வானவில் 91: கலகலப்பும், கேப்டன் காமெடியும்

கலகலப்பு -எப்புடி?

கொஞ்ச நாளாய் ஊரில் இல்லாததால் நண்பர் கேபிள் சங்கர் பணிபுரிந்த இந்த படம் இப்போது தான் பார்க்க முடிந்தது. படம் என்னை அதிகம் கவரலை. ஆனால் பெண்ணுக்கும் மனைவிக்கும் ரொம்ப பிடித்தது. செம காமெடியா இருக்கு; மறுபடி பார்க்கணும் என்று சொல்லி கொண்டுள்ளனர். கதை 25-வருடத்துக்கு முன் வந்திருக்க வேண்டிய ஒன்று என தான் எனக்கு தோன்றியது.

விமலை ஹீரோ என்று சொல்லிவிட்டு மிக முட்டாளாக காட்டியுள்ளனர். பாக்யராஜ் படத்தில் அவர் முட்டாள் போல் தெரிந்தாலும், அந்த பாத்திரத்தில் சிரிக்க வைக்கும் புத்திசாலி தனம் இருக்கும். ஆனால் விமலோ வில்லனிடம் வைரத்தை தானே எடுத்து தருமளவு அறிவாளியாக இருக்கிறார். சந்தானம் காமெடியும் அஞ்சலியின் அழகும் தான் படத்தை பார்க்க வைக்கிறது. படம் ஆவேரேஜ் ஹிட் என கேள்வி.

பெட்ரோல் விலை நியாயமா?

மற்ற நாடுகளை விட இந்தியாவில் பெட்ரோல் அதிக விலை என்பதை அனைவரும் அறிவோம்.அதற்கு அரசாங்கம் சொல்லும் ஒரு காரணம் "பெட்ரோல் நிறுவனங்கள் ஏற்கனவே நஷ்டத்தில் இயங்குகின்றன. இதற்கு மேலும் நஷ்டப்படமுடியாது" என்பதே. டிவியில் ஒரு நிகழ்ச்சியில் பேசிய ஆடிட்டர் ஒருவர், இந்தியன் ஆயில், பாரத் பெட்ரோலியம் உள்ளிட்ட பெட்ரோல் நிறுவனங்களின் லாபம் எத்தனை ஆயிரம் கோடி என பட்டியலிட்டார். கேட்டு விட்டு நொந்து போனேன். இவ்வளவு லாபம் ஈட்டும் போதும் பெட்ரோல் நிறுவனங்கள் ஏன் பெட்ரோல் விலையை இந்த அளவு உயர்த்த வேண்டும்? யாருக்கேனும் விடை தெரிந்தால் சொல்லுங்கள் நண்பர்களே !

அழகு கார்னர் 

இவங்களுக்கு இன்னும் உலக அழகி பட்டம் தராத இந்த சமூகத்தை வன்மையாக கண்டிக்கிறேன் !

சென்னை ஸ்பெஷல் 

வேளச்சேரியில் ஒரு வருடம் முன் தொடங்கிய கடை ஊட்டி வெஜிடபிள் & புருட்ஸ்.

பல காய்கறிகள் செம பிரெஷ் ஆக கிடைக்கிறது. மற்ற இடத்தில் கிடைக்காத காய்கள் சிலவும் இங்கு கிடைக்கிறது. விலை reasonable -  தான்  ! அதிகமில்லை. ஒரு முறை சென்று பாருங்கள். வேளச்சேரி அடையார் ஆனந்த பவனுக்கு மிக அருகில் இந்த கடை உள்ளது

கவிதை கார்னர்

எனக்கு
யாருமில்லை
நான்
கூட! -நகுலன்.

காமெடி போஸ்டர் 

டிவி கார்னர்

* நீங்களும் வெல்லலாம் ஒரு கோடியில் இப்போல்லாம் கலந்து கொள்ள வரும் ஆட்கள் கண்ணீர் கதையை பகிர்கிறார்கள். கேட்கும் போது " ஒரு மனுஷனுக்கு இவ்ளோ சோதனையா?" என தோன்றுகிறது. உதாரணத்துக்கு ஒன்று: கலந்து கொண்ட பெண்ணின் சகோதரி, தந்தை, கணவர், என பலரும் தனித்தனியே விபத்தில் இறந்தனராம். எப்படி தான் தாங்குகிறார்களோ? நமக்கு வரும் துன்பமெல்லாம் சிறிது என எண்ண வைக்கும் அளவில் இருந்தது !

** ஸ்னேஹா-பிரசன்னா கல்யாணத்தை ஜவ்வு மாதிரி விஜய் டிவியில் காட்டினர். கொஞ்ச நேரத்துக்கு மேல் பார்க்க முடியலை. இது பற்றி வினவு எழுதிய கட்டுரை வாசித்தீர்களா? செம ஹாட்!

*** ஜீ தமிழில் நிர்மலா பெரியசாமி (வணக்க்க்க்கம்ம்ம்ம் !) ஏதாவது விஷயத்தில் பாதிக்கப்பட்டவர்கள் அல்லது சண்டை வந்த கணவன்-மனைவியை அழைத்து மத்திசம் செய்கிறார். எப்போதாவது சானல் மாற்றும் போது இந்த நிகழ்ச்சி சற்று பார்ப்பேன். இந்நிகழ்ச்சி ஒரு பெரிய குற்றத்தை வெளியே கொண்டு வந்துள்ளது ! ஒரு நிகழ்ச்சியில் கலந்து கொண்ட பெண் தன் தந்தையுடன் செல்ல மாட்டேன் என்றும் அவர் மூன்று கொலைகள் செய்தவர் என்றும் சொல்ல, அதே ஊரில் நடந்த மூன்று கொலைக்கு காரணம் யார் என தேடி வந்த போலிஸ் இந்த நபர் தான் காரணம் என கண்டுபிடித்து விட்டது. மனிதர் இப்போ தலை மறைவு. போலிஸ் இப்போ சொல்லுதாம் " நிர்மலா மேடம் உங்களுக்கு நன்ன்ன்ன்ன்றி"