வானவில் 97: நான் ஈ/ சரவணன்- மீனாட்சி

பார்த்த படம் : நான் ஈ

செம ஹீரோயிச படம் ! வழக்கமான ஹீரோ இல்லாமல் ஈயை ஹீரோவாக பார்ப்பது வித்யாசமாய் உள்ளது. ஹீரோயினை பிடித்து வைத்து கொண்டு வில்லன் " கொன்று விடுவேன் " என மிரட்ட, ஈ வந்து காப்பாற்றும் காட்சி கூட உண்டு.

சில படங்களில் ஹீரோ தொடர்ந்து தோற்று கொண்டே இருப்பார். கிளைமாக்சில் மட்டும் வில்லனை ஹீரோ மொத்தமாய் தோற்கடித்து விடுவார். இத்தகைய படங்களில் ஹீரோ தொடர்ந்து வீழ்வது நமக்கு அலுப்பாய் இருக்கும். நான் ஈயில் வில்லன் தான் தொடர்ந்து அடி வாங்குகிறார். இது நம் உள் மனதுக்கு செம குஷியாய் உள்ளது. படம் இறுதியை நெருங்கும் போது வில்லன் தன் முழு வேலையும் காட்டினாலும் நம்ம ஹீரோ பிச்சு உதறிடுறார்.

இந்த படத்துக்கு மிக முக்கிய காரக்டர் அந்த வில்லனுடையது. சுதீப் அருமையாக செய்துள்ளார். அடுத்து கம்பியூட்டர் கிராபிக்ஸ். அதுவும் உறுத்தாமல் நன்றாகவே உள்ளது.


சமீபத்து படங்களில் குடும்பத்தோடு பார்க்கும் வகையில் செம ஜாலியாக உள்ள படம் - நான் ஈ !
முக நூல் கிறுக்கல்கள்

அம்மா எந்தெந்த விஷயத்துக்கு திட்டினாங்களோ அதே விஷயத்துக்கு இப்போ மனைவியும் திட்டுறார். அம்மா திட்டிய போது அதை சட்டையே பண்ணாத மனது மனைவி திட்டும்போது மட்டும் அந்த குணத்தை மாற்றி கொள்ள போராடுது !
######
காந்தி படத்தை விட சேகுவரா படம் தான் நிறைய இடங்களில் பார்க்க முடியுது...டி-ஷர்ட், இணையம் மற்றும் பல இடங்களில். இந்த புரட்சியாளர்கள் வீட்டில் எப்படி இருப்பாங்கன்னு பார்க்க ஆவல் :))
######

அழகு கார்னர்

இந்த படம் போடுவதால் "சரவணன்- மீனாட்சி" சீரியல் பார்ப்பதாக நினைத்து விடாதீர்கள். எப்போதாவது சேனல் மாற்றும் போது இந்த பெண்ணை கவனித்ததோடு சரி. லட்சணமான முகம், வெட்கத்தோடு கூடிய சிரிப்பு என ரொம்ப அழகாய் உள்ளார். உடல் ஒரு சுற்று குறைந்தால் இன்னும் நன்றாய் இருக்கும்.

சரவணன்- மீனாட்சியில் மீனாட்சியாய் வரும் மலையாள மங்கை - பெயர் ஸ்ரீஜா ... ஆஜா  ஆஜா !


விடிய விடிய பேச்சு

காதலிக்கும் போது மணிக்கணக்கில் பேசுவது வழக்கம் தானே. இதனை"Sweet Nothings " என்பார்கள் !  இதனை  வைத்தே அமைந்த பாடல் அழகன் படத்தில் இடம்பெற்ற  " சங்கீத ஸ்வரங்கள்" ! படம் வந்த காலத்தில் செல்போன் கூட கிடையாது. லேண்ட் லைன் போன் தான். அதை வைத்து கொண்டே கே. பி என்னமாய் கலக்கியிருக்கிறார் !

நிஜமாகவே முழு இரவும், விடிய விடிய யாருடனாவது நீங்கள் பேசியிருக்கிறீர்களா? நான் பேசியிருக்கிறேன்... ஒன்று ஹவுஸ் பாசுடன். இரண்டு மறைந்த நண்பன் லட்சுமணனுடன் !





பதிவர்/ போட்டோ கார்னர்

பதிவர் ஜெட்லியை வாசித்துள்ளீர்களா? சில வருடங்களுக்கு முன் ரிலீஸ் ஆகும் படத்தை முதல் நாள் முதல்ஷோ பார்த்து விட்டு விமர்சனம் எழுதுவார். திருமணத்துக்கு பின் எழுதுவதை குறைத்து கொண்டார். (நாமளும் தான் இருக்கோமே !) Facebook-ல் அவர் போட்ட இந்த போட்டோ மிக ரசிக்க வைத்தது.

ஜெட்லி பிறந்த போது எடுத்த படமும், 28 வருடம் கழித்து இன்று அவர் மகன் அதே போஸில் எடுத்த படமும் இதோ:

11000 ஹிட்ஸ் தாண்டிய பதிவொன்று

மாதந்திர மற்றும் ஆள் டைம் ஹிட் பதிவுகள் கூகிள் துணையால் தெரிகிறது இல்லையா? இதில் நமது பதிவொன்று 11,000 ஹிட்ஸ் தாண்டியுள்ளது. "உடல் எடை குறைப்பது" பற்றி எழுதிய பதிவு தான் இது ! இதற்கு அடுத்த பதிவு மூவாயிரம் தான் தாண்டியுள்ளது. முதல் பதிவுக்கும் அடுத்த பதிவுக்கும் உள்ள வித்யாசத்தை பாருங்கள் !

Entry	Pageviews
விரைவில் உடல் எடை குறைக்க 2 வழிகள் 14 Apr 2012, 16 comments	11024
நீயா நானா - ஷூட்டிங் அனுபவங்கள் 25 Jan 2012, 56 comments	3201

மனிதர்கள் பலருக்கும் எடையை குறைக்க வேண்டும் என்கிற எண்ணம் உள்ளது தெரிகிறது ! பல திரட்டி மூலம் நம் ப்ளாக் உள்ளே எட்டி பார்ப்போர் இந்த தலைப்பை பார்த்து ஈர்க்கப்பட்டு படித்து விட்டு செல்கின்றனர். தினம் இந்த பதிவை குறைந்தது நூறு பேர் வாசிப்பதால் மாதாந்திர டாப்பில் கூட எப்போதும் இப்பதிவே உள்ளது.

ஆனந்த் கார்னர்


Everything you want in life is waiting for you outside your comfort zone and inside your effort zone.