Saturday, December 3, 2011

போராளி: நிறை குறையுடன் ஒரு அலசல்

ஒவ்வொரு மனிதனும் சிறிதளவேனும் மனநிலை பாதிக்கப்பட்டவன் தான். பலருக்கு அது சமாளிக்கும் அளவில் இருக்கும். சிலருக்கு அது எல்லை மீறும். இந்த நிலையில் அந்த மனிதர்களை சரி செய்ய மிக அவசியம் அன்பும், புரிந்து கொள்ளலும், பொறுமையும் தான்.

போராளி இந்த விஷயத்தை தொடுகிறது என்ற அளவில் நிச்சயம் பாராட்ட பட வேண்டிய படம்.

கதை இந்நேரம் உங்களுக்கு தெரிந்திருப்பினும் சுருக்கமாக சொல்கிறேன்.

சசி குமாரும், நரேஷும் எங்கிருந்தோ தப்பி ஓடி வருவதில் துவங்குகிறது படம். சென்னை வரும் அவர்கள் பெட்ரோல் பங்கில் வேலை பார்க்கிறார்கள். பகுதி நேர வேலை துவங்கி, அதில் வளர்கிறார்கள். இவர்கள் இருக்கும் காலனியில் பல வித்தியாச நபர்கள் !! அனைவர் மனதிலும் இடம் பிடிக்கிறார்கள் . ஒரு நாள் இவர்களை தேடி ஒரு கும்பல் வர, தப்பி ஓடுகிறார்கள். வந்தவர்கள் அவர்கள் இருவரும் மன நிலை பாதிக்க பட்டவர்கள் என்கிறார்கள். அவர்கள் ஏன் அப்படி ஆனார்கள், அவர்களை அப்படி ஆக்கியவர்களை என்ன செய்தார்கள் என்று மறு பாதி பேசுகிறது.



சசிகுமாருக்கு ஆக்ஷன் காட்சிகளில் தான் நடிக்க நிறைய வேலை. மற்ற நேரங்களில் மிக எளிதாக நடிக்கிறார். அவருடன் வரும் நரேஷ் இடைவேளை வரை காமெடி செய்தாலும், இடை வேளைக்கு பின் சில காட்சிகளில் (குறிப்பாக மன நிலை சரியின்றி போகும் காட்சியில்) நன்றாக நடித்துள்ளார்.

சுவாதி நடிக்க தெரிந்த நடிகை. சுப்ரமணிய புரத்தை விட ரோல் குறைவு என்றாலும், நடிக்க வாய்ப்புள்ள காட்சிகள் அதிகம். படத்தில் இரண்டு காதல் ஜோடிகள் இருந்தும் டூயட்டே இல்லை என்பது ஆச்சரியம் !

நிறைய காட்சிகள் இருட்டில் எடுத்திருக்கிறார்கள். ஓரளவாவது தவிர்த்திருக்கலாம்.

நாடோடிகளில் இருந்தவர்கள் 90 சதவீதம் பேர் இங்கும் வெவ்வேறு பாத்திரங்களில் வருகிறார்கள். வெளியூர் செல்லும் பேருந்து, மோட்டலில் நிற்கும் இடைவெளியில் இறங்கி ஆடும் பாட்டும் கூட நாடோடிகளை நினைவு படுத்துகிறது.

வசனம் பல இடங்களில் செம ஷார்ப். "முன்னே பின்னே தெரியாதவனையாவது நம்பிடலாம்....ஆனா இந்த சொந்த காரங்க இருக்காங்களே..." என்பதோடு வசனத்தை முடித்தாலும் தியேட்டரில் விசில் பறக்கிறது. சொந்த காரர்களிடம் பாதிக்க படாதவர்கள் யாருமே இல்லை என்பது தெரிகிறது!

க்ளைமாக்ஸ் முடிந்து கஞ்சா கருப்பு குறித்த சிறு காமெடியுடன் முடியும் வரை யாருமே இருக்கையை விட்டு எழ வில்லை. படம் முடிந்த உணர்வு முழுமையாக வர வில்லை என நினைக்கிறேன். சசி குமாரை கொல்ல அலையும் சொந்த காரர்களை, அவர் முழுதும் கொல்லாமல், பழி வாங்காமல் விடுவதால் இன்னும் காட்சிகள் இருக்கும் என மக்கள் நினைத்தார்களோ என்னவோ?

காலனியில் இருக்கும் ஒரு குடிகாரன் பாத்திரம் ரொம்ப நல்லவராக அமைத்துள்ளனர். இது படம் பார்க்கும் "குடி" மக்களிடம் செமையாக எடுபடுகிறது !

படத்தில் பலருக்கும் அடிக்கடி சொல்ல ஒவ்வொரு டெம்ப்ளேட் டயலாக்.

