தொல்லை காட்சி- சூப்பர் குடும்பம்-கல்யாண மாலை-பாலுமஹேந்திரா கதை நேரம்

சூப்பர் குடும்பம்

கங்கை அமரன்- மீனா-சுகன்யா நடுவர்களாக பங்கு பெரும் சூப்பர் குடும்பம் என்கிற நிகழ்ச்சி ஒரு சில நாள் தப்பி தவறி பார்த்து தொலைச்சுட்டேன். சீரியலில் வரும் நடிகர்களை வெவ்வேறு டீமில் போட்டு சூப்பர் சிங்கர் 20-20 மாதிரி எதோ கேம் ஷோ நடத்துறாங்க. இப்படி டீம் பிரிச்சவங்க- ஒண்ணு பாடுறாங்க; அல்லது டான்ஸ் / மிமிக்ரி செய்றாங்க. மிக சுமாரான தரத்தில் உள்ள இந்த நிகழ்ச்சியை சண் டிவி எப்படி தொடர்ந்து அனுமதிக்கிறாங்கன்னு தெரியலை.

நான் பார்த்த நிகழ்ச்சியில் கங்கை அமரன் கம்மியா மார்க் தர்றார்; Biased ஆக நடந்துக்குறார் என சொல்லி சண்டை வேற நடந்துச்சு (நிஜமா? செட் அப்பா?)

டிவியில் வக்கீலுக்கு விளம்பரம் !

பொதுவாய் வக்கீல், ஆடிட்டர் இவர்கள் பத்திரிக்கை, டிவியில் விளம்பரம் செய்வதில்லை. இவர்கள் தங்கள் சேவையை விளம்பரபடுத்த கூடாது என சட்டமே ரொம்ப நாள் இருந்தது. இப்போது அது சற்று தளர்த்த பட்டுள்ளதாக அறிகிறேன்.

பல டிவியில் ஒரு வக்கீல் விளம்பரம் வருகிறது. கலாமோகன் என்ற வக்கீல் தனது நிறுவனம் பற்றி அடிக்கடி விளம்பரம் செய்கிறார். ரொம்ப ஆச்சரியமாய் இருந்தது இதை பார்க்க. நான் தான் ஆச்சரியப்பட்டேன் என்றால் இதே போல் பார்த்த நண்பர்கள் சிலரும் " என்னங்க இது.. வக்கீல் விளம்பரம் எல்லாம் டிவியில் வருது !" என போன் பண்ணி ஆச்சரியபடுகின்றனர் !

நல்ல நிகழ்ச்சி அறிமுகம் : "சின்ன சின்ன ஆசை "

"சின்ன சின்ன ஆசை " மக்கள் டிவியில் ஞாயிறு காலை 10.30 முதல் 11 வரை வருகிற நல்ல நிகழ்ச்சி. வாழ்க்கையில் மிக நொந்து போனவர்களை கண்டுபிடித்து (சிலர் தற்கொலை வரை சென்றவர்கள்) அவர்களது சின்ன சின்ன ஆசைகளை நிறைவேற்றுகிறது !

சூப்பர் சிங்கர் 20-20

இந்த வாரம் அய்யாசாமி மிக மகிழ்ச்சியாய் சூப்பர் சிங்கர் 20-20 பார்த்தார். காரணம் அவருக்கு பிடித்த ராகினிஸ்ரீ மற்றும் எஸ். மதுமிதா இருவரும் இந்த வாரம் இணைந்து சில பாடல்கள் பாடினர். இருவரும் ஒரே டீம் என்பது அவருக்கு கூடுதல் குஷி.

ரஜினி மற்றும் கமல் பிறந்த நாளை இந்த வாரம் சூப்பர் சிங்கரில் கொண்டாடி மகிழ்ந்தனர். கமல்- ரஜினி இருவர் பாடல்களையும் பாடும்போது, இருவர் வெற்றிக்குமே இளையராஜா எவ்வளவு உதவியிருக்கிறார் என்பது தெரிகிறது !

நிற்க. மா. கா. பா. ஆனந்த் மீசையை மழித்து கொண்டு கொடுமையாய் வந்து போகிறார் (ஸ்டைலாமாம் !) இன்னொரு தொகுப்பாளர் திவ்யதர்ஷினிக்கு என்னா மாதிரி வாய் ! செம பேச்சு ! செம வாலுத்தனம் !

கல்யாண மாலை

சன் டிவி பல வருடங்களாக ஒளிபரப்பாகி வரும் நிகழ்ச்சி கல்யாண மாலை. ஞாயிறு காலை வரும் இந்நிகழ்ச்சியில் பெற்றோர் அல்லது உறவினர் தங்கள் குடும்ப வரனுக்கு பெண்/ மாப்பிள்ளை தேவை என பேசுவார்கள். இந்த வாரம் ஒரு தாய்- தந்தை இருவரும் லேசாக அழுது கொண்டே தங்கள் எதிரில் அமர்ந்துள்ள மகனுக்கு வரன் வேண்டும் என பேசினர். பையன் காது கேட்காத -வாய் பேச முடியாத ஒருவர்- அதான் அவர்களுக்கு அவ்வளவு எமோஷன் போலும் !

வருகிற பலரும் நிகழ்ச்சி நடத்தும் மோகனை காட்டி உங்களை போல மாப்பிள்ளை இருந்தால் போதும் என்கின்றனர் (கல்யாண மாலை மோகனுக்கு வயது 60 !!)

பிளாஷ்பேக்: பாலுமகேந்திராவின் கதை நேரம்

இயக்குனர் பாலுமகேந்திரா இயக்கிய கதை நேரம் ஒரு சிறுகதை எப்படி படமாக்கப்பட் வேண்டும் என்பதற்கு மிக சிறந்த எடுத்துகாட்டாய் இருந்தது. தமிழின் மிக சிறந்த சிறுகதைகளை இதில் பார்க்க முடிந்தது. ஜெயகாந்தன், சுஜாதா, இந்திரா பார்த்த சாரதி உள்ளிட்டோரின் பல நல்ல கதைகள் குறும் படங்களாய் விரிந்தன. முதலில் சன் டிவியில் வந்த போதும் பின் மக்கள் தொலை காட்சியில் வந்த போதும் விடாமல் பார்த்த நிகழ்ச்சி இது. இப்போது DVD வடிவிலும் கிடைக்கிறது. பார்க்க தவறியவர்கள் அவசியம் DVD வாங்கி பார்த்து இன்புறலாம் !

********
வல்லமை இணைய இதழுக்காக எழுதப்பட்டது
********

புதுப்பட விமர்சனங்கள்:

கும்கி விமர்சனம்

நீதானே என் பொன் வசந்தம் - விமர்சனம்

தொல்லைகாட்சி- நீர்பறவை-AR ரகுமான் -விஜய் விளம்பரம்

நீர்ப்பறவை சிறப்பு நிகழ்ச்சி

பலரும் மிக எதிர்பார்ப்போடு இருக்கும் படம் : நீர்ப்பறவை. சமீப  காலத்தில் பெரிதும் கவர்வது இப்பட பாடல்கள் தான் !

கலைஞர் டிவியில்  இப்படத்து பாடல்களை, பாடியவர்களே வந்து பாடிக்காட்ட, பட காட்சிகளையும் சற்று காண்பித்தனர். கடலோர கவிதைகள் போல கடலை ஒட்டி நடக்கும் ஒரு காதல் கதையாகவே தோன்றுகிறது. ரவுடி ஹீரோவை திருத்தும் பெண் - அவள் மீதான காதல் என கடலோர கவிதைகள் பார்ட் டூ தான் போலும் ! கூடவே தந்தை - மகன் பாசமும், மீனவர் பிரச்னையும் தொட்டு செல்ல கூடும். ஹீரோயின் சுனைனா செம அழகு. "மீனுக்கு சிறு மீனுக்கு"  பாடல் திரையாக்கம் செய்த விதம் லட்சக்கணக்கான சுனைனா ரசிகர்களை மகிழ்ச்சிப்படுத்தும் என தெரிகிறது. ஐ யாம் வெயிட்டிங் :)

ரகுநந்தன் இசையில், "பரபர பறவை" என்கிற அட்டகாசமான பாடலை பாடிய இசை அமைப்பாளர் ஜி. வி.பிரகாஷ் குமார் " எல்லா மெட்டையும் கேட்டு விட்டு, இது தான் நிச்சயம் பெரிய ஹிட் ஆகும் என செலக்ட் செய்து பாடினேன் " என்றார் சிரித்தவாறே.

விஜய் நடிக்கும் விளம்பரம்

ஒரு நகைக்கடை விளம்பரத்தில் விஜய் நடிக்கிறார். முதல்முறை பார்த்த போது ரசித்தாலும், அடுத்தடுத்து பார்க்கையில் பல லாஜிக் மிஸ்டேக்ஸ் தான் கண்ணுக்கு தெரிகிறது.

விஜய் பெயர் வைக்கும் குழந்தை ஏற்கனவே காது குத்தப்பட்ட, நன்கு வளர்ந்த பெண்ணாக இருக்கிறாள். காது குத்திய குழந்தைக்கு இவ்ளோ நாள் பெயர் வைக்காமலா இருப்பார்கள் ?

பொது இடத்துக்கு என்னிக்கு விஜய் இப்படி கோட் போட்டுக்கிட்டு வந்தார் ?

இரண்டு பக்கமும் மக்கள் கூடி நின்று வாழ்த்த விஜய் ..எம் ஜி ஆரா என்ன !

ரைட்டு விடுங்க !

A.R. ரகுமான் சிறப்பு நிகழ்ச்சி

தீபாவளியன்று ஜெயா டிவி A.R. ரகுமான் பேட்டியை ஒளிபரப்பியது. பேட்டி எடுத்தது சின்மயி என்றாலும் பல முக்கிய கேள்விகளை நித்யஸ்ரீ உள்ளிட்டோர் ஏற்கனவே கேட்டு அதை வீடியோவில் போட்டு காட்டினர். பலர் " தெய்வமே நீங்க எங்கேயோ போயிட்டீங்க " ரேஞ்சுக்கு பேசினாலும் நித்யஸ்ரீ கேட்ட கேள்வி நியாயமாய் இருந்தது " முன்பெல்லாம் கர்நாடக சங்கீத பாடல்கள் அடிப்படையில் பாட்டு வைப்பீர்களே இப்போது செய்வதே இல்லையே; பத்து படத்துக்கு ஒரு முறையாவது அத்தகைய பாடல்கள் வைக்க கூடாதா" என்றார் நித்யஸ்ரீ. ரகுமான் பதில் சொல்லும்போது, கடந்த பத்து வருடத்தில் மக்கள் என்ன மாதிரி பாடல் எதிர்பார்க்கிறார்கள் என்பது மிக மாறி விட்டதாகவும், இத்தகைய பாடல்களை இயக்குனர்கள் அதிகம் ஆதரிப்பதில்லை என்றும் சொன்னார். பேட்டி முழுதும் ரகுமானின் humility மிளிர்ந்தது.

நல்ல நிகழ்ச்சி - திருக்குறள் கதைகள்

சித்திரம் டிவியில் வருகிறது திருக்குறள் கதைகள் . ஒரு திருக்குறள் அடிப்படையில் கார்ட்டூன் பாத்திரங்களை வைத்து,  ஒவ்வொரு கதையும் செய்துள்ளனர். ரொம்ப நல்ல கான்செப்ட் ! சிறுவர்கள் மட்டுமல்ல பெரியவர்களும் கூட விரும்புகிற விதத்தில் உள்ளது நிகழ்ச்சி. வாய்ப்பு கிடைத்தால் பாருங்கள் !

