Saturday, August 7, 2021

சப்போர்ட்- கிராமத்து ஓட்ட பந்தய வீரர்

லிம்பிக்ஸ் நடக்கும் இந்நேரம் - எங்கள் ஊர் மாரத்தான் வீரர் பற்றிய நினைவுகள் ..

அவர் பெயர் - சப்போர்ட் ! நிஜப்பெயர் சுப்பிரமணியன் என்று நினைவு.. (தவறாகக்  கூட இருக்கலாம்). 

அதென்ன சப்போர்ட்? அவர் ஓடும்போது ஊர் முழுக்க அவருக்கு தான் சப்போர்ட் செய்யும் ! அவருக்காகவே கூச்சலிடும்!  

சாதாரண தோற்றம்.. ஆறடிக்கு சற்று குறைவான உயரம். மிக அமைதியாக தான் இருப்பார். ஒரு கூட்டத்தில் வைத்து பார்த்தால் சராசரி மனிதர் போல தான் தெரியும்..

ஆனால் மைதானத்தில் அவரது வீச்சு.. அதனை சற்று விளக்குகிறேன் 

சப்போர்ட் ஒரு பக்கா விளையாட்டு வீரர் - பல்வேறு போட்டிகளில் கலந்து கொள்வார். பரிசுகள் வெல்வார். ஆனால் ரொம்ப ஸ்பெஷல் - மாரத்தான் ஓட்டம் தான்.. 

சப்போர்ட் என்று நினைத்தாலே உடனே நினைவுக்கு வருவது அவர் ஓடும் மாரத்தான் ஓட்டம்.. மற்றும் அப்போது கூடி நின்று பார்க்கும் மக்களின் ரீ ஆக்ஷன் 

மாரத்தான் ஓட்டத்தில் - எங்கள் ஊர் மைதானத்தை 10 அல்லது 11 ரவுண்ட் ஓடி வரவேண்டும். துவக்கத்தில் சப்போர்ட் கடைசி ஆட்களில் ஒருவராக தான் இருப்பார். மக்கள் எந்த டென்ஷனும் ஆகாமல் "இது தெரிந்த கதை தானே" என்று பேசாமல் இருப்பார்கள். கடைசி சில ரவுண்ட் இருக்கும்போது சப்போர்டின் - சப்போர்ட்டகளுக்கே  டென்சன் வந்து விடும். அப்போது தான் சப்போர்ட் வார்ம் அப் ஆகி சற்று வேகமெடுக்க உத்தேசிக்கிறார் என தெரியும் 

கடைசி ரவுண்ட் ! அது தான் கிளைமாக்ஸ் .. மக்கள் அனைவரும் "சப்போர்ட்டு ! சப்போர்ட்டு !" என்று கத்த துவங்கி விடுவர்.. எங்கிருந்து தான் சேர்த்து வைத்திருப்போரோ அவ்வளவு எனர்ஜியை ! வெறி பிடித்த மாதிரி ஒரு ஓட்டம் 




"சப்போர்ட்டு ! சப்போர்ட்டு !" குரல்கள் அரங்கை அதிரவைக்க, கடைசியிலிருந்து ஒவ்வொரு வீரராய் தாண்டி மக்கள் கைதட்டல், விசில்கள் இடையே - எப்போதும் மாரத்தானில் முதல் ஆளாய் தான் வருவார் சப்போர்ட் !

தமிழ் சினிமாவில் பார்க்க தகுந்த அட்டகாசமான காட்சியாய்  இருக்கும். மக்கள் ஒவ்வொருவருக்கும் எதோ தானே வென்ற மாதிரி ஒரு மகிழ்ச்சி முகத்தில் தெரியும்.. 

100 மீட்டர் ஓட்டம், லாங் ஜம்ப், ஹை ஜம்ப் இவற்றிலும் அவர் கலந்து கொள்வார். பரிசுகள் வெல்வார். ஆனால் அவற்றில் எப்போதும் முதல் பரிசு வெல்வார் என சொல்ல இயலாது. அவற்றில் அவருக்கு மக்கள் ஆதரவும் மரத்தானில் இருக்கும் அளவு இருக்காது 

மாரத்தானில் மட்டும்.. அந்த அரங்கில் பிற ஓட்ட காரர்களின் குடும்பத்தினர் எவரேனும் இருந்தால் அவர்களை தவிர, மீதம் அத்தனை பேரின் ஒட்டு மொத்த ஆதரவும் சப்போர்டுக்கு தான் !

சப்போர்ட் என்ன ஆனார்? என்ன வேலைக்கு சென்றார் ? எந்த தகவலும் இல்லை. முறையான பயிற்சியும் ஊக்குவிப்பும் இருந்திருந்தால் சப்போர்ட் இன்னும் உயரங்களை அடைந்திருப்பார் ..

நிஜமான Raw talent - தலை நகரங்களுக்கு வெளியே - இத்தகைய கிராமங்களில் தான் இருக்கிறது . 

சப்போர்ட்.. எனது இளமை கால ஹீரோக்களில் மறக்க முடியாத ஒருவர் !