சசிகுமார்: " உள்ளுவதெல்லாம் உயர்வுள்ளல்"
ஞான சம்பந்தன்: " எதுவா இருந்தாலும் நான் தான் முடிவு பண்ணுவேன்"
சூரி " நாங்க எல்லாம் முன்னாடியே செமையா செய்வோம். இப்ப கேட்கணுமா?" (இது சற்று போர் அடிக்கும் அளவு மறுபடி மறுபடி வருகிறது)

கணவன் -மனைவி சண்டை என்றால் சம்பந்தப்பட்டவர்களுக்கு தான் துயரம். மற்றவர்களுக்கோ அது செம காமெடி. படவா கோபி- சாண்ட்ரா ஜோடி எப்போதும் சண்டை போட காலனி மக்கள் மட்டுமின்றி நாமும் சிரிக்கிறோம்.

வசந்தரா ப்ளாஷ் பாக்கில் ஒரு Powerful ரோலில் வருகிறார். கொடுத்த ரோலை நன்கு செய்துள்ளார்.

பெட்ரோல் பாங்கில் வேலை பார்க்கும் அந்த புதுமுக பெண் (நரேஷ் ஜோடி) யாரென்று தெரியலை. Simple Beauty !

சுவாதி அருகே இருக்கும் மற்றொரு பெண் தான் நான் சொன்ன Simple Beauty !
பத்து வருடங்களுக்கு முன் சினேகாவை ஒரு விழாவில் பார்த்துள்ளேன். அப்படி இருக்கிறார் இந்த புது பெண் .  மறுபடி நடிப்பாரா ஒரே படத்தில் காணாமல் போவாரா என தெரியலை.

கஞ்சா கருப்பு மற்றும் சூரி என இரு சிரிப்பு பாத்திரங்கள். படத்தின் சூழலே முதல் பாதி முழுக்க சிரிப்பு அலையை எழுப்பி விடுகிறது.

மிகுந்த எதிர் பார்ப்பை ஏற்படுத்தி இடைவேளை விடுகிறார்கள். அதன் பின், இன்னொரு  பாதி வரை சரியே கொண்டு சென்றாலும் முடிவில் இன்னும் பன்ச் இருந்திருக்கலாம் என்று நினைக்கிறேன்.

குறிப்பாக இந்த விமர்சனத்தின் முதல் பாராவில் சொன்ன விஷயம். மன நிலை சரியில்லாதோர் பற்றி ஆங்காங்கு சில அருமையான காட்சிகள் வைத்துள்ளனர். கணவனால் ஒதுக்க பட்ட பெண் ஒருவரை பற்றி, அவர் குடும்பத்தினரை சரியாக உணர்ந்து கொள்ள வைப்பது, தெருவில் அலைந்து திரியும் நபருக்கு முடி வெட்டி வேலை தந்து சரியாக்குவது இப்படி நம் மனதை தொடும் காட்சிகள் முதல் பாதியில் உள்ளது. " நல்ல மனுஷங்களை இப்படி பைத்தியம் ஆக்கிடாதீங்க" என க்ளைமாக்சில் கொஞ்சமாவது உரைக்கும் படி சொல்லி இருந்தால் இந்த விஷயம் மனதில் இன்னும் நன்றாக தங்கி இருக்கும்.

முழுக்க முழுக்க இந்த விஷயத்தையே சுற்றி வந்தால் படம் டாகுமெண்டரி போல் இருந்திருக்கும். அஞ்சலி படம் இத்தகைய பிரச்னையை தொட்ட மற்றோர் படம். அதில் பாதி படம் வரை இந்த விஷயத்தை தொடாமல் முழுக்க நம்மை entertain செய்து விட்டு இடைவேளைக்கு பின் தான் இயக்குனர் விஷயத்துக்கு வருவார். ஆனால் படம் முடிகிற போது அந்த குழந்தை குறித்தும், மன நிலை சரியில்லாத மற்ற குழந்தைகள் மீதும் நமக்கு எப்போதும் ஒரு இரக்கம் வரும் அளவு முடித்திருப்பார். அந்த impact இங்கு மிஸ்ஸிங் என்பது தான் வருத்தம்.

Having said that, இந்த படத்தை அவசியம் நீங்கள் ஒரு முறை பார்க்கலாம் என்று சொல்வேன். காரணம், காப்பி அடித்தே படம் எடுக்கும் இயக்குனர்கள் நடுவே ஓரளவு என்ஜாய் செய்யும் விதத்தில் இப்படி ஒரு படம் தந்தமைக்கு சமுத்ரகனி மற்றும் சசி குமாரை பாராட்ட தான் வேண்டும் !

போராளி: ஒரு முறை நிச்சயம் பார்க்கலாம் !