சிவகுமாரின் நேருக்கு நேர்

தீபாவளி காலையிலேயே விஜய் டிவியில் சிவகுமாரின் நேருக்கு நேர் நிகழ்ச்சி - வெடி சத்தத்திற்கிடையே அவ்வப்போது பார்த்தோம்.

பல்வேறு தமிழக தலைவர்கள் பற்றி நெகிழ்ச்சியோடு பேசினார். கடவுள் நம்பிக்கை பற்றி சொல்லும்போது " நீங்கள் பயணம் செய்யும் ரயிலில் தீப்பற்றி விடுகிறது. பிழைப்போமா இல்லையா எனும் நிலையில் கூட கடவுள் நினைவு வராமல் போகுமா? உங்கள் குழந்தைக்கு மிக பெரிய வியாதி எனில் பிரார்த்தனை செய்யாமல் இருப்பீர்களா? அத்தகைய மனிதன் இருந்தால் காட்டுங்கள்; அவன் காலில் விழுந்து நான் வணங்குகிறேன் " என்றார் சிவகுமார்  ! (எனக்கென்னவோ அத்தகைய நாத்திகர்களும் இருப்பர் என்றே தோன்றியது)

தீபாவளி சிறப்பு படங்கள்

சன் டிவி போக்கிரி மற்றும் காளை என போட்ட படங்களே தீபாவளிக்கு போட்டு வெறுக்கடித்தது. அதிலும் காளை படத்தை ஒரு நிமிஷம் கூட பார்க்க முடியாது ! எப்படி தான்  தீபாவளியன்று  போட தீர்மானித்தனரோ?

இரவு சன்னில் போட்ட மங்காத்தா மற்றும் விஜய்யில் போட்ட நண்பனுக்கும் தான் நேரடி போட்டி. நண்பன் விளம்பரம் போட்டு நாலு மணி நேரத்துக்கும் மேல் படத்தை ஓட்டினர். விஜய் டிவி என்பதால் இனி அடிக்கடி நண்பன் படம் டிவியில் ஓடுவதை பார்க்கலாம்

உண்மையில் இந்த நாளில் பொதிகை தொலைக்காட்சி அதிக விளம்பரங்கள் இன்றி சில நல்ல நிகழ்சிகள் ஒளிபரப்பியது. ஆனால் எத்தனை பேர் அந்த டிவி பக்கம் சென்றோம் என்பது கேள்விக்குறியே !

****

வல்லமை இணைய இதழுக்காக எழுதப்பட்டது
****
அண்மைய பதிவு: துப்பாக்கி -சரவெடி -விமர்சனம் : இங்கு வாசிக்கலாம் 

தொல்லை காட்சி :வாகை சூடவா-சமையல் ஜேக்கப் - குட்டி சுட்டீஸ்

டிவி யில் பார்த்த படம் - வாகை சூடவா

வாகை சூடவா - சன் டிவியில் மறுபடி பார்க்கும் வாய்ப்பு கிடைத்தது. இம்முறை மிக வியந்த விஷயம் ஹீரோயின் நடிப்பு தான் ! தமிழில் இனியாவுக்கு முதல் படம் என்றால் நம்பவே முடியாது. என்ன ஒரு எக்ஸ்பிரஷன். உடல் மொழி..மிக அட்டகாசமான நடிப்பு.

இயக்குனர் சற்குணம் மனதை தைக்கும் விதத்தில் படத்தை எடுத்திருந்தார். எங்கள் தஞ்சை மண்ணில் பிறந்த இவர் தரமான படங்களை மட்டுமே வழங்கி வருவது  மகிழ்ச்சி தருகிறது.

பிளாஷ்பேக் : செல்லமே செல்லம்

முன்பு டிவிக்களில் வந்து பலரும் ரசித்த சில நிகழ்சிகளை இந்த வரிசையில் பார்ப்போம்.

ஜெயா டிவியில் உமா பத்மநாபன் தொகுத்து வழங்கிய நிகழ்ச்சி செல்லமே செல்லம். அம்மா மற்றும் குழந்தை பங்கு பெரும் இதில் குழந்தைக்கு எளிதான கேள்விகள் தான் கேட்பார்கள். அதற்கு குழந்தையும் அம்மாவும் பெரும்பாலும் மாற்றி தான் பதில் சொல்வார்கள். பார்க்க காமெடியாய் இருக்கும். அழகான சின்ன சின்ன குழந்தைகளை பார்க்கும் ஆவலிலேயே விடாமல் பார்ப்போம். துவக்கத்தில் வரும் "செல்லமே செல்லம்" என்கிற பாட்டு பல ஆண்டுகள் ஆகியும் இன்னும் நினைவில் இருக்கு ! இது போன்ற குழந்தைகள் நிகழ்ச்சி இப்போது ஏதும் வருதா என தெரிய வில்லை.

வருத்தமான செய்தி
                                                         

சண் டிவியில் சிறு குழந்தைகளுக்கு சமையல் சொல்லி தரும் நிகழ்ச்சி நடத்தி வந்த பிரபல சமையல் கலை நிபுணர் திரு ஜேக்கப் மாரடைப்பால் நேற்று மரணமடைந்தார்.38 வயதே நிரம்பிய இவரது மரணம் வருத்தமும் அதிர்ச்சியும் தருகிறது. கின்னஸ் சாதனையாளரான இவர் பேச்சிலர் ஆகவே இருந்துள்ளார். ஜேக்கப் அவர்களது ஆன்மா சாந்தியடையவும், அவரது குடும்பத்துக்கு தைரியம் தரவும் இறைவனை வேண்டுகிறேன்

வெறுப்பேற்றும் விளம்பரம்

கோல்ட்வின்னருக்கு ஒரு மொக்கை விளம்பரம் வருகிறது. பார்த்தாலே பற்றி கொண்டு வருகிறது. ரம்யா என்று ஓர் தொகுப்பாளினி இருக்கிறாரே அவர் " இந்த தீபாவளி...." என்று சொல்லி விட்டு வேகமாய் எதோ பிதற்றுகிறார். பின் இது தான் சொன்னேன் என்று ஒரு விளக்கம் வேறு. கொடுமையான விளம்பரத்துக்கு போட்டி வைத்தால் இந்த விளம்பரம் டப் பைட் கொடுக்கும் . மாத்தி யோசிங்க சாரே !

சூப்பர் சிங்கர் புலோப்பர்ஸ்

சென்ற சூப்பர் சிங்கர் சீசன் முடிந்ததும் சிவ கார்த்திகேயன் அடித்த காமெடிகளும், அவரின் புலோப்பர்ஸ்சும் தனியாக ஓரிரு நாள் போட்டார்கள். பலரும் விழுந்து விழுந்து சிரிக்க வைத்த நிகழ்ச்சியாக அது இருந்தது. பின் யூ டியூபிலும் ஆயிரகணக்கானோர் பார்த்து மகிழ்ந்தனர். ஆனால் இப்போது முடிந்த சூப்பர் சிங்கர் புலோப்பர்ஸ் இந்த வாரம் போட்டார்கள். மரண மொக்கை ! அஞ்சு நிமிஷம் கூட பார்க்க முடியாமல் சானல் மாற்றி விட்டோம். சிவ கார்த்திகேயன் சினிமாவுக்கு போனது தமிழ் காம்பியரிங் உலகில் ஒரு வெற்றிடத்தை ஏற்படுத்தி விட்டது என்று தான் சொல்லணும் !

சுவாரஸ்ய புது நிகழ்ச்சி : குட்டி சுட்டீஸ் 

சொல்லுங்கண்ணே சொல்லுங்க இமான் சண் டிவி யில் தொகுத்து வழங்கும் புது நிகழ்ச்சி "குட்டி சுட்டீஸ் ". நான்கு குட்டி குழந்தைகளை வைத்து கொண்டு அவர்களிடம் சில கேள்விகள் கேட்டு தன் ட்ரேட்மார்க் கமன்ட் வழங்குகிறார் இமான். சொல்லுங்கண்ணே நிகழ்ச்சி போல பொது அறிவு கேள்வியாய் இல்லாமல் குழந்தைகளிடம் பிடித்த சாப்பாடு, சிறந்த நண்பன், அம்மா-அப்பா பற்றி என ஜாலியாய் போகிறது கேள்விகள். கோட் சூட்-டுடன் இமானை பார்க்கவே ஜாலியா இருக்கு. உங்கள் வீட்டில் குட்டி பசங்க இருந்தால் அவர்களும் நிகழ்ச்சியில் கலந்துக்கலாம் என தொடர்பு கொள்ள ஒரு நம்பரும் தர்றாங்க. ஜாலி ஆன நிகழ்ச்சி. ஞாயிறு மாலை ஐந்தரை மணிக்கு வருகிறது முடிந்தால் பாருங்கள் !

ரசித்த முகநூல் செய்தி

ஓராண்டு ஆட்சியில் நூறாண்டு சாதனை புரிந்த அம்மாவின் ஜெயா டிவியில் "நீங்களும் செல்லலாம் தெருக்கோடி" என்ற விளம்பரம் அடிக்கடி வருகிறது !

மாணவன் ஆசிரியரை கத்தியால் குத்திய சம்பவம்

தினம் ஏன் தாமதமாய் வருகிறாய் என ஆசிரியர் கேட்டதால், அவரை பதிமூன்று வயது மாணவன் பின்னாலிருந்து கத்தியால் குத்திய சம்பவம் இந்த வாரம் நடந்தது. இது பற்றி அந்த ஏரியாவின் கல்வி அதிகாரி பேசியதை நியூஸ்களில் காட்டினார்கள்

" சின்ன கத்தி தான் அது. ஒண்ணும் பிரச்சனை இல்லை. லேசா தான் குத்தினான். பெருசா பாதிப்பில்லை. ஆசிரியரை ஆஸ்பத்திரியில் சேத்துருக்கோம். அவரு நார்மலா நல்லாருக்கார். பையனை போலீசில் வச்சு விசாரிச்சிக்கிட்டு இருக்கோம். எல்லாம் கண்ட்ரோல்லே இருக்கு. எல்லாத்தையும் சரி பாத்துட்டோம் . ஒண்ணும் ப்ராப்ளம் இல்லை"

வரிக்கு வரி ப்ராப்ளம் இல்லை; சரி பண்ணியாச்சு; கண்ட்ரோலில் இருக்கு என அவர் பேசியது, சீரியஸ் விஷயத்தை காமெடி ஆக்கிடுச்சு. எல்லாம் சொன்ன அவர், " என்னைய வேலைய விட்டு மட்டும் தூக்கிடாதீங்க" என்ற கவுண்டர் டயலாக் மட்டும் சொல்லவே இல்லை :)

காலேஜ் காமெடி போஸ்டர்கள் +சட்ட ஆலோசனை

முதலில் சில ஜாலியான புகைப்படங்கள் பார்த்து என்ஜாய் செய்யுங்க. அப்புறமா சட்ட கேள்வி பதில் காத்திருக்கு.

நிற்க. இப்படி காமெடி படங்களுடன் சட்ட ஆலோசனை தருவதால் சொல்ல வேண்டிய செய்தி சற்று டைல்யூட் ஆகி விடுவதாக ஒரு கருத்து நிலவுவதால் இத்துடன் சட்ட ஆலோசனையில் காமெடி படங்களுக்கு டாட்டா பை பை.

இனி  சட்ட ஆலோசனை இரு கேள்வி-பதில்களாக , இத்தகைய படங்கள் இன்றி வெளிவரும். 

சட்ட ஆலோசனை

கேள்வி: ரவிச்சந்திரன் சென்னை

வணக்கம். எனது தந்தையின் தந்தை (தாத்தா)வின் பெயரில் ஒரு வீடு உள்ளது. அதில் எனது அண்ணன் தற்காலிகமாக குடிஇருந்தார். அப்போது அவர் வீட்டு வரி கட்டினார். அதில் வரி கட்டியவர் என அவர் பெயர் போட்டு, பின்பு அவர் பெயர் மட்டும் வருவது போல் செய்து இருக்கிறார். தற்போது அந்த வீட்டை தனக்கே உரிமை என்றும் அவருக்கே தர வேண்டும் அனைவரையும் கட்டாயப்படுத்துகிறார்.

