சென்னையில் பதிவர் மாநாடு - சில முக்கிய அறிவிப்புகள்

பதிவர் சந்திப்பு குறித்து சில முக்கிய முடிவுகள் மற்றும் தகவல்கள் இதோ.

கலந்து கொள்வோர் இறுதி பட்டியல்

சென்னையில் நடக்கும் பதிவர் மாநாட்டில் கலந்து கொள்ளும் நண்பர்களின் பட்டியல் நாளை மறுநாள் புதன்கிழமை நண்பர்களின் தளங்களில் வெளியிடப்படும். இதுவரை போன் மூலமும் மெயில் மூலமும் நம்மிடம் தங்கள் வருகையை உறுதி செய்தவர்கள் பட்டியலாக அது இருக்கும்.

நீங்கள் சென்னை பதிவரோ, அல்லது வெளியூரில் இருக்கும் பதிவரோ, ஆகஸ்ட் 26 ஞாயிறு அன்று நடக்கும் விழாவுக்கு நீங்கள் வருவதை இதுவரை மெயில் அல்லது போன் மூலம் உறுதிபடுத்தா விடில் கீழ்க்காணும் மெயில்களில் ஏதாவது ஒன்றுக்கு அவசியம் உங்கள் வருகையை உறுதி செய்யவும் .

மதுமதி : kavimadhumathi@gmail.com
பாலகணேஷ் bganesh55@gmail.com

ஜெயகுமார் : pattikaattaan@gmail.com
மோகன் குமார் snehamohankumar@yahoo.co.in
மெட்ராஸ்பவன் சிவகுமார்: madrasminnal@gmail.com

அல்லது கீழ்க்காணும் நண்பர்களை தொலை பேசியில் அழைத்தும் உங்கள் வருகையை உறுதிபடுத்தலாம்:

உயர்திரு. சென்னைப்பித்தன் - 94445 12938
உயர்திரு. புலவர் சா.இராமாநுசம் - 90947 66822
மதுமதி 98941 24021
பாலகணேஷ் 73058 36166
ஜெயகுமார் 90949 69686

விழாவிற்கான தங்கும் அறை மற்றும் சாப்பாடு ஏற்பாடு செய்ய வேண்டியிருப்பதால், நீங்கள் வருகையை உறுதிபடுத்துவது மிக மிக அவசியம். அதனடிப்படையில் தான் தங்கும் அறைகளும் ஞாயிறு மதிய உணவுக்கும் ஏற்பாடு செய்ய முடியும். எனவே நீங்கள் தயவு கூர்ந்து அவசியம் உங்கள் வருகையை உறுதி செய்யவும் !

வெளியூர் பதிவர்கள்  உங்களுக்கு அறை தேவை எனில் அவசியம் எங்களுக்கு தெரிவிக்கவும். இது மிக மிக முக்கியம். நீங்கள் முன்பே தகவல் சொன்னால் தான் அறைகள் தங்க ஏற்பாடு செய்ய எளிதாக இருக்கும். விழா நடத்துவோரின் சிரமத்தை புரிந்து கொண்டு உங்களுக்கு அறை தேவை எனில் அவசியம் முன்பே தெரிவிக்கவும் !

புதனன்று நண்பர்கள் அனைவரது ப்ளாகிலும் இறுதி பட்டியல் வெளியாகும். எனவே நீங்கள் உடன் உங்கள் வருகை குறித்து தகவல் தரவும் !

கவியரங்கில் கலந்து கொள்வோர் பட்டியலும் புதனன்று வெளியாகும். இதுவரை பெயர் தராதோர் கவியரங்கிற்கு பெயர் தர விரும்பினால் நாளை மறுநாள் புதன் கிழமை இந்திய நேரப்படி காலை ஒன்பது மணி தான் பெயர் தர கடைசி நாள். விரைவில் மேலே உள்ள நண்பர்களில் யாருக்கேனும் மெயில் தரவும்.