14 comments:

  1. " நல்ல மனுஷங்களை இப்படி பைத்தியம் ஆக்கிடாதீங்க" என க்ளைமாக்சில் கொஞ்சமாவது உரைக்கும் படி சொல்லி இருந்தால் இந்த விஷயம் மனதில் இன்னும் நன்றாக தங்கி இருக்கும்.

    ப்ளஸ், மைனஸ் மாத்தி மாத்தி சொல்லி கடைசில பார்க்கலாம்னு முடிச்சதப் பார்த்தா படத்துல ஏதோ விஷயம் இருக்கும் போல.

    ReplyDelete
  2. இப்படி ஒரு பேர வச்சு படத்த ஓட்டற நெலமைக்கு ஆளாயிட்டு பிறகு ஈழம் கூழம்னு பேசிக்கிட்டு திரியறத விட ஷகீலாவை வச்சு படம் எடுக்கலாம் சசிகுமாரு

    ReplyDelete
  3. இதுக்கு போயி போராளி என்று பெயர் வைத்து ....இது என்னவோ அம்மண படத்துக்கு " துறவு"ன்னு பேர் வச்ச மாதிரி இருக்கு

    ReplyDelete
  4. நல்ல விமர்சனம்.

    ReplyDelete
  5. அந்த சிறு பெண்ணை ஏதோ ஒரு குழந்தைகளுக்கான சீரியலில் குழந்தை நட்சத்திரமாக பார்த்திருக்கிறேன். பெயர் தெரியவில்லை. இப்போது கூட அவருக்கு அவ்வளவாய் வயதிருக்காது என நினைக்கிறேன்

    ReplyDelete
  6. // சொந்த காரர்களிடம் பாதிக்க படாதவர்கள் யாருமே இல்லை என்பது தெரிகிறது! //

    இம்சைய்ங்க‌!

    //Having said that//

    செலிப்ரிட்டி க்ரிக்கெட் லீக் ஞாப‌க‌ம் வ‌ந்திடுச்சு :)

    ReplyDelete
  7. போராளி சிறப்பான படம்தான் ... சந்தேகமில்லை.

    உங்க பார்வையும் கருத்தும் ஏற்புடையதே.

    நன்றி.

    ReplyDelete
  8. Thanks for the judicious review!

    ReplyDelete
  9. * இந்தியாவின் பிரதமராகிறார் மகேந்த ராஜபக்சே! குடிமக்களை பாதுகாக்க முடியாத இந்திய கப்பல்படையும், ராணுவமும் எங்கே போனது. ஓ அவங்கெல்லாம் நம்ம ராஜ பக்சே வீட்டு பண்ணையில் வேலை செய்றாங்க இல்லே அட மறந்தே போச்சி.சிங்களவர்களை பற்றி நமது வடநாட்டு வரலாற்று ஆசிரியர்கள் குறிப்பிடுகையில் அவர்களது பூர்வீகம் வட இந்தியா என்று சொல்கின்றனர்.ராஜபக்சே மாதிரி நமக்கு ஒரு பிரதமர் கனவிலும் கிடைக்க மாட்டார். அவரை நமது ஹிந்தி பாரத தேசத்துக்கு பிரதமராக்க வேண்டும். please go to visit this link. thank you.

    * பெரியாரின் கனவு நினைவாகிறது! முல்லை பெரியாறு ஆணை மீது கேரளா கைவைத்தால் இந்தியா உடைந்து பல பாகங்களாக சிதறி போகும் என்று எச்சரிக்கிறோம். தனித்தமிழகம் அமைக்க வேண்டும் என்கிற பெரியாரின் கனவு நினைவாக போகிறது! தமிழர்கள் ஒன்றிணைய வேண்டும்.இவைகளுக்கு எதிராய் போராட முன்வரவேண்டும். இதற்கெல்லாம் நிரந்தர தீர்வு தனி தமிழ் நாடு அமைப்பதே !. please go to visit this link. thank you.

    * நெற்றிக்கண் திறப்பினும் குற்றம் குற்றமே! இது என் பொன்டாட்டி தலைதானுங்க... என்னை விட்டுட்டு இன்னொருத்தனோடு கள்ளக்காதல் தொடர்பு வச்சிருந்தா... சொல்லி சொல்லி பார்த்தேன் கேக்கவே இல்லை... முடியலை, போட்டு தள்ளிவிட்டேன்..... பத்திரிக்கைகள் நீதியின், நியாயத்தின் குரலாய் ஒலிக்க வேண்டும். அதை விட்டு கள்ளகாதல் கொலை, நடிகைகளின் கிசுகிசுப்பு, நடிகைகளின் தொப்புள் தெரிய படம், ஆபாச உணர்வுகளை, விரசங்களை தூண்டும் கதைகள் இப்படி என்று எழுதி பத்திரிக்கை விபச்சாரம் நடந்ததுகின்றனர்.!. please go to visit this link. thank you.