நாங்கள் நான்கு சகோதரர்கள். என்ன செய்வது?

பதில்:

உங்கள் தாத்தா சொத்தில் உங்கள் அண்ணன் இருந்து கொண்டு அவர் பெயரில் வரி கட்டுவதாக கூறி உள்ளீர்கள். உங்கள் தந்தை பற்றி ஏதும் சொல்லவில்லை. உங்கள் தாத்தா உயில் ஏதும் எழுதி வைக்கவில்லை என கருதுகிறேன்.

மற்ற சகோதரர்கள் அனைவரும் சேர்ந்து சொத்தை பாகப்பிரிவினை செய்து தரச் சொல்லி அவர் மேல் வழக்கு தொடர்வது தான் இதற்கு சிறந்த வழி. இப்படி வழக்கு தொடர்ந்தாலே அவர் இறங்கி வர வாய்ப்புண்டு.

வழக்கு நடக்கும் போது அவர், தான் தான் வரி கட்டுவதாகக் கூறினால். அவர் தான் மூத்த மகன் எனில் வரி அவர் பெயரில் கட்ட நீங்கள் தற்காலிக அனுமதி தந்ததாகக் கூறலாம்.

நீங்கள் அவசியம் உங்களுக்கு தெரிந்த நல்ல வழக்கறிஞரை நாடி உடனே வழக்கு தொடர ஏற்பாடு செய்யுங்கள்.

*******

சட்ட ஆலோசனை வல்லமை  அக்டோபர் 12,2012 இதழில் வெளியானது  

பரபரப்பான காந்தி கொலை வழக்கு - ஒரு பார்வை

என்.சொக்கன் எழுதிய மகாத்மா காந்தி கொலை வழக்கு என்கிற புத்தகம் கிழக்கு பதிப்பகம் வெளியிட்டுள்ளது.

பொதுவாய் எல்லோரும் மகாத்மா வாழ்க்கையை தான் அறிவோம். அவரை கொன்றது கோட்சே என்று அறிந்தாலும், கோட்சே உடன் இன்னொருவரும் தூக்கில் இடப்பட்டார் என்பதும் அவர் பெயர் என்ன என்பதும் நம்மில் எத்தனை பேருக்கு தெரியும்?

வரலாற்றின் கருப்பு பக்கங்களை சொல்லும் இந்த புத்தகத்திலிருந்து சில தகவல்கள் :

* ஜனவரி 30, 1948 - அன்று காந்தி கொல்லப்படுவதற்கு இருபது நாளுக்கு முன்பே கோட்சே உள்ளிட்ட குழு காந்தியை அதே இடத்தில் கொல்ல முயன்றுள்ளது. கையெறி குண்டுகளை வீசி விட்டு தப்பி ஓடும் போது மதன்லால் என்கிற நபர் மட்டும் மாட்டிக்கொள்ள மற்றவர்கள் தப்பி விட்டனர். போலிஸ் மதன்லாலிடம் விசாரித்த போது அவர் நான்கைந்து பேர் சேர்ந்து காந்தியை கொல்ல திட்டம் தீட்டியதை சொல்லி விட்டார். ஆனால் டில்லி போலிஸ் மற்றும் மும்பை போலிஸ் மிக தீவிரமாக இயங்கி குற்றவாளிகளை அடுத்த பத்து நாளைக்குள் பிடிக்க தவறி விட்டது.

* காந்தி உயிருக்கு ஆபத்து என்று அறிந்து அவருக்கு பாதுகாப்பு தரவேண்டும் என்று போலிஸ் சொன்னதை காந்தி ஏற்கவில்லை. சரியான பாது காப்பு இருந்தால் காந்தி கொல்லப்பட்டிருக்க மாட்டார் என்றும் இதனால் காந்தியை கொன்றது காந்தியே தான் என்று ஒரு கருத்தும் உண்டு; இதே பெயரில் (காந்தியை கொன்றது காந்தியே தான்) ஒரு புத்தகமும் வெளிவந்துள்ளது !

* பாகிஸ்தான் பிரிந்த போது அவர்களுக்கு நம்மிடம் இருக்கும் பணத்தில் 75 கோடி தருவதாக ஒப்பு கொள்கிறார்கள் . அதன் படி முதலில் 20 கோடி தந்தாலும், மீதம் 55 கோடி இந்தியா தரவில்லை. காரணம் அதற்குள் காஷ்மீர் ஆக்கிரமிப்பு பிரச்சனை வந்து விட்டது. ஆனால் இது தெரிந்து காந்தி கோபிக்க, பின் இந்திய அரசு அந்த பணத்தை பாகிஸ்தானுக்கு தந்து விட்டது. ஏற்கனவே காந்தி முஸ்லீம்களுக்கு ஆதரவாக உள்ளார் என்று எண்ணியிருந்த கோட்சே குழுவுக்கு இது பெரும் கோபத்தை தந்து விட்டது

* கோட்சே முதலில் காந்தியின் கொள்கைகளை விரும்பிய மனிதனாக இருந்தார் என்று அறிய ஆச்சரியமாக உள்ளது. பின் ஹிந்து கொள்கையில் மிகுந்த ஈடுபாடு கொண்டு சாவர்கர் என்கிற நபரின் follower ஆகிவிட்டார் கோட்சே.

* நாராயண ஆப்தே மற்றும் விஷ்ணு கார்கரே ஆகிய இருவரும் கோட்சே காந்தியை சுட்ட போது அவர் உடன் இருந்த நபர்கள். இதில் நாராயண ஆப்தேக்கு தூக்கு கிடைத்தது. கார்கரே உள்ளிட்ட பலருக்கு ஆயுள் தண்டனை கிடைத்தது

* சுதந்திரத்துக்கு முன்பும் ஒரு முறை கோட்சே காந்தியை கத்தியால் குத்தி கொல்ல முயன்றுள்ளார். கூட்டத்தில் இது நிகழ, பலரும் சேர்ந்து காப்பாற்றி விட்டனர். காந்தி அப்போது " அந்த மனிதரை எதுவும் செய்யாதீர்கள். விட்டு விடுங்கள். அவரை என்னுடன் எட்டு நாட்கள் வந்து தங்க சொல்லுங்கள். அவரது கருத்தை நான் அறிய விரும்புகிறேன்" என்றார். கோட்சே அவருடன் தங்குவதை (அப்போதும் கொல்ல முயற்சிப்பார் என்பதால்) மக்கள் யாரும் விரும்ப வில்லை.

* காந்தியை கொல்ல வாங்கிய துப்பாக்கி பற்றி பெரிய கதையே விரிகிறது. முதலில் ஒரு துப்பாக்கி வாங்கி அது திருப்தி இன்றி அப்புறம் இத்தாலிய துப்பாக்கி ஐநூறு ரூபாய்க்கு வாங்கி, அதை வைத்து தான் காந்தியை சுட்டுள்ளனர்.

* காந்தியை கொல்ல ஒரு நாளுக்கு முன் கோட்சே தன்னுடன் இருக்கும் கார்கரே மற்றும் ஆப்தேக்கு ஒரு கடிதம் எழுதி அவர்கள் ஊரான மகாராஷ்டிராவுக்கு அனுப்புகிறார். காரணம் அவர்கள் தன்னுடன் இல்லை; ஊரில் இருந்தார்கள் என்று நிரூபிக்க ! வழக்கு நடக்கும் போதும் " நான் தான் கொன்றேன்; அவர்கள் உடன் இல்லை" என கோட்சே வாதிட்டாலும், போலிஸ் ஆதாரத்துடன் அவர்களும் உடன் இருந்தததை நிரூபிக்கிறது.
* காந்தியை கொல்ல போகும் முன் முதலில் பர்தா அணிந்து போகலாம் என புது பர்தா வாங்கி முயன்றுள்ளனர். பின் அது சரியாக இல்லை என கோட்சே கூறி ராணுவ வீரன் போன்ற உடை அணிந்து சென்றுள்ளனர். கொல்லும் முன் கோட்சே உப்பு கடலை சாப்பிட ஆசைப்பட, பல இடத்தில் கிடைக்காமல் கடைசியாய் அவருக்கு உப்பு கடலை வாங்கி தந்துள்ளனர் அவருடன் இருந்தவர்கள்.

* குறிப்பிட்ட தினத்தன்று காந்தி பிரார்த்தனை கூட்டத்துக்கு வரும் போது கோட்சே சுட வேண்டும் என்று காத்திருக்க, காந்தி உள்துறை அமைச்சர் பட்டேலுடன் தீவிர ஆலோசனையில் இருந்துள்ளார். பட்டேலுக்கும், பிரதமர் நேருவுக்கும் அப்போது ஏதோ கருத்து வேறுபாடு. அது பற்றி காந்தியிடம் பேசியுள்ளார் பட்டேல். பட்டேலுடன் பேசியதில் பிரார்த்தனை கூட்டத்துக்கு நேரமாகி விட்டது என்று அவசரமாக குறுக்கு வழியில் காந்தி சென்றுள்ளார். காந்தியை மேடையில் வைத்து தான் சுட கோட்சே எண்ணியுள்ளார். ஆனால் காந்தி வழக்கமாய் செல்லும் வழியை விடுத்து, கோட்சே நின்ற இடம் வழியே செல்ல, அங்கேயே அவரை சுட்டார் கோட்சே. மூன்று குண்டுகள் மகாத்மா மார்பை துளைக்க அங்கேயே இறந்து விட்டார். சுட்ட கோட்சே கைகளை தூக்கியவாறு, " போலிஸ்" போலிஸ்" என்று கத்தியுள்ளார். மக்கள் வந்து அடித்து விடுவார்களே என்று தான் அவர் போலிசை அழைத்துள்ளார்.

* காந்தி இறந்த அன்று ரேடியோவில் காந்தியை ஒரு இந்து சுட்டு கொன்றார் என்று திரும்ப திரும்ப அறிவித்துள்ளனர். அந்த நேரம் இந்து- முஸ்லீம் பிரச்சனை பற்றி எரிந்து கொண்டிருக்க, காந்தியை ஒரு முஸ்லீம் கொன்றார் என்று மக்கள் நினைத்தால் பிரச்சனை பெரிதாகுமே என்று தான் இப்படி அறிவித்துள்ளனர்.

* இந்த வழக்கு 1948 மே மாதம் துவங்கி தொடர்ந்து நடந்து, 7 மாதங்களில் (1948 டிசம்பர் 30-ல்) முதல் தீர்ப்பு வருகிறது. இதற்கு மேல்முறையீடு செய்யப்பட்டு அது சிம்லாவில் நடக்கிறது. அங்கு பிப்ரவரி 10, 1949-ல் தீர்ப்பு வெளிவருகிறது. கோட்சே மற்றும் ஆப்தே நவம்பர் 15, 1949ல் தூக்கில் போடப்படுகின்றனர். அவர்களை தூக்கில் போடுவதை காந்தி குடும்பத்தினரே எதிர்த்தனர்.

* காந்தியை கொன்ற காரணம் என கோட்சே கோர்ட்டில் ஐந்து மணி நேரம் பேசியது "May it please your honour " என்று புத்தகமாக வெளிவந்துள்ளது. கோர்ட்டில் அன்று கோட்சே பேச்சை கேட்டவர்கள் கண்ணீர் விட்டு அழுததாகவும், கோட்சேயை விடுதலை செய்ய வேண்டும் என்று பலரும் கூறுமளவு கோட்சே பேச்சு இருந்ததாகவும் நீதிபதியே தீர்ப்பில் கூறுகிறார்.

