல்....

    ReplyDelete
    Replies
    1. Thank you; Have corrected now. It was a typo error :)

      Delete
  4. I think first movie for Imman is Kadhale Swasam.. Karthik as hero. Movie didnt come out.. song released same time of Thullavatho illamai by Yuvan.. i had cassette with both these movies... Songs were really good in that movie...
    I came to know about him even earlier beacuse he did score for famous Sun tv thriller serial Marma Desham... 1998

    ReplyDelete
  5. எடுத்துக் கொண்ட விசயத்தில் நீங்க கொடுத்திருக்கும் உழைப்புக்கு என் பாராட்டு மற்றும் இந்தப் பதிவு பலருக்கும் எந்தக் காலத்திலும் பயன்படும். காரணம் சமீபகாலமாக இமான் பாடல்களை ரொம்பவே ரசிக்கின்றேன். நன்றி.

    ReplyDelete
  6. லீ, மருதமலை, நான் அவனில்லை..///நான் அவனில்லை- விஜய் ஆண்டனி இசை , நான் அவனில்லை2 படத்திற்கு இமான் இசையா என தெரியவில்லை

    ReplyDelete

Related Posts Plugin for WordPress, Blogger...