வானவில் 102: ரஜினியின் தோல்விபடமும், பெங்களூரும்

பார்த்த படம்: ஜோதா அக்பர்

பள்ளியில் அக்பர் பற்றி நிறைய படிச்சிருக்கோம். முகலாய அரசர்களில் மிக நல்லவர் அக்பர் என்பது மனதில் பதிந்து போன விஷயங்களில் ஒன்று. அந்த அக்பர் பற்றி மட்டுமல்லாது அவரது இந்து மனைவியான ஜோதா பற்றியும் விரிவாய் பேசுகிறது இந்த படம்.

அக்பராக - ரித்திக் ரோஷன். அவர் மனைவியாக ஐஸ்வர்யா ராய் - முதலாம் பானிபட்டில் துவங்கி அக்பர் வாழ்வின் பல்வேறு பக்கங்களை காட்டுகிறது படம்.

சமீபத்தில் நாங்கள் நேரில் பார்த்த ஆக்ரா கோட்டையில் தான் பெரும்பகுதி படம் எடுக்கப்பட்டுள்ளது. நாம் சென்ற இடம் என்பதால் ரொம்ப ரசிக்க முடிந்தது.

பள்ளியில் படிக்கும் என் பெண்ணுக்கு படம் ரொம்ப பிடித்தது. வரலாற்றை இப்படி சினிமாவாக தந்தால் நிச்சயம் வரவேற்கலாம் !

ரசித்த பாட்டு: 

மனம் கொத்தி பார்வையில் பல பாடல்கள் இனிமை. என்ன சொல்ல ஏது சொல்ல என்கிற இந்த பாடலும் சரி, படமாக்கப்பட்ட விதமும் சரி எளிமையாகவும் மனதை கவரும் வண்ணமும் உள்ளன. அழகான ஹீரோயின், குறும்பான ஹீரோ, இனிய பாடல் ..பார்த்து ரசியுங்கள் !



ஆனந்த் கார்னர்

Life is the hardest school, as you never know what level of class you are in, what exam you will have next and you can't copy others because nobody else will have the same question paper.

காமெடி போஸ்டர்

ரஜினியும் பாபாவும்

பாபா படம் நஷ்டம் என்று தெரிந்து, ரஜினி டிஸ்டிரிபியூட்டர் அனைவருக்கும் பணம் திருப்பி தந்தது நமக்கெல்லாம் தெரியும். ஆனால் அவர் ஏன் பணம் திருப்பி தந்தார் என அவரை நன்கு அறிந்த, பணம் திருப்பி தரும் process-ல் ஈடுபட்ட ஒருவர் ஜெயா டிவியில் "திரும்பி பார்க்கிறேன்" நிகழ்ச்சியில் பேசினார்.

முதலில் பத்து நாளில் யார் யாருக்கு எவ்வளவு நஷ்டம் என கணக்கு எடுத்து தருவதாய் கூறியிருக்கின்றனர். ரஜினியோ அடுத்தடுத்த நாளும் "முடிஞ்சிதா? பத்து நாள் வேண்டாம் சீக்கிரம் முடிங்க சீக்கிரம் முடிங்க" என வற்புறுத்தியிருக்கிறார். இரண்டு நாள் கழித்து ரஜினி இப்படி சொன்னாராம் " என்னால தூங்கவே முடியலை. தூங்காம என்னால் இருக்க முடியாது. இந்த பிரச்சனை முடிஞ்சா தான் தூங்க முடியும். பத்து நாள் எல்லாம் தாங்காது" என்று சொல்ல, பின் ஓரிரு நாளில் கோடிகணக்கான பணம் தந்து விஷயம் முடிவுக்கு வந்துள்ளது.

தூக்கம் எத்தனை முக்கியம் என்பதையும், தூக்கத்துக்கு விலையாய் எத்தனை கோடியையும் தரலாம் என்பதயும் இந்த நிகழ்ச்சி சொல்லவில்லை?

நாட்டி அஜூ கார்னர்

அஜூ பயல் இன்னும் எங்களிடம் வருவது இல்லை. ஆனால் முன்பு நாங்கள் இருந்தாலே கூண்டுக்குள் போய் ஒளிந்து கொள்வான். அதில் மட்டும் சிறு மாறுதல். நாங்கள் இருந்தாலும் வெளியிலேயே இருக்கிறான். நாம் அவனை பார்த்தால் முகத்தையும் உடம்பையும் திருப்பி கொண்டு சுவற்றை பார்ப்பான். சிலர் பயந்தால் முகத்தை மூடி கொள்வார்கள் இல்லையா அந்த மாதிரி ! நாம் அருகில் போனால், நாட்டி பின்பக்கம் போய் நின்று கொள்வான். இப்படியே காமெடி செய்கிறானே ஒழிய, வந்து பல மாதமாகியும் எங்கள் கையில் வருவதில்லை. இது எல்லாருக்கும் சற்று வருத்தம் தான் !

பெங்களூர் விஜயம்

ஒரு கல்யாணத்தில் சிறப்பு விருந்தினராக கலந்து கொள்ள (முதல் பந்தியில் சாப்பிட்டால் சிறப்பு விருந்தினர் தானே?) இன்று இரவு பெங்களூர் செல்கிறேன்.

நீங்கள் யாரும் பயப்பட வேண்டாம். ரெண்டு நாள் பயணமாவது இருந்தால் தான் பெங்களூர் பயண கட்டுரையெல்லாம் எழுத முடியும் :)) கல்யாணம் முடிந்து மதிய டிரைனில் சென்னைக்கு ரிட்டர்ன் ! நாளை இணையம் பக்கம் வர முடியாது என்பதால் வானவில், ஒரு நாள் முன்னதாக செவ்வாய் இரவே வெளி வந்து விட்டது.

நெக்ஸ்ட்டு மீட் பண்ணுவோம் !