****
சில பகுதிகளை தேவைக்கதிகமாக நீட்டி கொண்டே செல்வது, பல்வேறு மனிதர்களின் பெயர்கள் அவர்கள் பற்றிய தகவல்கள் நமக்கு குழப்புவது .... இப்படி சிற்சில குறைகள் இருந்தாலும் வரலாற்றின் மேல் ஆர்வம் உள்ளவர்கள் அவசியம் வாசிக்க வேண்டிய நூல் இது !
****

வல்லமை இணைய இதழின் சுதந்திர தின சிறப்பிதழில் வெளியான கட்டுரை

விஜயகாந்த் கலக்கல் காமெடி போஸ்டர் + சட்ட ஆலோசனை

சட்ட ஆலோசனையுடன் இந்த முறை கேப்டன் ஸ்பெஷல். முதலில் சற்று சிரிப்போம் அப்புறம் சட்டம் பற்றி சிந்திப்போம் ! படங்கள் அனைத்தும் Facebook-ல் வெவ்வேறு நண்பர்கள் பகிர்ந்தது.

**********
சட்ட ஆலோசனை

கேள்வி: பெயர் வெளியிட விரும்பாத பெண்மணி 

எனது கணவர் மிக பயங்கரக் குடிகாரர். அவர் சம்பாதிப்பது போக அவர் இப்படிச் செலவு செய்ய அவருக்கு யார் கடன் தருகிறார்கள் என்று தெரியவில்லை. இப்போதே பல முகம் தெரியாதவர்கள், நான் ஆயிரம் தந்தேன் அறுநூறு தந்தேன் என்கிறார்கள். இப்போது எனக்குத் தெரிய வேண்டியது ஒன்றேதான்…

To whomsoever it may concern என்று பேப்பரில் விளம்பரம் அல்லது அறிவிப்பு தருவார்களே, அது போல செய்தித் தாள்களில் இது போல, இன்னார் என் கணவரே ஆயினும் இவர் வாங்கும் கடன்களுக்கு நான் அல்லது நாங்கள் பொறுப்பாளி அல்ல என்று தர முடியுமா…. பயனிருக்குமா….?

தற்சமயம் அவர் உயிருடன்தான் இருக்கிறார் என்றாலும் இப்போதும் அவர் காலத்துக்குப் பின்னும் கடன் தீர்க்கும் பிரச்னை இல்லாமல் இருக்கும் வழி உண்டா?

பதில்:  

உங்கள் பிரச்சனை சிக்கலானது தான்.

நீங்கள் குறிப்பிட்டது போல “என் கணவர் வாங்கும் கடன்களுக்கு நான் பொறுப்பேற்க முடியாது” என பேப்பரில் குடுப்பது சரியான தீர்வு அல்ல . ஒருவர் மரணம் அடைந்த பின் அவரது சொத்துக்கள் எப்படி அவர் legal heirs-க்கு வருகிறதோ, அதே போல் அவரது கடன்களும் legal heirs -க்கு தான் வரும்.

நீங்கள் அத்தகைய விளம்பரம் கொடுத்தால் கூட , ஒரு வேளை அவரது மறைவுக்கு பின் கடன் தந்தவர்கள் கோர்டுக்கு சென்றால் அவரது கடன்களுக்கு, அவர் குடும்பத்தினர் தான் பொறுப்பு என சொல்ல கூடும் என்றனர்.

இப்போதைக்கு ” யாரிடம் கடன் வாங்கினீர்களோ அவரிடமே கேளுங்கள். எனக்கும் அதற்கும் சம்பந்தம் இல்லை” என சொல்லலாம். அல்லது கணவரை பற்றி போலீசில் புகார் சொல்லி, போலீசை விட்டு “இப்படி குடிக்காதீர்கள்; கடன் வாங்காதீர்கள்” என சொல்ல சொல்லலாம்.

மேலும் இது பற்றி விசாரித்த போது கிடைத்த உபரி தகவல்:
Married Women's Property Act, என்கிற சட்டத்தின் கீழ்  ஒரு குறிப்பிட்ட பாலிசி இருப்பதாக நண்பர்கள் மூலம் அறிகிறேன். இது குறித்த தகவல் இதோ (ஆங்கிலத்தில் தருவதற்கு மன்னிக்க). உங்கள் பிரச்சனைக்கு இந்த பாலிசி மூலம் ஓரளவு தீர்வு கிடைக்க கூடும்


 S. 6 of the Married Women's Property Act allows an individual to buy a policy for himself under the Act and create a trust for the same. This policy is free from creditors, court attachments and creditors would not form part of his estate. However, the law also explicitly states that if the policy has been effected with an intention to defraud creditors, these laws would not operate to destroy or impede the rights of any creditor to be paid out of the proceeds of the policy.

In this policy, the policyholder (the husband) loses all control over the policy with the exception of paying premiums and the policy becomes a property of his wife in the form of a trust where the beneficiary of the trust is only his wife and children. Thus, even if the husband dies before clearing all his debt, still the creditors would not be able to claim the funds from this policy as the policy from the very first day is the property of a trust and not his personal estate.

Any married man can take a life insurance policy under MWP Act. This includes divorced persons and widowers. The policy can be taken only on one's own name, i.e., the life assured has to be the proposer himself. Any type of plan can be endorsed to be covered under MWP Act.

Also in case of a death claim, the policy proceeds are received by the trust and cannot be claimed by the debtors nor will it form part of the estate of the proposer. Hence, the welfare the wife/child/children are protected with utmost care.

*****
ஆங்கிலத்தில் சொல்லப்பட்டதன் சாராம்சம்: இதில் குறிப்பிட்டுள்ள பாலிசி எடுத்தால் (கணவர் தான் எடுக்க முடியும்) அந்த பாலிசி மூலம் வரும் பணத்தை மனைவி தவிர வேறு யாரும் (கடன்காரர்கள் உட்பட) கிளைம் செய்ய முடியாது !


*****
நான் கோர்ட் செல்லும் வழக்கறிஞர் அல்ல. இதற்கு மேலும் தகவல் மற்றும் உதவி வேண்டுமெனில் ஒரு வக்கீலை நீங்கள் கன்சல்ட் செய்வது நல்லது !

பேஸ்புக் போஸ்டர்: பெண்கள் மன்னிக்க! + சட்ட ஆலோசனை

சட்ட ஆலோசனை

பிரபாகரன், சென்னை

சட்ட ஆலோசனை பகுதியை விரும்பி படித்து வருபவன் நான். எனக்கு ஒரு ஆலோசனை வழங்க வேண்டுகிறேன். 2007 ம் ஆண்டு என் தந்தை ஒருவருக்கு 50000 பணமாக கடன் கொடுத்தார். 2 வட்டி என்று சொல்லி வெற்று promisory note ல் கையெழுத்து வாங்கி வைத்திருக்கிறார்.நிலபட்டா ஒன்றையும் வாங்கி வைத்திருக்கிறார். கடனை திருப்பி செலுத்த பல முறை கேட்டும் கடன் வாங்கியவர் இது வரை கொடுக்கவில்லை.கடனை திரும்பி வாங்க எவ்விதம் நடவடிக்கை எடுக்கலாம் என்று கூறவும். நன்றி அய்யா.

பதில்:

பொதுவாய் ஒருவருக்கு கடன் தந்துள்ளீர்கள் என்றால் அதனை மூன்று ஆண்டுகளுக்குள் திரும்ப பெறவேண்டும். லிமிடேஷன் சட்டத்தின் படி ஒவ்வொரு பிரச்சனைக்கும் எத்தனை ஆண்டுக்குள் வழக்கு தொடர வேண்டும் என்று கூறப்பட்டுள்ளது. அதன் படி கடனை திரும்ப பெற அல்லது அவர் கடன் திரும்ப செலுத்த வில்லை என அவர் மீது வழக்கு தொடர மூன்று ஆண்டுகள் தான் கால அவகாசம்.

ஆனால் இந்த மூன்று ஆண்டுகள் எப்போது தொடங்குகிறது என்பதற்கு சில விதிகள் உண்டு.

உங்கள் தந்தையிடம் அவர் கடன் பெற்றது 10 .6.2009 என வைத்து கொள்வோம். அதன் பின் அடுத்த மூன்று ஆண்டுக்குள் ஒரு முறை வட்டியோ அல்லது Prinicipal-ல் சிறு தொகையோ தந்தால், அப்படி அவர் கடைசியாய் பணம் தந்த நாளிலிருந்து மூன்று ஆண்டுகள் கால அவகாசம் துவங்கும்.

போலவே உங்கள் தந்தை அவரை பணம் திரும்ப தர சொல்லி கடிதம் எழுதி அதற்கு அவர் இன்ன தேதியில் பணம் திரும்ப தருகிறேன் என பதில் கடிதம் தந்திருந்தால் அன்றிலிருந்து மூன்று ஆண்டுகள் கால அவகாசம் துவங்கும். இதற்கு " Acknowledging the debt" என்று சொல்வார்கள் (உங்கள் தந்தை எழுதும் கடிதம் இங்கு முக்கியமில்லை. அவர் எழுதும் பதில் கடிதமே முக்கியம்)

நீங்கள் சொல்வதை வைத்து பார்க்கும் போது அவர் எந்த பணமும் தரவில்லை அல்லது கடனை ஒப்பு கொண்டு சமீபத்தில் எந்த கடிதமும் தர வில்லை என்பது தெரிகிறது.

சிவில் முறையில் நீங்கள் வழக்கு தொடர வேண்டுமெனில், அவரது கடனை உறுதி செய்யும்படி அவரிடம் தற்போதைய தேதியில் ஒரு கடிதமோ, அல்லது அவர் கடனுக்கு சிறு வட்டியோ தற்போது வாங்கினால் மட்டுமே நடக்கும். இவை முடியாத பட்சம் சிவில் வழக்கு தொடர முடியாது

ஆனால் உங்களிடம் பணம் வாங்கி கொண்டு தராமால் ஏமாற்றி விட்டார் என அவர் மீது கிரிமினல் வழக்கு தொடர முடியும். இதற்காக அவர் மீது ஒரு வக்கீல் நோட்டிசு அனுப்பினாலே அவர் உடனே இறங்கி வர வாய்ப்புண்டு.

நீங்கள் உடனே ஒரு வழக்கறிஞரை ஆலோசித்து சட்ட நடவடிக்கை எடுக்கவும்.
*******
சட்டஆலோசனை - வல்லமை ஆகஸ்ட் 17, 2012 இதழில் வெளியானது
*******
பேஸ்புக் போஸ்டர்கள்: பெண்கள் மன்னிக்க!

சட்ட ஆலோசனையுடன் உங்களை சிரிக்க வைக்கும் சில போஸ்டர்கள் தொடர்ந்து பகிர்ந்து வருவதை அறிவீர்கள். சட்டம் குறித்த நல்ல விஷயம் சொல்லும்போது பலரும் உள்ளே வருவதில்லை. அதனால் தான் இந்த ஏற்பாடு !

வீடுதிரும்பலை மிக அதிக பெண்கள் விரும்பி வாசிக்கிறார்கள் என்று தெரிந்தாலும், அவர்கள் இதனை சிரிப்புடன் கடந்து செல்வார்கள் என்கிற நம்பிக்கையில் இந்த போஸ்டர்களை பகிர்கிறேன்.