    * தமிழகத்தை தாக்கும் சுனாமி! தமிழக மக்களே! சிந்தியுங்கள்! மீண்டும் ஒரு சுதந்திர போராட்டத்திற்கு தயாராகுங்கள்! மக்களின் நலனில் அக்கறையில்லாத வட இந்திய ஹிந்தி அரசு முல்லை பெரியாறு அணை முதல் கூடங்குளம், தமிழக மீனவர் பிரச்சனை, காவேரி பிரச்சனை, ஹிந்தி மொழி திணிப்பு, என்று தமிழகத்தை தொடர்ந்து குறிவைத்து தாக்கும் சுனாமியாக திகழ்ந்து வருகிறது. தமிழக மக்கள் அடைந்த துன்பம் போதும். சிந்திப்பீர்! செயல்படுவீர்!. please go to visit this link. thank you.

    * தமிழர்களால் துரத்தி அடிக்கப்பட்ட தினமலர்!தமிழினத்தின் வீரமங்கை செங்கொடியின் நினைவிடத்திலே தமிழர் துரோக பத்திரிக்கையான தினமலருக்கு என்ன வேலை. அந்த விழாவின் நோக்கத்தை கொச்சைபடுத்தி செய்தி வெளியிடவா? அல்லது உனது விற்காத பத்தரிக்கைக்கு செங்கொடியின் செய்தியை போட்டு விளம்பரம் தேடவா? please go to visit this link. thank you.

    * இந்தியா உடையும்! ஆனா உடையாது!இந்தியா ஏன் உடைய வேண்டும்? உங்களுக்கு ஏன் இந்த கெடுமதி! என்று எண்ணத் தோன்றுகிறதா? அதற்க்கு நிறைய காரணங்கள் உண்டு. ஒன்று ஈழத்து பிரச்சனை, தமிழக மீனவர்கள் பிரச்சனை, காஷ்மீர் பிரச்சனை, சத்தீஸ்கர் பழங்குடி மக்களின் மீது நடத்தப்படும் தாக்குதல், போபால் விசவாய்வு, பாபர் மசூதி இடிப்பு, குஜராத் இனப்படுகொலை. இவை மட்டுமே போதும் இந்தியா உடைவதற்கு தேவையான காரணிகளில் மிக முக்கியமானவை.
    please go to visit this link. thank you.

    * ஆபத்தானது! கூடங்குளம் அணுமின் நிலையமா? தினமலரா?ஈழத்தமிழர் போராட்டத்தையும், தமிழர்களின் போராட்டங்களையும் தேசவிரோதமாக, பயங்கரவாதமாக சித்தரித்து எழுதிவந்தது தினமலர். please go to visit this link. thank you

    * கொன்றவனை கொல்கிறவன் எங்களுக்கு மகாத்மா!ஈழத்து போராளிகளை கொன்று குவித்து, தமிழ் பெண்களின் கற்ப்பை சூறையாடி, சமாதான கொடி ஏந்தி வந்தவர்களையும் பொதுமக்களையும் கூண்டோடு கொலை செய்த கயவர்களை கொல்பவர்கள் யாரோ அவரே எங்களுக்கு மாகாத்மா please go to visit this link. thank you.

    * போலி தேசபக்தியின் விலை 2 இலட்சம் தமிழர்களின் உயிர்!நாம் கொண்டிரிருக்கும் மூடத்தனமான போலி தேசபக்தியின் விளைவு ஈழத்திலே இரண்டு இலச்சத்திற்கும் அதிகமான தமிழர்கள் கொல்லப்பட காரணமாக் அமைந்து விட்டது. please go to visit this link. thank you.

    ReplyDelete
  10. பின்னூட்டமிட்ட

    ரிஷபன் சார்
    அமைதி அப்பா
    தர்ஷன்
    ரகு (நான் ஒரு தடவை தான் சொன்னேனுங்கோ)
    கருணாகரசு
    மாதவி
    அனைவருக்கும் நன்றி.

    ReplyDelete
  11. இன்னும் பார்க்கவில்லை. இதுதான் படம் என்றால் விளம்பரங்களில் வரும் இரட்டைக் குதிரையில் பவனி வரும் காட்சி எதற்க்கு? பில்டப்பா?

    ReplyDelete
  12. வாசகன்: அந்த ரெண்டு குதிரை மேல் சவாரி செய்யும் சீன், சசி குமார் கனவில் வருகிற மாதிரி இரு முறை காட்டுகிறார்கள். அவ்ளோ தான்.

    ReplyDelete
  13. அந்த பெண் நிவேதா தாமஸ் [http://en.wikipedia.org/wiki/Niveda]

    ReplyDelete

Related Posts Plugin for WordPress, Blogger...