Saturday, July 24, 2021

சர்பேட்டா - சினிமா விமர்சனம்

பா.ரஞ்சித் படங்களில் என்னை கவர்ந்தது அட்ட கத்தி. அதற்கடுத்து சொல்ல வேண்டுமெனில்- மெட்ராஸ் - இதற்கு இணையான படமாக வர்ந்துள்ளது சர்பேட்டா 




பாசிட்டிவ் 

பல்வேறு வகையான பாத்திரங்கள்.. கபிலன் (ஆர்யா), மாரியம்மா (ஹீரோ மனைவி), டாடி, டான்சிங் ரோஸ்,  ரங்கன் வாத்தியார், பீடி வாத்தியார் இப்படி அசத்தலான பாத்திரங்கள். அவற்றிற்கு சரியான நடிகர்கள்..நிஜ மனிதர்கள் போல் வளம் வருகிறார்கள்..

Dangal, இறுதி சுற்று போன்ற ஸ்பார்ட்ஸ் டிராமா என்றாலும், ஏதோ ஒரு புள்ளியில் இது வித்தியாசப்படுகிறது.. 

அநேகமாய் குஸ்தி சண்டை காட்சிகள் விறுவிறுவிப்பாய்  எடுக்கப்பட்டுள்ளது 

சந்தோஷ் நாராயணன் பின்னணி இசை கச்சிதம் 

பசுபதி, ஆர்யா, டான்சிங் ரோஸ்  உள்ளிட்டோரின் நடிப்பு படத்தை நிலை நிறுத்துகிறது. பசுபதி செம்மையாக நடித்ததில் ஆச்சரியமே இல்லை. எந்த முகபாவமும் காட்ட தெரியாத ஆர்யாவை கோபப்படவும்,  அழவும், இயலாமையை காட்டவும் வைத்த விதத்தில் இயக்குனர் மிளிர்கிறார் 

டான்சிங் ரோஸ் பாத்திரம் - வில்லன் அணியில் இருந்தாலும் நேர்மையானவாக காட்டியது .. அழகு  !

சிலர் முதல் பாதி போல் இரண்டாம் பாதி இல்லை என எழுதியதை கண்டேன். இப்படம் பாக்சிங், பரம்பரை பெருமை இவற்றுக்கு எவ்வளவு முக்கியத்துவம்  தருகிறதோ, அதற்கு அடுத்து சொல்லும் செய்தி - வீழ்கிற எந்த மனிதனாலும் மீண்டும் எழ முடியும் என்பது தான். இது சினிமாவில் சொல்லப்பட்டதே இல்லையா என்றால் - சொல்லப்பட்டிருக்கிறது; அப்படி பார்த்தால் காதலும், பழி வாங்கலும் கூட தான் மீண்டும் மீண்டும் சொல்லப்பட்டிருக்கிறது 

70 வருடம் வாழ்கிற ஒவ்வொரு மனிதன் வாழ்விலும் வீழ்வது நடந்து கொண்டே தான் இருக்கும். போதாக்குறைக்கு குடி, கேம்பளிங், பெண் பழக்கம் என மனிதன் கேட்டு போக எத்தனையோ வழிகள் இருக்கிறது. இதில் ஒன்றில் வீழ்ந்த  ஒருவன் மீண்டு வருவதையே இரண்டாம் பகுதி காட்டுகிறது   

இப்படம் ஒரு 3 மணி நேர அனுபவம். 3 மணி நேரம் முதலில் உங்களை முழுதும் free ஆக்கி கொண்டு  அப்புறம் பாருங்கள். 

நெகட்டிவ் 

 அதிகம் இல்லை. இருந்தாலும் பசுபதி பாத்திரம் - ஆர்யாவின் இறங்கு முகத்தில் முழுதும் ஒதுங்கி இருந்து விட்டு இறுதியில் வந்து இணைவது அந்த பாத்திரத்தை சறுக்க வைத்து விடுகிறது. 

வெற்றி பெறும் ஆர்யா " நான் ரங்கன் வாத்தியார் சிஷ்யன்டா" என கூவுகிறார். உண்மையில் அம்முறை அவர் வெல்ல பீடி வாத்தியார் தான் காரணம் - ஏன் அவர் பெயர் அமுங்கி போகிறது !

சண்டை காட்சிகள் அருமை என்றாலும் சில நேரங்களில் அடி மேலே பட வில்லை என்பது நன்றாக தெரிகிறது 

இறுதி காட்சியில் ஏறக்குறைய அனைவருமே நல்லவர்கள் ஆனது போல்;காட்டுவது ஏன் என்றும் விளங்க வில்லை 

மொத்தத்தில் - கடந்த 2 வருடங்களில் வந்த தமிழ் படங்களில் - குறிப்பாக OTT ரிலீஸில் சூரரை போற்றுக்கு அடுத்த சிறந்த படம் - சர்பேட்டா !

சர்பேட்டா  - அவசியம் காணுங்கள் !

Related Posts Plugin for WordPress, Blogger...