ஒரு உரிமையில் பெண்களை கலாய்த்தாலும், பெண்கள் பற்றிய நம் உண்மை உணர்வுகளை இந்த போஸ்டரில் காணலாம் :

தொடர்புடைய பதிவுகள்:


வடிவேலு ஸ்பெஷல் + சட்ட ஆலோசனை

எங்கள் வீட்டில் ஷூட்டிங் -படங்கள் + சட்ட ஆலோசனை

சொல்லுங்கண்ணே சொல்லுங்க - ஒரு பார்வை

டிவியில் தற்சமயம் வெளிவருபவற்றில்  ஒரு மிக சிறந்த நிகழ்ச்சி ஆதித்யா டிவியில் வெளிவரும் " சொல்லுங்கண்ணே சொல்லுங்க".

சனி மற்றும் ஞாயிறு மதியம் ஒன்று முதல் இரண்டு வரை இது ஒளிபரப்பாகும். வார நாட்களில் இரவு ஒன்பது முதல் பத்து வரை ஏற்கனவே வந்தவை மறு ஒலிபரப்பு செய்யப்படுகிறது. நாங்கள் அநேகமாய் இதனை பார்க்க தவறுவதே இல்லை.

ஆண்கள், பெண்கள், சிறு குழந்தைகள் என அனைவரையும் சிரிக்க வைத்து விடும் இந்நிகழ்ச்சி.

இதனை நடத்தும் இமான் சற்று பருமனாக, கருப்பாக இருப்பார். திருநெல்வேலி தமிழ். கேட்கவே மிக இனிமையாக இருக்கும். வெள்ளை வேஷ்டியுடன் இவர் போடும் கலர் கலரான சட்டை ஜூப்பரு...!

சில வார்த்தைகளை இவர் உச்சரிப்பது இன்னும் காமெடியாய் இருக்கும். உதாரணமாய் பிரதமரை "Biரதமர் " என்பார். (நம்ம கேப்டன் மாதிரி!)

பொது அறிவு கேள்விகளை சாலைகளில் உள்ள மக்க்களை பிடித்து கேட்கிறார் இமான். அவர்கள் சொல்லும் பதிலும், அதற்கு இமான் கொடுக்கும் கவுண்டரும் சிரிச்சு மாளாது.

உதாரணத்துக்கு :

" சில தலைவர்களோட அடைமொழி சொல்றேன் அவங்க யாருன்னு கண்டுபிடிங்க" என சொல்லிவிட்டு இமான் கேட்ட கேள்விகளும் பதிலும்.

"புரட்சி கவிஞர்னா யாரும்மா?" - இமான்

" வைரமுத்து "

"எலேய் .. வைரமுத்து புரட்சி கவிஞரா? நல்லா தெரியுமா?"

"ம்ம்"

" சரி. வைக்கம் வீரர்னா யாரு"

"காமராஜர்"

" அவரு வைக்கம் வீரரா? பாப்பா.. நீ நல்லா வருவே"
***
இன்னொருவரிடம் " புரட்சி கவிஞர் யாருங்க?"

" பாரதியார்"

"பெருந்தலைவர்னா அது யாரு?"

"கலைஞர்"

"அட. கலைஞரை தான் பெருந்தலைவர்னு சொல்லுவோமா? சரி வைக்கம் வீரர் யாரு "

" காந்தி"

"வைக்கம் வீரர் காந்தியா? நீ எம். ஏ படிச்சிருக்க இல்ல? நீ சொன்னா சரியா தான் இருக்கும்."

****
இன்னொரு நபரிடம் அதே கேள்விகள் " "புரட்சி கவிஞர் என்று யாரை சொல்லுவோம்?"

" கண்ணதாசன்"

"வைக்கம் வீரர் யாரு?

"வைகோ "

"எல்லாரும் நல்லா கேட்டுகிடுங்க வைக்கம் வீரருன்னா அது வைகோ"

****
ஒவ்வொரு பதிலும் சொன்ன பின் இமான் கொடுக்கிற கமன்ட் மற்றும் முகபாவம் அங்கு சுற்றி நிற்கும் அனைவரையும், டிவியில் பார்க்கும் நம்மையும் சிரிக்க வைத்து விடுகிறது. இந்த பிரோக்ராமின் வீடியோ ஒன்றை பாருங்கள் :




பெரும்பாலும் பொது அறிவு கேள்விகள் தான் என்றாலும் சில நேரம் கணவன்- மனைவிகளாய் பார்த்து அவர்களிடம் " உங்க ரெண்டு பேரில் யார் பயந்தாங்கொள்ளி? யார் தைரியசாலி? " என்றெல்லாம் கேள்வி கேட்டு கலாட்டா செய்வார்.

நிகழ்ச்சியின் வெற்றிக்கு ஒரே காரணம்- நிகழ்ச்சி நடத்தும் இமான். செம நகைச்சுவை உணர்வு மனுஷனுக்கு ! பின்னி எடுத்துடுறார் !

சில கேள்விகள் மிக எளிதாக, இதற்கு போய் மக்களுக்கு பதில் தெரியலையா என்கிற ரீதியில் இருக்கும். இன்னும் சில கடினமாய் இருக்கும்.

ஒவ்வொரு நாள் நிகழ்ச்சி முடிவில் Bloopers போல நிகழ்ச்சி படமாக்கும் போது நிகழ்ந்த சுவாரஸ்ய சம்பவங்கள் காட்டுவார்கள்.

நாள் முழுதும் எவ்வளவோ டென்ஷன் இருக்க, இரவில் ( 9 to 10) இந்நிகழ்ச்சி பார்த்து மனம் விட்டு சிரிப்பது நல்ல relaxation-ஆய் உள்ளது !

நிகழ்ச்சியில் நான் விரும்பும் மாற்றம் ஒன்றே ஒன்று தான். நிகழ்ச்சியில் பலரிடமும் கேள்வியை கேட்ட பிறகு அந்த கேள்விக்கான சரியான பதில் சொல்லும் ஒருவரை கடைசியாகவோ, அல்லது நடத்தும் இமானோ சரியான பதில் சொன்னால், பொது அறிவும் நமக்கு டெவலப் ஆன மாதிரி இருக்கும்.

சொல்லுங்கண்ணே சொல்லுங்க -பாருங்கண்ணே பாருங்க !

***
வல்லமை ஜூலை 18 , 2012 இதழில் வெளியானது !
***
இது ஆறாவது வாரம் ...! உங்களால் தான் இது சாத்தியமானது ! நெஞ்சார்ந்த நன்றி  !!

      புதுப்பிக்கப்பட்ட நாள் : 2012-07-22      

வலைப்பதிவுகளின் முன்னணி பட்டியில் ஒவ்வொரு ஞாயிறும் வெளியிடப்படும். கடந்த ஏழு நாட்களில் வலைப்பதிவுகள் வாசகர்களிடம் பெற்ற பார்வைகளை (ஹிட்ஸ்) முதன்மையாக கொண்டு இந்தப் பட்டியல் வெளியிடப்படுகிறது. மறுமொழிகள், வாசகர் பரிந்துரை வாக்குகள் போன்றவையும் ஒரு காரணியாக இருக்கும்

« Previous12Next »

பதிவின் பெயர் : வீடு திரும்பல்

Mohan Kumar

இடம் : 1

சுஜாதாவின் அன்புள்ள அப்பா

நாவல், சிறுகதை, கட்டுரை என எல்லா பக்கமும் சிக்சராய் அடித்தவர் சுஜாதா.

அவரது கட்டுரை தொகுப்புகளுள் ஒன்று அன்புள்ள அப்பா.

பல மனிதர்கள் பற்றி அவரது நினைவுகள் இந்த தொகுப்பில் பதிவாகி உள்ளது.குறிப்பாக அவர் தந்தை குறித்த நினைவுகள் நெகிழ்ச்சி

இறக்கும் நிலையில் இருக்கும் தனது தந்தையை சென்று சந்திக்கிறார் சுஜாதா. அவர் குறித்த நினைவுகள், அப்பா சீரியஸ் சீரியஸ் என்று அடிக்கடி சுஜாதாவை வரவழைத்தது ( என் அம்மாவுக்கும் சமீபத்தில் இதே நிலை வந்தது)... எல்லாம் சொல்லி சென்று கடைசி வரியில் " தன் தகனத்துக்கு பணம் அப்பா தயாராக வைத்திருந்தார் என சுஜாதா டைப் பஞ்ச உடன் தான் இந்த கட்டுரையும் முடிக்கிறார்

துக்க வீட்டு சம்பவங்களை சுஜாதாவின் வார்த்தைகளில் வாசியுங்கள் :

"பம்பாயிலிருந்து தம்பி வர காத்திருந்து மூன்று  பேரும் சுற்றி நின்று அவர் மார்பை கண்ணீரால் நனைத்தோம்

உறவுக்காரர்கள் வந்தார்கள். சினிமாவுக்கு போனார்கள். வாத்தியார் கருட புராணத்தின் பிரதியை என்னிடம் கொடுத்தார்.

சேலம் கடை தெருவில் பத்தாறு வேஷ்டிகளுக்கும் சொம்புகளுக்கும் அலைந்தோம். எல்லாரும் பந்தி பந்தியாக சாப்பிடுகிறோம். எட்டணா தட்சணை காசுக்கு வாசல் திண்ணையில் ஒன்பது பேர் காத்திருக்கிறார்கள். தொடர்கதையின் தலைப்பு கேட்டு எனக்கு டிரன்க் கால் வருகிறது "

மிக சுருக்கமாக ஆனால் அந்த சூழலை எப்படி கண் முன்னே கொண்டு வந்து விடுகிறார் பாருங்கள் !

தேர்தலில் ஒட்டு இயந்திரம் அறிமுக படுத்தியதில் சுஜாதாவின் பங்கு கணிசமானது. முதன் முதலாய் கேரளாவில் ஒரு கிராமத்தில் இதை அமல் படுத்திய போது நடந்த சம்பவங்களை தனக்கே உரித்தான பாணியில் சிறுகதை போல் சொல்லி செல்கிறார். செம சுவாரஸ்யம் !

விகடன் ஆசிரியர் பாலன் பற்றி சொல்லும் போது ஒரு முறை, சுஜாதா.சேலம் அண்ணன் வீட்டுக்கு சென்று இறங்கும்போது அங்கு அவருக்கு முன்னே ஒரு விகடன் நிருபர் அவரை பார்க்க காத்திருந்தாராம். "நான் சேலம் வருவது எனக்கே தெரியாதே ? விகடனுக்கு எப்படி தெரிந்தது?" என்கிறார் குறும்புடன் !

போலிஸ் அதிகாரி கார்த்திகேயன் பற்றி விவரிக்கும் சம்பவங்கள் சினிமா சம்பவங்கள் போலவே உள்ளன. குறிப்பாய் பல இடங்களுக்கு அவர் மாறு வேஷத்தில் சென்று குற்றங்களை கண்டு பிடிப்பதை விரிவாக சொல்லியுள்ளார் சுஜாதா. போலீஸ்காரர்களுக்கு வரும் கடிதங்களையும் பகிர்ந்துள்ளார்

சாவி இதழுக்கு ஒரு வாரம் ஆசிரியராய் இருந்தபோது சுஜாதாவுக்கு வந்த கடிதங்களில் இருந்து அவர் எடுத்து காட்டும் வரிகள் செம சிரிப்பு !

"கொஞ்சம் கதைகளில் கிராமத்து கிழவர்களும் அத்தைகளும் மறக்காமல் செத்து போகிறார்கள். ஆரம்ப எழுத்தாளர்களின் கதைகளில் கடைசி பாராவில் தூக்கத்தில் எழுந்து அவ்வளவும் கனவு தானா என்கிறார்கள். பெண்மணிகளின் கதைகளில் எல்லாம் ஆண்கள் காதலித்து ஏமாற்றுகிறார்கள். திருமதிகள் அனுப்பிய கதைகளில் பெண்கள் வரதட்சணை கொடுமையால் துன்புறுகிறார்கள்".

சுஜாதாவிடம் கேள்வி பதில்களும் உண்டு.

