இளையராஜா - நீதானே என் பொன்வசந்தம் !

ராஜா கடைசியாய் எந்த படம் நன்கு இசை அமைத்தார் ? நந்தலாலா, அழகர்சாமியின் குதிரை என்று சொல்லாதீர்கள். நான் சமீபத்தில் அவர் இசை அமைத்த படங்கள் பெயர் கேட்கலை. நன்கு இசை அமைத்த படங்கள் கேட்டேன். ராஜா standard-க்கு பாடல்கள் கொண்ட படங்கள் ! மேற்சொன்ன இரு படத்திலும் பின்னணி இசையில் அதே ராஜா தான் ! ஆனால் பாடல்கள் ஹும் !

நீதானே என் பொன் வசந்தம் - நிச்சயம் சூப்பர் டூப்பர் எல்லாம் இல்லை. ஆனால் கடந்த சில வருடங்களில் ராஜா இசை அமைத்த படங்களில் இப்பட பாடல்கள் ஓரளவு ஓகே.

பாடல்கள் பற்றி பொதுவான சில கருத்துகள் :

சில பாடல்கள் 80-களை நினைவு படுத்துது (படிக்கல மாமு) சில இந்த காலத்துக்கு ஏற்றபடி இருக்கு. யுவன் நிறைய பாடல்கள் பாடியதாலோ என்னவோ ஆங்காங்கு இசை யுவனோ என்கிற மயக்கம் வருகிறது

பாடல் வரிகள் புரிகிற மாதிரி இருப்பதும், இசை பாடல் வரிகளை dominate-செய்யாவிடினும் இனிமையாய் இருப்பதும் ராஜா ஸ்பெஷல் !

ராஜாவின் பாடல்களில் பொதுவாய் வயலின் மற்றும் பிளூட் இணைந்து கலக்கும். இப்பட பாடல்களில் வயலின் ஆங்காங்கு கேட்டாலும் பிளூட் மிக அரிதாகவே உள்ளது 

இனி ஒவ்வொரு பாட்டாய் அலசுவோம்   

1 .சாய்ந்து சாய்ந்து...

பாடியவர்:  : யுவன்ஷங்கர் ராஜா / ரம்யா.என்.எஸ்.கே

அருமையான மெலடி. முதல் முறை கேட்கும் போதே பிடிக்கிற மாதிரி ஒரு பாட்டு. யுவன் மற்றும் ரம்யா குரல்கள் ஈர்க்கிறது. Very attractive !!

தாயை போல ஒரு பெண் தேடினேன் என ஆண் சொல்ல, தந்தை மற்றும் தோழனாக உனை பார்க்கிறேன் என பெண் சொல்ல, மெட்டு, இசை வரிகள் என எல்லா பக்கதிலும் கவரும் பாட்டு இது !

2. சற்று முன்பு ...
பாடியவர்:  ரம்யா என்.எஸ்.கே

பெண் குரலில் ஒலிக்கும் செம மெலடி. ஆனால் பாடல் துவக்கத்தில் ஏன் அப்படி ஒரு மிரட்டும் இசை? போக போக பாடல் நம்மை ஈர்த்து விடுகிறது. மிக மிக மெதுவாய் செல்லும் பாட்டு படமாக்க challenging ஆக இருந்திருக்கும்.சூப்பர் சிங்கர் உள்ளிட்ட நிகழ்சிகளில் இப்பாடல் வரும் காலங்களில் நிச்சயம் பாடப்படும் !

3. என்னோடு வா வா ...

பாடியவர்:  கார்த்திக் 

நண்பர் ஒருவர் முக நூலில் சொன்ன மாதிரி கிறித்துவ மத பிரசங்க பாட்டு மாதிரி இருக்கு பல்லவி.  சரணம் நிச்சயம் ஓகே

4. வானம் மெல்ல ...
பாடியவர்:  இளையராஜா / பெலா செண்டே

இளையராஜா இந்த ஆல்பத்தில் பாடிய ஒரே பாட்டு. அவரே பாடிய வேறு எதோ பாடல்களை ஞாபகம் தந்தாலும் கேட்க கேட்க நிச்சயம் பிடிக்கிறது இந்த பாட்டை  !

5. முதல் முறை ...
பாடியவர்: சுனிதி சௌஹான்

பழைய காலத்து சூர சம்ஹாரம் பட பார்ட்டி சாங் மாதிரி இருந்தாலும் இந்த பாட்டில் என்னமோ இருக்கு ! எதோ ஒன்று கவரவே செய்யுது !

6. பெண்கள் என்றால் ...

பாடியவர்: யுவன்ஷங்கர் ராஜா

பெண்களை திட்டி வரும் சற்றே சோகப்பாட்டு. ஏனோ நான்கைந்து முறை கேட்டும் என்னை கவரவே இல்லை. பாடலில் கிட்டார் இசை மட்டுமே கவர்கிறது. படத்தில் நல்லதோர் இடத்தில் பாடல் அமைந்தால், நமக்கு பிடிக்க சற்று வாய்ப்பு இருக்கு. இப்போதைக்கு எனது விருப்ப பாடலில் நிச்சயம் இது இல்லை

7. படிக்கல மாமு ...
பாடியவர்: சுராஜ் ஜகன் / கார்த்திக்

காலேஜ் கேம்பஸில் பாடும் பாட்டு. பழைய பாட்டை கேட்கிற மாதிரி இருக்கு. ஈர்க்கவே இல்லை.

8. காற்றை கொஞ்சம் ...

பாடியவர்: கார்த்திக்


இதுவும் கூட சில முறை கேட்ட பிறகு தான் பிடிக்கும் பாடல் . சரணத்தில் கார்த்திக் ஒரு வரி பாட, உடனே அவர் பாடியதை பியானா போன்ற மறுபடி வாசிப்பது மிக இனிமையாய் இருக்கு. ஆனால் சரணம் இரண்டு வரி பாடிய பின், அவர் பாடும் போது சேர்ந்து அதே instrument வாசிக்க ஆரம்பிக்கும் போது அந்த அளவு அருமையாய் இல்லை.

ஹீரோ - ஹீரோயினுக்குள் காதல் துவங்கிய நேரம் வருகிற பாடல் : நிச்சயம் கெளதம் மிக அழகாய் காட்சி படுத்தியிருப்பார் என்பதில் எந்த சந்தேகமும் இல்லை. பாடலை திரையில் காண வெயிட்டிங் !

****

நிறைவாக: காதலுக்கு மரியாதை போல கேட்க கேட்க பாடல்கள் எல்லாம் பிடிக்கும் என்று நம்பிக்கை இருக்கிறது. ராஜாவிடம் நல்ல பாடல்கள் வாங்கிய கெளதமுக்கு ஸ்பெஷல் நன்றிகள் !