போலவே மூத்த பதிவர்களுக்கு பாராட்டு மற்றும் மரியாதை செய்வித்தலுக்கு உங்களுக்கு தெரிந்த அறுபது வயதை எட்டிய மூத்த பதிவர்கள் இருந்தால், அவர்களால் விழாவிற்கு அன்று வர முடியும் எனில் எங்களுக்கு நாளை மறுநாளுக்குள் தெரிவியுங்கள். மூத்த பதிவர்களும் எங்களுக்கு விழாவிற்கு வர விருப்பம் இருந்தால் தெரிவிக்கலாம்

விழா நேரத்தில் சிறு மாற்றம்

விழாவில் பதிவர் அறிமுகம், கலந்துரையாடல், கவியரங்கம், மூத்த பதிவர்களுக்கு பாராட்டும் மரியாதையும் என பல நிகழ்வுகள் உள்ளதால் விழாவை காலை பத்து மணிக்கு அரை மணி முன்பாக, அதாவது  ஒன்பதரை மணிக்கே  துவங்க உத்தேசித்துள்ளோம். ரிஜிச்ட்ரேஷன் உள்ளிட்ட நிகழ்வுகள் காலை ஒன்பது மணிக்கு துவங்கும். எனவே விழாவில் கலந்து கொள்ளும் அனைத்து பதிவர்களும் காலை ஒன்பது மணி முதல் 9.15 க்குள் விழா நடக்கும் ஹாலுக்கு வரும்படி கேட்டு கொள்கிறோம். விழா மிக சரியாக காலை ஒன்பதரை மணிக்கு துவங்கும்.

விழாவிற்கு பங்களிப்பு தர விரும்பும் நண்பர்கள்/ பதிவர்கள் விழா குழுவினரை மெயில் அல்லது தொலை பேசியில் தொடர்பு கொண்டு தங்கள் பங்களிப்பை செலுத்தலாம். அனைவரின் பங்களிப்பும் சேர்ந்தால் விழா பிரம்மாண்டமாக இருக்கும். எனவே பதிவர் விழாவுக்கு உங்கள் பங்களிப்பை நீங்கள் செலுத்துமாறு வேண்டுகிறோம்.

விழாவில் இடம் பெரும் சிறப்புகள் பற்றி மதுமதி அவ்வப்போது பதிவுகள் எழுதியுள்ளார். உங்களுக்கு மீண்டும் சுருக்கமாய் சில ஸ்பெஷல் தகவல்களை பகிர்கிறேன்:

சிறப்பு புத்தக கண்காட்சி 

பதிவர் சந்திப்பு நடைபெறும் அன்றைய நாளில் டிஸ்கவரி புத்தக நிலையம் புத்தக கண்காட்சி நடத்த திட்டமிட்டிருக்கிறது. பிரபல எழுத்தாளர்கள் எழுதிய அனைத்து புத்தங்களையும் பதிவர்கள் அரங்கிலேயே அவரிடம் பெற்றுக்கொள்ளலாம்.

பதிவர் சந்திப்பன்று நடக்கும் புத்தக கண்காட்சியில் புத்தகங்களை வாங்கும் பதிவர்களுக்கு ஒவ்வொரு புத்தகத்திற்கும் 10 சதவீதம் தள்ளுபடி செய்வதாகவும் தெரிவித்திருக்கிறார்.

நிகழ்ச்சி நேரடி ஒளிபரப்பு

பிரபல திரட்டியான வலையகம் இந்த சந்திப்பை நேரடி ஒளிபரப்பு செய்து தர சம்மதித்து இருக்கிறது.அயல்நாட்டு பதிவர்களும் நிகழ்வை கண்டு மகிழும் வண்ணம் இந்த ஏற்பாடு செய்யப்பட்டுள்ளது. இது பற்றி மேலும் அறிய மதுமதியின் இந்த பதிவை வாசியுங்கள்

மக்கள் தொலைக்காட்சியில் மாநாட்டு நிகழ்ச்சி

பதிவர் மாநாடு நிகழ்ச்சி மக்கள் தொலைக்காட்சியில் ஒரு நிகழ்வாக ஒளிபரப்ப கேட்டு கொண்டுள்ளோம். அவர்களின் அனுமதி விரைவில் கிடைக்கும் என எதிர்பார்க்கப்படுகிறது

பதிவர் ஒருவருக்கு ஒரு லட்சம் பரிசு

மக்கள் சந்தை சிறந்த பதிவர் ஒருவரை தேர்ந்தெடுத்து அவருக்கு ஒரு லட்சம் ரூபாய் பரிசு தர திட்டமிட்டுள்ளது. என்ன அடிப்படையில் இந்த பரிசு வழங்கப்படும் என்பதை விழாவில் மக்கள் சந்தை நிர்வாகிகள் தெரிவிப்பார்கள்.

இப்படி பல விதத்திலும் நம்மை மகிழ்விக்க இருக்கும் இந்நிகழ்ச்சியில் உங்களை ஆவலுடன் எதிர்நோக்கி காத்திருக்கிறோம் !

வாருங்கள் சந்திப்போம்.

இதுவரை வருகையை உறுதி செய்யாத நண்பர்கள் உடனே உறுதி செய்யுங்கள் ! நன்றி !