வானவில் 101: CM செல் - ஆண்ட்ரியா -யுவகிருஷ்ணா

CM செல்லை அணுகுவது எப்படி?

Facebook-ல் பார்த்த இந்த தகவல் உங்களுக்கு பயன்படும் என்பதால் பகிர்கிறேன்

முதலமைச்சரின் தனிப்பிரிவு இணையத்தளம் தற்போது தொடங்கப்பட்டுள்ளது . இங்குபுகார் அல்லது பெட்டிஷனை அப்ளை பண்ண உங்களுக்கு தேவையானது மின்னஞ்சல் முகவரி அல்லது கைப்பேசி எண் இருந்தால் போதும். இந்த முகவரியில் (http://cmcell.tn.gov.in/register.php) 
சென்றால் நீங்கள் யூஸர் ஐடி பாஸ்வோர்டை ரிஜஸ்டர் செய்து பெட்டிஷன் கம்பிளெயின்ட் எழுதுவது மட்டுமில்லாமல் இதன் அக்னலாஜ்மென்ட் உடனே உங்கள் மின்னஞ்சலுக்கு ரெஃபரன்ஸ் நம்பரோடு வரும் அது போக கைத்தொலைப்பேசிக்கு குறுந்தகவல் மூலமாகவும் வரும். இந்த முகவரியில்(http://cmcell.tn.gov.in/login.php) உங்கள் பெட்டிஷன், கம்ப்ளெயின்டை நீங்கள் எந்த நிலையில் இருக்கிறது என டிராக் செய்ய முடியும். அது போக இந்த பெட்டிஷ்ன்களை அவசரகதியாக அந்த டிப்பார்டெமென்டுக்கும் ஃபார்வொர்ட் செய்ய தலைமை செயலகத்தில் தனிப்பிரிவு இயங்குகுறது.

கடிதம் மூலம் அனுப்ப வேண்டியவர்கள் இந்த முகவரிக்கு எழுதலாம்....

Chief Minister's Special Cell ,
Secretariat, Chennai - 600 009. Phone Number : 044 - 2567 1764
Fax Number : 044 - 2567 6929 E-Mail : cmcell@tn.gov.in 


யுவகிருஷ்ணா பாராட்டிய மூன்று பதிவர்கள்

பதிவுலகில் கடந்த வாரம் நமக்கு செம வித்தியாசமான ஒன்றாய் இருந்தது.

நம்மை திட்டி வெளியான 2 பதிவுகளுக்கிடையே ஒரு ஆறுதல் இந்த சம்பவம். இதனை (கூகிள் பிளஸ்சில் இல்லாத) பலரும் கவனித்திருக்க வாய்ப்பு இல்லை.

மூத்த பதிவரான யுவகிருஷ்ணா தற்போது எழுதும் புது பதிவர்களில் நன்கு எழுதுவோர் என மூவரை குறித்து எழுதியிருந்தார். பிலாசபி பிராபகர், மோகன் குமார், ஆரூர் மூனா செந்தில் ஆகியோரே அவர் சொன்ன மூவர்.

வீடுதிரும்பல் பற்றி அவர் சொன்னது இதோ :

வீடு திரும்பல் மோகன் குமார்

பிளாக் எனும் ஊடகத்தை சரியாகப் பயன்படுத்துபவர்களில் இவரும் ஒருவர். எந்த விஷயத்தை எல்லாம் பதிவாக்குவது என்கிற வித்தை தெரிந்தவர். இவருடைய பதிவுகளில் காணப்படும் எக்ஸ்க்ளூஸிவ்னெஸ் முக்கியமானது. எல்லோருக்கும் தெரிந்த, எல்லோரும் அனுபவித்த விஷயங்களை திரும்பத் திரும்ப எழுதாமல் புதுசாக முயற்சிக்கிறார்.

பலவீனமென்றால் பதிவை எடிட் செய்யாமல் வெளியிடுகிறார் என்று நினைக்கிறேன். வார்த்தைச் சிக்கனம் அவசியம். சுண்டக்காய்ச்சிய பால்தான் சுவை.

நன்றி யுவகிருஷ்ணா ! நீங்கள் சொன்ன குறையை நீக்க முயல்கிறேன் !

ஆனந்த் கார்னர்

The 4 hardest task in life.

1. To return love for hatred.
2. To include the excluded.
3. To forgive without apology
4.. To be able to say I am wrong.

