வானவில்: அட்ட கத்தியும், சுந்தர பாண்டியனும்

பார்த்த படம் : அட்ட கத்தி

யார் யாரையோ காதலித்து விட்டு அம்மாப்பா பார்த்த பெண்ணை கல்யாணம் செய்து கொள்ளும் " நம்ம" கதை. சொன்ன விதம் சுவாரஸ்யம் ! ஹீரோவாக வருபவர் செம இயல்பான நடிப்பு. இந்த வருடம் சிறந்த புது முக நடிகர் நாமினேஷனில் இடம் பெறக் கூடும் !

பாட்டுகள் சிலவும், அழகான திரைக்கதையும் முதல் பாதியை அழகாக்குகிறது. இரண்டாம் பாதி ஏமாற்றமே. பல பெண்கள் என்றால் மக்கள் ஒத்து கொள்ள மாட்டார்கள் என, முதல் ஹீரோயினுக்கே போயிடுறார் டைரக்டர்.

சில காட்சிகள் விழுந்து விழுந்து சிரிக்க வைத்தது. நண்பனுடன் போண்டா சாப்பிடும் காட்சி ஒரு உதாரணம். நண்பனிடம் "மூட் அவுட் சாப்பிடலை" என சொல்லிட்டு, நண்பன் போனவுடன் ஓடி வந்து அதே கடையில்  போண்டா சாப்பிடுவது செம ! அங்கே என்னை பார்க்கிற மாதிரியே இருந்தது !

முடிந்தால் ஒரு முறை பாருங்கள் அட்ட கத்தியை !

மக்கள் டிவியில் பதிவர் சந்திப்பு நிகழ்ச்சி வீடியோ

சென்ற சனிக்கிழமை பதிவர் சந்திப்பு பற்றி மக்கள் தொலைக் காட்சியில் வந்ததை நீங்கள் அறிவீர்கள். நம் நண்பர்கள் 20௦ க்கும் மேற்பட்டோர், அதுவும் நாம் (தற்போதைக்கு) விரும்பும் ப்ளாக் பற்றி டிவியில் பேசுவதை காண மகிழ்ச்சியாய் இருந்தது. ரஹீம் கஸாலி இதை தனி பதிவாகவே ஷேர் செய்திருந்தார். இருந்தாலும் நண்பர்கள் யாரும் பார்க்காமல் விட்டால், காணலாம் என்று இங்கும் பகிர்கிறேன்.

இந்த லிங்க்குக்கு சென்றால் அதனை நீங்கள் காணலாம்.

பதிவர் மாநாடு குறித்த பகுதி இதில் 14.15 (பதினான்காவது நிமிடம் பதினைந்து நொடி ) முதல் வருகிறது !

http://www.istream.com/tv/watch/171987/Jannaluku-Veliye--Sep-8-2012

இந்த வார ரீலிஸ்: சுந்தர பாண்டியன்

வானவில்லில் இது புது பகுதி. அவ்வப்போது சற்று எதிர்பார்ப்போடு வரும் புதுப்படம் பற்றி சில வரிகள் பகிர உள்ளேன்.

இந்த வாரம் வெள்ளியன்று சசிகுமார் நடித்த சுந்தர பாண்டியன் திரைக்கு வருகிறது. சசிகுமார் கடைசியாய் நடித்த போராளி சறுக்கிய நிலையில் இந்த படமாவது கை கொடுக்குமா என பார்க்க வேண்டும். புது ஹீரோயின் (லட்சுமி மேனன்), புது இயக்குனர் (பிரபு), கிராமத்து பின்னணி..இப்படி சில சுவாரஸ்யங்கள் இருக்கிறது. "நான் ஈ"க்கு பிறகு வேறு படங்கள் ஓடாத நிலையில் இந்த படமாவது தயாரிப்பாளர் மற்றும் விநியோகஸ்தர்களை காப்பாற்றுகிறதா என்று பார்ப்போம் !

ரசித்த காமெடி

எனக்கு ரொம்ப பிடித்த கவுண்டர் காமெடியில் இதுவும் ஒன்று. சூரியன் படத்தில் உள்ள பல காமெடி சீன்கள் அருமை தான் ! " உங்களை நான் டில்லியில பார்த்திருக்கேன்" என்பதும், "சத்திய சோதனை "என்பதும் எத்தனை முறை பார்த்தாலும் சிரிக்க வைக்கும் !



உண்மைத்தமிழன், கேபிள், ஜாக்கி

நேற்று முன் தினம் (திங்கள்) மதிய வேளை - தமிழகத்தின் பிரபல பதிவர்களான உண்மை தமிழன், கேபிள், ஜாக்கி ஆகியோர் அடுத்தடுத்து போன் செய்தனர். குறிப்பிட்ட ஒரு மணி நேரத்திற்குள் இவர்கள் மூவர் பேசியதும் வெவ்வேறு விஷயத்துக்கு. எதேச்சையாய் ஒரே நாள் இப்படி மூன்று பிரபல பதிவர்கள் போனில் பேசியது ஆச்சரியமாய் இருந்தது.

கேபிள் மற்றும் உண்மை தமிழனிடம் அடிக்கடி பேசியுள்ளேன். ஜாக்கியிடம் பேசுவது முதல் முறை. ஜாக்கி போனில் பேசும்போது அவர் பதிவை படிக்கிற மாதிரியே இருந்தது. தற்போது நடக்கும் விஷயங்களில் அமைதி காப்பதும், சில விமர்சனங்களை கண்டு கொள்ளாமல் கடந்து போவதும் பற்றி அக்கறையுடன் பேசினார். விண் டிவியின் ஒரு நிகழ்ச்சியில் பேச சொல்லி தான் அவர் போன் செய்தார் எனினும் அவர் சொன்ன மாலை நான்கு மணிக்கு அலுவலக வேலை இருந்ததால் செல்ல முடியவில்லை. இருப்பினும் என்னையும் மதித்து கூப்பிட்டமைக்கு நன்றி ஜாக்கி !

அய்யாசாமி கண்ட கனவு

நள்ளிரவு அய்யாசாமி கனவு கண்டார். ஒரு பெரிய அடுக்கு மாடி குடியிருப்பில் அவர்கள் இருக்கிறார்கள். அய்யாசாமி கீழ் தளத்து மைதானத்தில் விளையாடி கொண்டிருக்க, அப்போது கட்டிடம் தீ பிடித்து விடுகிறது. கீழ் தளத்தில் இருப்போரை தூரம் செல்லுங்கள் என விரட்டி விடுகிறார்கள். மூன்றாம் மாடியில் மனைவியும் மகளும் இருக்கிறார்கள் செல்லணும் என்று அவர் கெஞ்சினாலும் விடலை. நெடு நேரம் ஆகியும் மனைவியும் மகளும் காணும்

விழிப்பு வந்து விட்டது. இப்படி பயமுறுத்தும் கனவு காணும்போதெல்லாம் " இது கனவு தான் ! கனவு தான் ! நிஜம் கிடையாது" என்று ரெண்டு மூணு முறை சொல்லி கொள்வார் அய்யாசாமி. ஆனாலும் மறுபடி தூக்கம் வர நேரம் ஆகிடும். அதான் கொஞ்சம் பிரச்சனை :)

QUOTE CORNER


Be nice and smile to everyone you meet.

You don't know what they are going through,
and they might just need that smile.
At least for a moment,
it would make a lot of difference to them.
Life gives us many such moments to make others feel better.
For tomorrow when you feel low,
someone might smile and you may feel better.