குளுமணாலி- பனியில் விளையாட்டு-படம்+வீடியோ

மணாலி செல்வோர் அவசியம் செல்லும் இடம் -ரோடங் பாஸ். குளிர் பிரதேசம் என்பதை தாண்டி பனி இருப்பதை காணவே பலரும் மணாலி செல்கின்றனர். பனியை நேரில் காண, விளையாட இங்கு தான் முடியும்.

ரோடங் பாஸ் குளிர் காலத்தில் மூடி விடுவார்கள். ரோடு முழுதும் பனி இருப்பதால். கோடையில் தான் திறப்பார்கள். அப்போதும் சில நேரம் பனி அதிகம் இருந்தால் ரோடங் பாஸ்க்கு சற்று முன் வரை தான் அனுமதிப்பார்கள் எங்களுக்கும் அப்படி தான் நிகழ்ந்தது

மடி என்கிற இடத்துடன் எங்களை நிறுத்தி விட்டனர். அதன் பின் ஐஸ் கட்டிகள் தரையில் இருக்கும் என்பதால் வாகனங்கள் வழுக்கி பள்ள தாக்கில் விழும் அபாயம் உண்டு. சில வாகன ஓட்டிகள் அதிக பணம் வாங்கி கொண்டு செல்ல தயார் எனினும் ரிஸ்க் வேண்டாம் என நாங்கள் ரோடங் பாஸ் வரை செல்ல வில்லை.அதனால் என்ன அங்கு சென்றும் ஐஸ் கட்டி தானே பார்க்க போகிறோம்? அதை இங்கேயே பார்த்தோம்

செல்லும் முன்னரே சென்னையில் இருந்து சென்று வந்த நண்பர்கள் அதிகாலை எழுந்து சென்று விடுங்கள் இல்லா விடில் கூட்டம் ஆகிடும் என்றனர். போலவே எங்கள் டிரைவர்களும் அதுவே கூறினர்.

நாங்கள் ஐந்து மணிக்கு காரில் கிளம்பினோம் அடுத்த ஒன்னரை மணி நேர பயணத்துக்கு பின் பனி கட்டிகள் இருக்கும் மடி &  ஸ்னோ பாயிண்ட்டை அடைந்தோம்

பனியில் நாம் போட்டு கொள்ள ஓவர் கோட், ஷூ போன்றவை வாடகைக்கு விற்கிறார்கள். இது இல்லாமல் நாம் அங்கு போகவே முடியாது. எங்கள் நண்பர் ஜோஷி இங்கு நன்கு பார்கெயின் செய்து வாடகைக்கு வாங்கினார். மணாலியில் மிக குறைவான உயரம் உள்ள இடத்திலேயே எவ்வளவு பனி என்று இந்த வீடியோவில் தெரியும்.

ஹவுஸ் பாஸ்/ பூக்கள் கார்னர்

மடி என்கிற இடம் முதலில் அடைந்தோம் செம குளிர். சிகெரெட் குடிக்காதோர் கூட சிகரெட் அடிக்கலாமா என நினைக்க வைக்கும் அளவு குளிர் (எப்படியோ கொஞ்சம் சூடு கிடைத்தால் போதும் என்று இருக்கிறது)

மடியில் எடுத்த வீடியோ இது :





பின் அங்கிருந்து இறங்கி ஸ்னோ பாயின்ட் வந்தோம். இங்கு தான் பனிக்கட்டி சார்ந்த விளையாட்டுகள் உண்டு. உங்களை அமர்த்தி அவர்கள் இழுத்து செல்லும் Sledging , டியூபில் நாம் வழுக்கி கொண்டு வந்து விழும் விளையாட்டு இப்படி நிறைய விளையாட்டுகள் !


மணாலி போக எண்ணுவோரும், பனிக்கட்டி விளையாட்டு பற்றி கொஞ்சம் அறியவும் அவசியம் காண வேண்டிய வீடியோ இது:






இங்கு ஒன்னரை மணி நேரம் செமையாக விளையாடினோம். உயரத்தில் இருப்பதால் மூச்சு விட சற்று சிரமம் ஆக உள்ளது. ஆனால் சிறு குழந்தைகள் உட்பட யாருக்கும் ஜலதோஷம் பிடிக்க வில்லை.

ஸ்னோ பாயிண்டில் மிக குளிர்கிறதே என சோளம் விற்பவரிடம் கையை காட்டி குளிர் காய்கிறோம்

செல்லும் போது ஒண்ணரை மணி நேரத்தில் சென்ற நாங்கள், அதே இடத்திலிருந்து திரும்பும் போது நான்கு மணி நேரத்துக்கு மேல் ஆனது. காரணம் வாகனங்கள் அதிகம் ஆகி விடுகிறது. பலர் தங்கள் வண்டிகளை ரோடில் விட்டு விட்டு போய் விடுகிறார்கள். ஒரு புறம் வரும் வண்டிகள் இன்னொரு புறம் கீழே இறங்கும் வண்டிகள் என செம டிராபிக் ஆகி விடுகிறது. இதற்கு தான் அதிகாலை சென்று விட்டு ஒன்பது மணிக்குள் கீழே இறங்கிடணும்

பல வண்டிகள் பாதியில் நிறுத்துவதால் மலை ஏற முடியாமல் குதிரை வண்டிகளை நாடுகிறார்கள் மக்கள் அவர்களோ ஒரு ஆளுக்கு ரெண்டாயிரம் ரூபாய் சென்று வர வாங்குகிறார்கள் ! பஸ்காரர்களுக்கும் இவர்களுக்கும் அண்டர் ஸ்டாண்டிங் உண்டு என்கிறார்கள் !

இறங்க காத்திருக்கும் வண்டிகள்

நெடு நேரம் காத்திருக்க நேரிட்டால் நேரமாகிறதே என வருந்தாமல் பனி படர்ந்த அந்த மலைகளையும் அந்த சூழலையும் ரசிப்பதே நலம்  

மணாலி செல்வோர் கண்டிப்பாக, கண்டிப்பாக செல்லவேண்டிய இடம் இது. இங்கு செல்லா விடில் மணாலி சென்றது வேஸ்ட்.

பனிக்கட்டியில் விளையாட்டு

பனிக்கட்டி விளையாட்டை காண, மீண்டும் அனுபவிக்க எழும் ஏக்கத்தோடு இப்பதிவை நிறைவு செய்கிறேன் !