நாட்டி அஜூ கார்னர்

நண்பர்கள் தினத்துக்கு " Friendship band" வாங்கியிருந்தோம். அதில் ஒன்றை எடுத்து நாட்டிக்கு என்னோட பெண் கட்ட, நாட்டி அதனை உடனே இழுத்து கட்டை பிரித்து விட்டாள். பின் நன்றாக அந்த நூலை கடித்து விளையாடினாள். இதை பார்த்து விட்டு அஜூ எதோ புது விதமான உணவு நாட்டிக்கு மட்டும் தருகிறார்கள் என்று கிட்ட வந்து கூர்ந்து பார்த்தான். பின் இன்னொரு பக்கம் நூலை இழுத்து கடித்து பார்த்தவன், அதன் சுவை பார்த்து சாப்பிடும் சமாசாரம்
இல்லை என தெரிந்து ஏமாந்து விட்டான். நாட்டி இந்த நூலை வைத்து கொண்டு சுவாரஸ்யமாக விளையாடி கொண்டே இருந்தாள். அவ்வப்போது அஜூவும் அவளிடம் வந்து இந்த கயிறுக்காக சண்டை போடுவான். இப்படியாக இவர்களும் பிரண்ட்ஷிப் டே கொண்டாடி விட்டார்கள். இன்று வரை இன்னும் அந்த கயிறு வைத்து விளையாடி கொண்டுள்ளனர் இருவரும் !

இந்த குட்டி வீடியோவில் அவர்கள் விளையாடுவதை நீங்கள் பார்க்கலாம் !



அழகு கார்னர் : ஆண்ட்ரியா

ஆண்ட்ரியா பச்சை கிளி முத்துச்சரம் காலம் முதல் எனக்கு பிடித்த நடிகை. ஒவ்வொரு காலத்தில் ஒவ்வொருவர் இவரை சொந்தம் கொண்டாடுவார்கள். செல்வராகவன் சாப்டர் முடிந்தது என பார்த்தால் அடுத்து மயக்கம் என்ன செகண்ட் ஹீரோ சௌந்தர் என்றார்கள். இப்போது அனிருத் என்கிற குட்டி பையனுடன் இவரது படங்கள் இணையத்தில் வலம் வருகின்றன ! பாக்குறவங்க எல்லாம் அனிருத்தை திட்டி தீக்குறாங்க (பொறாமை தான். வேறென்ன?)

பதிவர் பக்கம்

வெங்காயம் என்கிற இந்த பதிவர் சமீப காலமாய் கவனம் ஈர்க்கிறார். அரசியல், அறிவியல், வரலாறு என அனைத்து டாபிக்கும் பிரித்து உரிக்கிற இடமாய் உள்ளது வெங்காயம் !

இவரை நமக்கு அறிமுகம் செய்தமைக்கு நண்பர் ஜெயதேவ தாசுக்கு தான் நாம் நன்றி சொல்லணும் !  

சுதந்திர தின சிறப்பு நிகழ்ச்சிகள் : சிறு குறிப்பு 

** காலை கலைஞரில் லியோனி பட்டி மன்றம் ஓரளவு தான் பார்க்க முடிந்தது. பார்த்த வரை சுமாராய் தான் சிரிப்பு வந்தது. ஓஹோ ரகம் இல்லை !

## நீயா நானா சுதந்திர தின சிறப்பு நிகழ்ச்சியில், பேசியவர்கள் அனைவர் பெயரையும் சொல்ல சொன்னார் கோபி. (சில வாரங்களுக்கு முன் நாம் "நீயா நானாவில் எல்லார் பெயரும் சொன்னால் என்ன?" என எழுதியது நினைவிருக்கலாம்) பார்ப்போம்.. தொடர்ந்து அனைவர் பெயரும் சொல்லவோ போடவோ செய்கிறார்களா என !

**   கும்கி படம் பற்றி எல்லா சேனலும் ஆள் ஆளுக்கு ஒரு நிகழ்ச்சி வச்சாங்க

##   இன்று பல டிவிக்களும் போட்ட படங்களில் உருப்படியான ஒரே படம் கலைஞரில் போட்ட கோ ! தொடர்ந்து பார்க்க முடியாமல் ஏகமாய் விளம்பரம் !

**  முதலில் அரவான் படம் இன்று ஒளிபரப்பாகும் என்று சொன்ன சன் பின்பு அதனை மாற்றி விட்டது. மம்பாட்டியான் படம் போட்டு, பார்த்தவர்களை வெட்டி கொன்றது !

##  ஜெயா டிவியில் நினைத்தாலே இனிக்கும் என்கிற நிகழ்ச்சிக்காக ஊர் ஊராய் சென்று அந்த ஊரில் உள்ள மக்களை பாட வைத்தனர். பொது இடத்தில் ஒரு பெஞ்ச் போட்டு, அதன் மீது ஏறி நின்று (பள்ளியில் பெஞ்ச் மேல் நிற்கும் மாணவன் போல் ) பாட வைத்தார்கள். பாடிய அனைவரும் மிக சுமாராகவே பாடினர் !

**  அட்ட கத்தி படம் பற்றி விஜய்யில் ஒரு கலந்துரையாடல் ! இயக்குனரின் குருநாதர் வெங்கட் பிரபு தன் நண்பர்கள் குழுவுடன் வந்திருந்தார். ஹீரோ- ஹீரோயின், இயக்குனர் வந்திருந்தனர். படம் பற்றி நம்ம பதிவர்கள் "படம் நன்றாக உள்ளது" என சொல்கிறார்கள். விரைவில் பார்க்கணும் !