எமன் சினிமா விமர்சனம்

ஒரே வரியில் சொல்லணும் என்றால் "தந்தையை கொன்றவனை மகன் பழி வாங்கும் கதை"! ஆனால் பின்புலம் அரசியல் என்பதால் அவ்வளவு எளிதாக இல்லை திரைக்கதை;

மண்ணாசை , பெண்ணாசை..... இந்த இரண்டையும் விட மோசமானது  பதவி ஆசை..படம் தொட்டு செல்லும் முக்கிய செய்தி இது !



பாசிட்டிவ் 

எடுத்து கொண்ட விஷயத்தை விட்டு அகலாமல் செல்கிறது கதை...அதிகம் பழக்கமில்லாத அரசியல் களம் என்பது இன்னொரு சுவாரஸ்யம்.

ஒன்றுமே இல்லாத ஒருத்தன் அரசியலில் எப்படி வளர முடியும் என்கிற "அமைதி படை" டைப் கதை ஓரளவு ஈர்க்கிறது

அரசியல் வாதிகளை பற்றி தைரியமாய் சொன்ன விதம் பாராட்டுக்குரியது; கதையில் பூத கண்ணாடி வைத்து தேடினாலும் நல்ல அரசியல் வாதியே காணும் ! ஹீரோவே கூட சின்ன பதவிக்கு வரும் முன் தன் முக்கிய எதிரிகளை போட்டு தள்ளி விட்டு தான் வருகிறார்.(நான் செய்வது குற்றம் இல்லை; தப்பு செய்தவர்களுக்கு கொடுப்பதற்குபேர் தண்டனை  என்கிறார்..)

சார்லி மற்றும் விஜய் ஆண்டனியின் தந்தையை கொன்றவராய் வரும் முக்கிய வில்லன்..இப்படி சிலரின் நடிப்பு perfect !

நெகட்டிவ் 

ஒரு சிலர் தவிர கதையில் வரும் எல்லா பாத்திரங்களும் ஹீரோவை போட்டு தள்ள பார்க்கிறார்கள். வில்லன்கள்/ கெட்டவர்கள் எண்ணிக்கையை எண்ணவே முடியாது !!

யாராவது யாரையாவது போட்டு தள்ள வேண்டும் என்றே பெரும்பாலும் பேசுகிறார்கள். ரத்தம்/வன்முறை அதிகம் என்பதால் - படம் பெண்களுக்கு பிடிக்காமல் போக வாய்ப்புகள் அதிகம்

விஜய் ஆண்டனி பொதுவாய் அண்டர் பிளே  தான் செய்வார்; உணர்ச்சிகளை அதிகம் காட்டாத நடிப்பு அவருடையது; ஆனால் இந்த பாத்திரத்துக்கு - சில காட்சிகளிலாவது இன்னும் கொஞ்சம் பெட்டராக நடித்திருந்தால் நன்றாக இருந்திருக்கும்



ஹீரோயின்.. ஸ்கொப்பும் சரி..நடிப்பு, அழகு எல்லாமே சுமார் தான்.

தனது சொந்த படத்தில் பாடல்களை நன்றாய் தருவார் விஜய் ஆண்டனி.இம்முறை அதுவும் தவறி விட்டது

மொத்தத்தில் 

Good ....but could have been better !

அரசியல் என்கிற வித்தியாச கதை களனுக்காக ஒரு முறை காணலாம் இந்த எமனை !