"படம் ஆரம்பித்ததும் சென்று சீட் தேடிய அனுபவம் உண்டா?"

"உண்டு நீல படங்களில்"

புத்தகத்தின் கடைசியில் கம்பியூட்டரை பற்றி என்ற அவரது நீண்ட கட்டுரை வாசிக்க பொறுமை இல்லை. அதை எழுதிய காலத்தில் நிச்சயம் புதிதாய் இருந்திருக்கலாம்.

அன்புள்ள அப்பா: சுஜாதா பிரியர்கள் நிச்சயம் ரசிப்பார்கள்

புத்தகம்: அன்புள்ள அப்பா
பதிப்பகம்:விசா பப்ளிகேஷன்ஸ்
விலை: 30
பக்கங்கள்: 96
###
வல்லமை ஜூலை 9, 2012  இதழில் வெளியான கட்டுரை 

அண்ணனை மிரட்டும் தம்பி: சட்ட ஆலோசனை

 

கேள்வி: சுந்தர்ராஜன், சீர்காழி

புறம்போக்கு நிலத்தில் 5 ஆண்டுகளாகக் குடியிருப்போருக்கு அந்த நிலம் அரசுக்குத் தேவையில்லை என்றால், அவர்களுக்கே சொந்தமாக அளிக்கப்படும் என முந்தைய தி.மு.க. ஆட்சியில் அறிவித்தார்கள். இந்த அறிவிப்பு, புறம்போக்கு நிலத்தில் குடியேறுவதற்கு மக்களை ஊக்குவித்தது போல் ஆகாதா? இதன் மூலம் அரசின் சொத்துகள், அதிகமாக ஆக்கிரமிக்கப்படும் அல்லவா? இந்த அறிவிப்பு, சட்டப்படி சரியானதுதானா?

பதில் :

 புறம்போக்கு நிலங்களில் பல வகை உண்டு. அதில் வீடுகள் கட்டக் கூடிய இடம் என்கிற வகையில் வந்தால், அந்த புறம்போக்கில் ஒருவர் ஐந்து வருடம் இருந்தால் மட்டுமே, நீங்கள் சொன்னது போல் கேட்க முடியும்.

அரசுக்கு எந்த பயன்பாடும் இல்லாமல் இருக்கும் நிலங்களை அரசாங்கமே “கிராமத்து புறம்போக்கு” என்று அறிவிக்கிறது. அத்தகைய இடங்களில் இருப்போருக்கு அந்த நிலத்தை அளிக்கிறது. அந்த இடத்தில் குறிப்பிட்ட நபர் நெடுங்காலமாய் இருந்ததை ஆதாரத்துடன் நிரூபிக்க வேண்டும். அப்போது தான் அவருக்கு இடம் கிடைக்கும்.

இது போன்ற அறிவிப்புகள் காலம் காலமாக ஒவ்வொரு அரசாங்கத்தாலும் அறிவிக்கப்படுகிறது. எனவே இதனை ஒரு வழக்காக எடுத்துச் சென்றால், கோர்ட் கூட இந்த அறிவிப்புகளை சட்டத்துக்கு புறம்பானது என சொல்லாது என்றே நினைக்கிறேன்.

கேள்வி: செந்தில் குமார்


நான் அரசுப் பள்ளியில் ஆசிரியராக பணியாற்றி வருகிறேன். திருமணமாகி சுமார் ஒரு வருடம் வரை, தாய் தந்தையுடன் வசித்தோம். கருத்து வேறுபாடு காரணமாக ஒரு வருடம் கழித்து நானும், என் மனைவியும் தனிக்குடித்தனம் சென்றோம். பெற்ற தாய் தந்தைக்கு மாதந்தோறும் ரூ.3500 தவறாமல் கொடுத்து வருகிறேன்.

வீட்டிலிருந்து வரும் போது எந்த சொத்தையும் நான் எடுத்து வரவில்லை. ஆனால் என் தம்பி ரூ.50000 கேட்டு என்னை தொடர்ந்து மிரட்டுகிறான். இதனை நான் எதிர் கொள்ள என்ன வழக்கு தொடர வேண்டும்?

பதில்

நீங்கள் உங்கள் பெற்றோரின் சொத்து எதையும் எடுத்துக் கொள்ள வில்லை. தற்போது அவர்களின் சொத்தில் தங்கியிருக்கவும் இல்லை இந்நிலையில் உங்கள் தம்பி உங்களை மிரட்ட என்ன காரணம் ? அவர் நல்ல வேலையில் இல்லாததால், உங்களிடம் பணம் பெறும் ஒரே நோக்கோடு மட்டுமே இப்படி மிரட்டுகிறார் என நினைக்கிறேன்.

நீதிமன்றத்தில் உங்கள் தம்பி மேல் உங்களை மிரட்டுகிறார் என வழக்கு தொடர உங்களுக்கு உரிமை உண்டு. ஆனால் அதற்கு முன் உங்கள் எல்லைக்குட்பட்ட காவல் நிலையத்தில் இது குறித்து ஒரு புகார் தாருங்கள். காவல் துறையினர் உங்கள் தம்பியை கூட்டி மிரட்டினாலே அவர் உங்களிடம் பின்னர் பணம் கேட்பது நின்று விட வாய்ப்பு உண்டு.

அதற்கு பின்னும் அவர் இதே நடவடிக்கையை தொடர்ந்தால், காவல் துறையினரிடம் சொல்லி, முன்னர் தந்த புகாரின் அடிப்படையில் அவரை கைது செய்து வழக்கும் தொடரலாம்.

உங்களுக்கு வழக்கறிஞர் யாரும் தெரியாவிடில் எனக்கு எழுதுங்கள். நீதிமன்றம் செல்லும் நண்பர்கள் சிலரை உங்களுக்கு அறிமுகப்படுத்துகிறேன்.

*********

ஜூன் 29  தேதியிட்ட வல்லமையில் வெளியானது  !
*********
சட்டம் குறித்த உங்கள் கேள்விகளை பின்னூட்டத்திலோ snehamohankumar@yahoo.co.in என்கிற மெயில் முகவரிக்கோ அனுப்பலாம்

உயில்மூலம் சொத்து- சட்டஆலோசனை-கேள்வி பதில்

கேள்வி: கண்ணன், அம்பத்தூர்


சென்னை அம்பத்தூரில் ஒரு மனை, விற்பனைக்கு வந்தது. அதனை வாங்கும் பொருட்டு, அதன் பத்திரங்களை நோக்கினோம். தாத்தாவின் பெயரில் முதலில் மனை இருந்தது. அவருக்கு இரு மகன்கள். முதல் மகன் தன்னைக் கவனிக்கவில்லை என்ற கோபத்தில் இரண்டாம் மகனின் 10 – 12 வயதுள்ள இரு பிள்ளைகளுக்கு இந்த மனையைத் தானமாகக் கொடுப்பதாகப் பத்திரம் பதிவு செய்திருந்தார். பின்னர், முதல் மகனுடன் சமரசம் ஏற்பட்டு, தானத்தை ரத்து செய்வதாக, இன்னொரு பத்திரம் பதிவு செய்திருந்தார். சிலரிடம் கேட்டதில், தானமாகக் கொடுத்த பிறகு, அவர் கையிலிருந்த உரிமையை அவர் இழக்கிறார்; எனவே மீண்டும் அதனை ரத்துச் செய்ய அவருக்கு உரிமை இல்லை; இது தொடர்பாக உச்சநீதிமன்றமே தீர்ப்பு அளித்திருக்கிறது என்றனர்.

இன்னும் சிலரோ, தானம் கொடுத்தவர், உயிருடன் இருக்கிறார்; எனவே அவர் தன் தானத்தை ரத்துச் செய்யலாம் என்றனர். மைனர் வயதுள்ள பிள்ளைகளுக்குத் தானம் கொடுத்து அதனை ரத்து செய்ததால், அவர்கள் மேஜர் ஆனதும் வழக்குத் தொடர உரிமை உள்ளது என்றும் சிலர் கூறினர். எனவே இந்த மனையை வாங்குவதற்குக் கொடுத்த முன்பணத்தைத் திரும்பப் பெற்றோம். எனினும் இந்தச் சந்தேகம் தீரவில்லை. தானமாகக் கொடுத்த பிறகு, அதனை ரத்து செய்து, மீண்டும் சொத்தின் மீது உரிமை கோர ஒருவருக்கு உரிமை உண்டா?

பதில்:

ஒரு அசையா சொத்தை உயில் எழுதி வைப்பதற்கும், தானமாய்த் தருவதற்கும் வித்தியாசம் உள்ளது.

தானமாய்த் தந்து அது ரிஜிஸ்தர் செய்யப்பட்டால் அதை தானம் செய்தவருக்கு அந்த சொத்தின் மீது பின் எந்த உரிமையும் கிடையாது. குறிப்பிட்ட சொத்து மைனர்களுக்கு வேறு எழுதி வைக்கப்பட்டுள்ளது. மைனர் பெயரில் உள்ள சொத்தை மாற்றி எழுத, பிறருக்கு விற்க பெற்றோருக்கு கூட உரிமை கிடையாது.

சட்டப்படி அந்த பெரியவர் தான் தந்த தானத்தை கேன்சல் செய்தது தவறு.

இதே சொத்தை அவர் உயில் மூலம் எழுதி வைத்தார் எனில் , அவர் உயிரோடு இருக்கும் வரை அதனை திரும்ப வேறு யாருக்கும் எழுதி வைக்க அவருக்கு உரிமை உண்டு.

குறிப்பிட்ட சம்பவத்தில் தானத்துக்கும், உயில் மூலம் வரும் சொத்துக்கும் உள்ள நடைமுறைகளை குழப்பிக் கொண்டுள்ளீர்கள் என நினைக்கிறேன்.

இந்த குறிப்பிட்ட நிலத்தைப் பொறுத்த வரை, நிலத்தின் possession யாரிடம் இருந்தது என்பது முக்கியமான விஷயம். அந்த பெரியவர் வசமே possession இருந்தால், நீங்கள் அந்த சொத்தை வாங்கி இருந்தாலும், மறுபடி அந்த நிலத்தின் possession நீங்கள் பெறுவது கடினமாய் இருந்திருக்கும். நீதிமன்றம் சென்று வழக்கு முடிய பல ஆண்டுகள் ஆகி நீங்கள் மன நிம்மதி இழக்க வேண்டி வந்திருக்கும்.

இப்படி குழப்பம் உள்ள நிலையில் நீங்கள் அந்த நிலத்தை வாங்காதது நல்ல முடிவு தான்.

*********
கேள்வி: தம்பிராஜா திருப்பூர்

1983ல் எனது தாத்தா சுயசொத்தை (மைனர்) எனக்கு ரிஜிஸ்டர் உயில் எழுதிய பிறகு அதை தாத்தாவின் மகன் (எனக்கு அப்பா), விற்க அதிகாரம் உண்டா?

பதில்:

உங்கள் தாத்தா மைனரான உங்களுக்கு ஒரு சொத்தை உயில் மூலம் எழுதி வைத்துள்ளார். அது தான் அவரது கடைசி உயில் எனில் அந்த சொத்துக்கு உரிமை தாரர் நீங்கள் தான். அதனை விற்க உங்கள் தந்தைக்கு உரிமை கிடையாது.

நீங்கள் அந்த சொத்தை விற்கவேண்டும் எனில் அந்த சொத்து (சென்னை, திருச்சி, மதுரை போன்ற) கார்ப்பரேஷன் லிமிட்டில் இருந்தால் அதனை முதலில் ப்ரோபெட் செய்யவேண்டும்.

