வானவில்-கத்ரினா கைப்- இளங்காத்து வீசுதே- சாருலதா

பார்த்த படம் : சாருலதா 

ஒட்டி பிறந்த இரட்டையர் கதை என்பதை யார் முதலில் எடுத்து வெளியிடுவது என பெரும் போட்டியே நிலவியது. தமிழில் சாருலதா சற்று முந்தியது. நன்கு செய்திருக்க வேண்டிய ஒரு கதை திரைக்கதையால் சொதப்பலாகி விட்டது. ப்ரியா மணி பார்க்க அழகு; நடிப்பும் ஓகே. ஹீரோ தெரியாத முகம் என்பதே ஒட்டுதல் இல்லாமல் போயிடுது. கடைசி 20 நிமிடம் தவிர மற்ற நேரம் கதை ஒரே இடத்தில் நிற்கிறது. அவர்கள் ஒளித்து வைத்த சஸ்பென்ஸ் இல்லாவிடில் படம் இன்னும் வெறுக்கடித்திருக்கும். கூடிய சீக்கிரம் டிவியில் போடும் போது, நேரமிருந்தால் பாருங்கள் !

போஸ்டர் கார்னர்

Dot Com ஆன வீடுதிரும்பல்

நமது ப்ளாகில் சிறு மாறுதல் கவனித்தீர்களா ? நமது தளம் டாட். காம் ஆகி உள்ளது ( www . com அல்ல ; ப்லாகரிலேயே . com ) இப்படி செய்வது பல நன்மைகள் தரும் என்று பதிவு எழுதிய நண்பர் T .N முரளிதரன் தான் நமக்கு இதை செய்து தந்தார். அவரது பதிவையும் மேலதிக தகவலுக்கு அவசியம் வாசியுங்கள்

அழகு கார்னர்

இந்த படத்துக்கு விளக்கம் தேவையில்லை :)

நீங்கள் செல்லும் இடத்துக்கு வழி சொல்லும் ரூட்ஸ்

வெளியில் செல்கிறீர்கள்.... உங்களுக்கு ஒரு குறிப்பிட்ட இடத்துக்கு எந்த பஸ் என தெரியலை. அல்லது வாகனத்தில் எந்த ரூட் வழியே போவது என புரியலை. யார் யாரிடமோ கேட்டு அவர்கள் தங்களுக்கு தெரிந்த அளவில் சொல்லி எப்படியோ கஷ்டப்பட்டு போவோம் இல்லையா? இந்த சங்கடம் தவிர்க்க வந்துள்ளது ரூட்ஸ் என்கிற கம்பனி.

8695959595 என்கிற எண்ணுக்கு போன் செய்தால் உங்களுக்கு தேவையான பஸ் ரூட், லோக்கல் டிரைன் ரூட், நேர அட்டவணை, எல்லா விஷயமும் சொல்கிறார்கள். போலவே வெளியூர் சென்றால் அந்த ஊருக்கு ரயில் வசதி இருக்கா, ரயிலில் நீங்கள் விரும்பும் நாளுக்கு இடம் இருக்கா என்றும் சொல்கிறார்கள். நல்ல விஷயம் இது ! பயன்படுத்தி கொள்ளுங்கள் !

பிடித்த பாட்டு - இளங்காத்து வீசுதே 

எனக்கு மிக மிக பிடித்த தமிழ் பாட்டில் இதுவும் ஒன்று. கேட்பதை விட பார்க்க தான் ரொம்பவே பிடிக்கும் இப்பாடலை.

சின்ன சின்ன சம்பவங்களால் மிக அழகாக காட்சி படுத்தியிருப்பார் பாலா. சங்கீதா சைக்கிள் ஓட்ட, விக்ரம் தலை அசைப்பதாகட்டும், ரயிலில் லைலா நடித்து காட்டுவதாகட்டும், விக்ரம் சலூனில் ஷேவ் செய்வது, குச்சியில் பல் துலக்குவது என பல குட்டி குட்டி சம்பவங்கள் எப்போது பார்த்தாலும் சிரிக்க வைக்கும்.




ஆனந்த் கார்னர்

When cyclone strikes huge trees get uprooted, but the simple grass survives. So better be humble like the grass to grow strong.

ஏமாற்றம் தந்த இந்திய அணி

நேற்று நடந்த இருபது ஓவர் உலக கோப்பையில் இந்தியா தென் ஆப்ரிக்காவை வென்றும் கூட செமி பைனல் நுழைய முடியாமல் போனது பெரும் ஏமாற்றமே. இந்தியா டாஸ் வென்று பீல்டிங் செய்திருந்தால்,  சரியாக எத்தனை ஓவரில் ஜெயிக்கணும் என்பது புரிந்திருக்கும் என்று நாம் புலம்பி கொண்டிருக்க வேண்டியது தான் !

ஐ. பி எல் வந்ததால் நமது வீரர்கள் ஆட்டம் சிறப்பாக இருக்கும் என நினைத்தால், மாறாக எதிர் அணி வீரர்கள் வீடியோ வைத்து நம் மக்கள் ஆட்டத்தை நன்கு அலசி வீக்னஸ்சை கண்டுபிடித்து விடுகிறார்கள் போலும் !