அதாவது நீதி மன்றத்தில் உயிலை நீங்கள் சமர்ப்பிக்க வேண்டும். உயில் படி சொத்துக்களை கோர்ட் பிரித்து அறிவிக்கும். அப்படி அறிவிக்கும் டாகுமென்ட் தான் “ப்ரோபேட்” எனப்படும். அது தான் கடைசியாக எழுதப்பட்ட உயில் என்பதோடு, அவர் சுய நினைவில் எழுதினாரா போன்ற விஷயங்களை திருப்தி படுத்திக் கொண்ட பின் நீதி மன்றம் இந்த ப்ரோபேட்டை வழங்கும். கிட்டத்தட்ட உயிலின் காபி தான் இது. இந்த ப்ரோபேட் வைத்து தான் அவரவர் சொத்துக்களை தங்கள் பெயருக்கு மாற்றிக் கொள்ள வேண்டும்.

ஏற்கனவே சொன்னது போல் உங்கள் சொத்து கார்ப்பரேஷன் லிமிட்டில் இருந்தால் மட்டுமே ப்ரோபெட் செய்வது அவசியமாகிறது

கேள்வி: தம்பிராஜா திருப்பூர்

ஒருவரின் சொத்தை வில்லங்கம் பார்க்கும் போது அதில் ரிஜிஸ்டர் உயில் (1983ல்) எழதி இருந்தால் அது வில்லங்கத்தில் வருமா?

பதில்:

இல்லை. வில்லங்கத்தில் அந்தசொத்து மேல் கடன் வாங்கியிருந்தால், அது ரிஜிஸ்தர் ஆனால் மட்டும் கடன் விபரம் தெரியும். உயில் எழுதிய விபரங்கள் வில்லங்கத்தில் தெரியாது !
*****

வல்லமை இணைய இதழில் வெளியானது 

விக்கி டோனாரும், சுஜாதாவின் 14 நாட்களும்

வார இறுதியில் பார்த்த ஒரு சினிமாவும், வாசித்த புத்தகமும் ஒன்றாய் பகிர்கிறேன்

விக்கி டோனார்

வித்யாசமான கதை களன். டில்லியில் குழந்தை பேறு இல்லாதோருக்கு மருத்துவம் செய்யும் டாக்டர் சந்தா புதிதாக ஸ்பேம் டோனார் தேடுகிறார் . ஹீரோ விக்கியை பார்த்து விட்டு, அவனது பரம்பரையில் நிறைய குழந்தைகள் உண்டு என அறிந்து அவனை டோனார் ஆக்க போராடி சம்மதம் வாங்குகிறார். விக்கி துவக்கத்தில் விருப்பமின்றி இறங்கினாலும் பின் நன்றாக பணம் பார்க்கிறான். இடையில் அஷிமா என்கிற பெங்காலி பெண்ணை காதலித்து மணக்கிறான். அவர்களுக்கு குழந்தை பேறு இல்லை. அஷிமாவுக்கு குழந்தை பேறுக்கு வாய்ப்பு இல்லை என தெரிகிறது.

விக்கி அவள் மீது அன்போடு இருந்தாலும் கூட,  ஒரு வாக்கு வாதத்தில் அவன் ஒரு ஸ்பேம் டோனார் என தெரிந்து விலகுகிறாள் அஷிமா. இருவரும் மீண்டும் ஒன்று சேர டாக்டரே காரணமாகிறார். பெற்றோரை விபத்தில் இழந்த   ஒரு குழந்தை இவர்கள் வசம் வர, புது வாழ்க்கை துவங்குகின்றனர்.
*********
படம் ஓஹோ என்று சொல்ல முடியாது. அதே நேரம் மிக சிக்கலான ஒரு விஷயத்தை கையாண்டமைக்கு நிச்சயம் பாராட்ட தான் வேண்டும்.

குழந்தைபேறின்மை என்பது நம் நாட்டில் உள்ள மிக பெரிய பிரச்சனை. ஆர்டிபிசியல் Insemination என்பது உயர் தட்டு மக்களிடையே நன்கு ஏற்று கொள்ள பட்டாலும், நம் மக்கள் பலரிடமும் சென்று சேரவில்லை. இத்தகைய வெகு ஜன படங்கள் மூலம் இது பற்றி ஏராளமான மக்கள் அறியமுடியும்.

படத்தின் ஹீரோ விக்கி புதுமுகம் என்பதால் நடிக்கிற மாதிரியே தெரியலை. மிக இயல்பாக இருக்கிறார்.

அஷிமாவாக வரும் ஹீரோயின் (யாமி) செம அழகு. பாத்துக்கிட்டே இருக்கலாம் போல இருக்கிறார்.

படத்தில் சண்டைகள் இல்லை. பாடல்களும் பின்னணியில் தான் ஒலிக்கிறது. ஹீரோவின் அம்மா பாத்திரம் மற்றும் ஹீரோயின் அப்பா பாத்திரம் வித்யாசமாய் உள்ளது. பஞ்சாபிகளுக்கும் பெங்காலிகளுக்கும் இருக்கும் உரசல், கிண்டல் போன்றவை ஆங்காங்கு சுவையாய் விரவப்பட்டுள்ளது.

ஜான் ஆப்ரஹாம் என்கிற பிரபல ஹிந்தி நடிகர் தயாரித்தாலும், அவர் முன்னணி பாத்திரத்தில் நடிக்கலை. படம் முடிந்ததும் டைட்டில் ஓடும்போது ஒரு டான்ஸ் ஆடி விட்டு போகிறார். சின்ன பட்ஜெட்டில் எடுக்கப்பட்ட இந்த படம் பெரிய ஹிட் ஆகிடுச்சு.

இரண்டு மணி நேரமே ஓடும் இந்த படத்தை ஒரு முறை பார்க்கலாம் !

**************
சுஜாதாவின் 14 நாட்கள் -நாவல்

இந்தியா- பாகிஸ்தான் இடையே 1972-ல் நடந்த போரின் அடிப்படையில் எழுதப்பட்ட நாவல்.

கதை 

குமார் என்கிற விமானி தன் விமானம் மூலம் பாகிஸ்தான் விமானங்களை தாக்குகிறான். எதிரி விமானத்தால் தாக்கப்பட்டு பாராசூட் மூலம் ஒரு காட்டில் விழுந்து பாகிஸ்தான் படையிடம் சிக்குகிறான் குமார். சுல்தான் என்கிற மோசமான ஆபிசர் அவனை சிறைப்பிடித்து துன்புறுத்துகிறான். இந்திய படை அந்த இடத்தை அடைந்து, பாகிஸ்தான் படை சரணைடைகிறது. ஆனால் குமாரை காணும். இந்திய படைகள் வருவதை அறிந்த சுல்தான் அவனை ஆற்றுக்கு அருகே கூட்டி சென்று துப்பாக்கியால் சுட்டு விடுகிறான். இந்திய ராணுவம் குமாரை கண்டுபிடித்து மருத்துவம் கொடுத்து அவனை காப்பாற்றுகிறது. நாவலின் இறுதியில் குமார் இந்த முழு கதையும் கதாசிரியரான சுஜாதாவிடம் சொல்வதாக முடிகிறது.

**********
மிக விறுவிறுப்பான கதை. குமாருக்கு என்னாகுமோ என்கிற பயம் வாசிக்கும் ஒவ்வொருவரையும் தொற்றி கொள்கிறது. இடை இடையியே அவன் மனைவி-மகன் பற்றி சொல்லி கொண்டே வருகிறார் (ரோஜா கதையின் முடிச்சு இங்கிருந்து கூட எடுக்க பட்டிருக்கலாம்) விமானம் பற்றியும், வானில் பறப்பது பற்றியும், போர், துப்பாக்கி இவை பற்றியும் விரிவான விவரணைகள் ஆச்சரிய படுத்துகிறது. சுஜாதா கதையில் மருந்துக்கும் காமெடி இன்றி ஒரு கதை படித்தது இது தான் என நினைக்கிறேன். ஆனால் கதையின் களம் அது போல !

எல்லையில் நம் ராணுவ வீரர்கள் எந்த நிலையில் பணி புரிகிறார்கள், அவர்கள் குடும்பம் எந்த மன நிலையில் வாழ்கிறது போன்றவற்றை உணர இந்த நாவலை ஒரு முறை அவசியம் வாசியுங்கள் !

********
வல்லமை ஜூன் 6, 2012 இதழில் வெளியான கட்டுரை 

சென்னை பஸ் கண்டக்டர் வாழ்வில் 1 நாள் -பேட்டி

அண்மையில் சென்னை மாநகர பேருந்தில் பயணிக்கும் சந்தர்ப்பம் அமைந்தது. மதிய நேரம் என்பதால் அதிக கூட்டமில்லை. அமர்ந்து விட்டேன். அருகில் இருந்த 45 - 50 வயது மதிக்கத்தக்க நபர் இயல்பாய் உரையாட ஆரம்பித்தார். பேச ஆரம்பித்ததும் தான் தெரிந்தது. அவர் மப்டியில் இருக்கும் ஒரு கண்டக்டர் என்று !

சென்னை பேருந்துகள் பற்றியும் டிரைவர் கண்டக்டர் வாழ்க்கை பற்றியும் என் சந்தேங்கள் பலவும் கேட்டு விட்டேன். கேட்கும் போது பதிவெழுத நினைக்கவே இல்லை. ஆனால் இறங்கிய பின் யோசித்தால் பஸ் வாழ்க்கை பற்றி அவர் நிறையவே சொன்னது புரிந்தது

இதோ உங்களுக்காக ஒரு பிரத்யேக சென்னை கண்டக்டர் பேட்டி:

கண்டக்டருங்க ஒரு நாளைக்கு எத்தனை மணி நேரம் வேலை பாக்கணும்? எத்தனை ஷிப்ட் இருக்கு? 

ஒவ்வொரு கண்டக்டருக்கும் எட்டு மணி நேரம் டியூட்டி. முதல் ஷிப்ட் காலை நாலு மணிக்கு ஆரம்பிக்கும். நான் போகும் தாம்பரம் டு டீ. நகர் ரூட்டை வச்சு சொல்றேன். இந்த ரூட்டில் முதல் பஸ் தாம்பரத்தில் நான்கு மணிக்கு கிளம்பும். நாலு மணிக்கு வண்டியில் ஏறும் கண்டக்டர், டிரைவர் மதியம் 12 வரை வேலை செய்துட்டு இறங்கிடுவாங்க. இதே ரூட்டில் அடுத்த பஸ் நாலரைக்கு கிளம்பும். இதில் ஏறும் பஸ் ஊழியர்கள் மதியம் 12 .30-க்கு இறங்குவாங்க. இப்படி வரிசையா கண்டக்டர்-டிரைவர் அடுத்தடுத்த அரை மணி கேப்பில் அடுத்தடுத்த வண்டிக்கு வருவாங்க. கடைசி ஷிப்ட் மாலை நான்கு மணிக்கு துவங்கும். இதில் ஏறுவோர் இரவு 12 மணி வரை வேலை செய்வாங்க. இரவு 12 முதல் காலை 4 வரை சென்னையில் பஸ் ஓடாது

இப்படி ஆறு நாள் டியூட்டி பார்த்தா ஒரு நாள் Off. பிரிட்டிஷ் காலத்தில் கொண்டு வந்த பழக்கம் இது. இன்னிக்கு வரை தொடருது

மதுரையில் மட்டும் இரவு நேர பஸ் எல்லாம் இருக்கே அது எப்படி ?

மதுரையில் ஒரு பஸ்ஸில் டிரைவர் கண்டக்டர் காலை ஆறு மணிக்கு ஏறினா மறு நாள் காலை நான்கு மணிக்கு தான் இறங்குவார்கள். இவர்களுக்கு அடுத்த நாள் ரெஸ்ட். ஒரு நாள் விட்டு ஒரு நாள் வண்டி ஓட்டுவாங்க

உங்க ஷிப்ட் நாலரைக்கு ஆரம்பம்னா ரொம்ப சீக்கிரம் எழணும் இல்லை. தினம் இப்படி எழ கஷ்டமா இல்லையா?

பழகிடுச்சுங்க. பொதுவா எல்லா வாரமும் ஒரே ஷிப்ட் இருக்காது. ஒரு வாரம் காலை 4 டு 12 எனில் அடுத்த வாரம் மதியம் 12 டு 8 என இருக்கும். ஆனால் மதியம் இதே பஸ்ஸில் வரும் கண்டக்டர் ஒரு விவசாயி. அவர் காலையில் வயல் வேலை பார்ப்பார். அவருக்கு மதிய ஷிப்ட் தான் தோது. அதனால் தினம் நான் காலை ஷிப்ட்டும் அவர் மதியம் டு இரவு ஷிப்ட்டும் செய்றோம். எங்களுக்குள்ளே இது ஒரு அண்டர் ஸ்டாண்டிங்

காலை 3 மணிக்கெல்லாம் நான் எழுந்திருக்கணும். நைட்டு ஏ. சி போட்டுட்டு தூங்கிடுவேன். பசங்க நைட்டு கண்ணு முழிச்சு படிச்சுட்டு லேட்டா தான் படுப்பாங்க.

அலாரம் வச்சி மூணு மணிக்கு எழுந்திருப்பேன். சீக்கிரமா பல் விளக்கிட்டு, குளிச்சுட்டு கிளம்பிடுவேன். அதுக்குள் என் மனைவி எழுந்து ரெண்டு தோசை ஊற்றி கொடுப்பார். நைட்டே சட்னி பண்ணி வச்சிடுவார். சில நேரம் தோசை அல்லது இட்லி கூட நைட் ஊற்றி வச்சிடுவார். அதையும், குடிக்க சுடு தண்ணியும் எடுத்துட்டு மூணரைக்கு வீட்டை விட்டு கிளம்பிடுவேன். நான் இருப்பது பெருங்களதூரில். வீட்டிலிருந்து மெயின் ரோடு வரை காலையில் ஓடி வருவேன். அது ஒரு எக்சர்சைஸ் மாதிரி.

மெயின் ரோடில் பஸ் பிடிச்சி தாம்பரம் வந்து எங்க ஸ்டாண்ட் வருவேன். ஆயிடுச்சு சார். இப்படியே 20 வருஷம் ஓடி போச்சு

உங்களுக்கு கலக்ஷன் வச்சு கமிஷன் உண்டா? 

பஸ் டிக்கெட் விலை ஏறும் வரை எங்களுக்கு எங்களுக்கு 2 % கமிஷன். டிக்கெட் விலை ஏறினா எங்க கமிஷனை கொஞ்சம் குறைச்சுடுவாங்க. முன்னாடி மூவாயிரம் தினம் வசூலாகும். அதில் 2 % கமிஷன் அப்படின்னா அறுபது ரூபாய் வரும். இப்போ தினம் ஐயாயிரம் கலக்சன் ஆகும். அதில் 1.90% கமிஷன். அதாவது 90 ரூபா. டிரைவர் கண்டக்டர் இதை பிரிச்சு எடுத்துக்கணும். டீ சாப்பாடு இதுக்கு ஆகும் செலவு போக ஆளுக்கு 25 ரூபா தான் தினம் நிக்கும்

இந்த கமிஷன் கிடைப்பதே எம். ஜி. ஆர் காலத்தில் இருத்த ஈரோடு முத்துசாமி அப்படிங்கற மந்திரியால் தான். அவர் போக்கு வரத்து துறை அமைச்சரா இருந்தப்ப தான் எங்களுக்கு கமிஷன் கொண்டுவரணும் என பேசி வாங்கி தந்தார். நல்ல மனுஷன் சார். இப்போ தி.மு.க வுக்கு மாறிட்டார். இந்த தேர்தலில் நின்னு தோத்துட்டார். 

சாப்பாட்டுக்கு செலவுன்னு சொல்றீங்க. உங்களுக்கு தான் பஸ் நிற்கும் இடங்களில் சாப்பாடு கிடைக்குமே?

அதெல்லாம் வெளியூர் போகும் பஸ்ஸில் தான் நடக்கும். கோயம்பேடு டு பாண்டிச்சேரி ஒரு பஸ் போகுதுன்னு வைங்க. அந்த பஸ் ECR ரோடு வழியா போகும். அங்கு ஒரு கடையில் சாப்பிடுவாங்க. பஸ்ஸில் வந்த ஜனம் சொல்லும் " பாருங்கையா இந்த டிரைவர் கண்டக்டருக்கு ஓசியில் சாப்பாடு கிடைக்குது"ன்னு. உண்மையில் அந்த சாப்பாடு நல்லா இருக்காது அத்தோட டிரைவரும் கண்டக்டரும் கம்மியா தான் சாப்பிடுவாங்க.

உங்க பசங்க என்ன செய்றாங்க? 

பொண்ணு +2  படிக்குது.1000 மார்க் வாங்கும்னு நினைக்கிறேன். பையன் எட்டாவது படிக்கிறான். நாங்க யாதவா சார். எங்க ஜனங்களில் பெரும்பாலும் ஆடு மாடு மேய்ச்சவங்க தான். எங்களை போய் BC -யில் வச்சிருக்காங்க. MBC -யில் சேர்க்கணும்னு இன்னைக்கு உண்ணாவிரதம் நடந்தது. அதில் நானும் கலந்து கிட்டு தான் இப்போ திரும்ப வர்றேன். 

லல்லு பிரசாத் யாதவ், முலாயம் சிங் யாதவ், சரத் யாதவ் எல்லாரும் எங்க கம்மியூநிட்டி தான். அவங்க நினைச்சா, போராடினா எங்களை MBC -யில் சேர்க்க வாய்ப்பிருக்கு 

*************

இதற்குள் நான் இறங்கும் இடம் வந்து விட, அவரிடம் சொல்லி கொண்டு விடை பெற்றேன். 

அக்கறையுடன் விசாரித்ததில், மனம் விட்டு பேசியதில் மிக மகிழ்ச்சியாக என் கைகளை பிடித்து கொண்டு குலுக்கினார் அவர். 

ஒவ்வொரு மனிதருக்குள்ளும் தான் எத்தனை எத்தனை விஷயங்கள் புதைந்து கிடக்கிறது !

வல்லமை ஜூன் 1 ,  2012 இதழில் வெளியானது
********
சமீபத்திய பதிவுகள்:
ஆனந்த விகடனும் வீடுதிரும்பலும்
சென்னை பெட்ரோல் தட்டுப்பாடு: நேரடி அனுபவம்
ஹோட்டல் அறிமுகம்: தஞ்சை சாந்தி பரோட்டா கடை
சென்னையை சுற்றி பார்க்க சில டிப்ஸ்

முன்னாபாய்: தவறவிடக்கூடாத ஹிந்தி படம் !

வசூல் ராஜா எனக்கு மிக பிடித்தமான படம் . ஹிந்தியில் அதன் இரண்டாம் பகுதி Lage Raho Munna Bhai முதல் பார்ட்டை விட மிக நன்கு இருந்ததாக கூறினர். ஆங்கில சப் டைட்டிலுடன் இந்த பட டீவிடீக்காக ரொம்ப நாள் தேடி சமீபத்தில் தான் கிடைத்தது.

கதை

முன்னாவும் அவன் நண்பன் சர்க்யூட்டும் கடன் வாங்கி திரும்ப தராதவர்களை மிரட்டி பணம் வாங்கும் (அதே ) தொழில் செய்கின்றனர். முன்னா ஒரு ரேடியோ ஜாக்கியின் (வித்யா பாலன்) குரலில் மயங்கி கிடக்கிறான். அக்டோபர் 2 -அன்று அவள் ரேடியோவில் காந்தி பற்றி கேட்கும் கேள்விகளுக்கு சரியான பதில் சொல்வோரை ஸ்டூடியோவில் சந்திப்பதாக சொல்ல, அவளை சந்திக்க அந்த போட்டியில் கலந்து கொள்கிறான் முன்னா. சில ப்ரொபாசர்களை கடத்தி வந்து அவர்கள் மூலம், ரேடியோவில் கேட்கும் கேள்விகளுக்கு சரியான பதில் சொல்கிறான். வித்யாவை நேரில் சந்திக்கும் போது தான் ஒரு பேராசிரியர் என்று பொய் சொல்கிறான்.

வித்யாவின் இல்லத்தில் சில வயதானவர்கள் உள்ளனர். அவர்களிடம் வந்து காந்தி பற்றி பேசுமாறு முன்னாவை அழைக்கிறாள் வித்யா. இதற்காக காந்தி பற்றி மூன்று நாள் உறங்காமல் படிக்கிறான் முன்னா. அவனது ஆர்வம் பார்த்து காந்தி நேரில் அவனுக்கு காட்சி தருகிறார். முன்னா தவிர வேறு யார் கண்ணுக்கும் காந்தி தெரிவதில்லை.

காந்தியை அருகில் வைத்து கொண்டு, அவர் மூலம் வித்யா வீட்டில் வயதானோர் கேட்கும் கேள்விகளுக்கு பதில் தருகிறான் முன்னா. ரேடியோவில் வித்யாவுடன் முன்னா இணைந்து நடத்தும் காந்தி குறித்த நிகழ்ச்சி மிக பிரபலம் ஆகிறது. வித்யாவும் முன்னாவை காதலிக்க துவங்குகிறாள்.

வித்யா தங்கியுள்ள வீட்டை முன்னாவை வைத்து வேலை வாங்கும் " லக்கி" அபகரிக்கிறான். அந்த வீட்டை லக்கியிடம் இருந்து மீட்க அஹிம்சை வழியில் போராடுகிறான் முன்னா.

காந்தி முன்னாவிடம் "பொய் சொல்லி காதலிக்காதே. நீ யார் என்கிற உண்மையை காதலியிடம் சொல்" என்கிறார். மிக தயக்கத்துக்கு பின் வித்யாவிடம் தான் யார் என்கிற உண்மையை சொல்ல, அவள் பிரிகிறாள்.

லக்கி திருந்தினானா? வீடு திரும்ப கிடைத்ததா? வித்யா முன்னாவுடன் இணைந்தாளா?

அனைத்து கேள்விகளுக்கும் பதில் "ஆம்; ஆம்; ஆம்" ! எப்படி என்பதை படத்தில் பாருங்கள் !

நடிப்பு

தமிழில் வந்த முன்னாபாயில் கமல் நடிப்பு நன்றாக இருந்ததாக தான் நானும் நினைத்திருந்தேன்...இந்த படம் பார்க்கும் வரை ! சஞ்சய் தத் என்ன ஒரு இயல்பான நடிப்பு ! இந்த கேரக்டருக்காகவே பிறந்த மனிதர் போல் இருக்கிறார் ! முழுக்க முழுக்க முன்னாபாய் என்று தான் நினைக்க தோன்றுகிறது. நிச்சயம் சஞ்சய் தத்துக்கு இது Lifetime காரக்டர் தான் ! காமெடியாக இருந்தாலும் சரி உணர்வு பூர்வமான காட்சியாக இருந்தாலும் சரி அசத்தி இருக்கிறார் அசத்தி !

முன்னாவின் நண்பனாக வரும் சர்க்கியூட் அர்ஷத் வர்சி. தமிழில் பிரபு நடித்த பாத்திரம். பிரபுவை வைத்து நீங்கள் ஒப்பிடவே முடியாது. ரொம்ப அழகாய் நடித்துள்ளார் . முன்னா தன்னிடம் பொய் சொல்ல மாட்டான் என நம்புவதும், அவன் "காந்தி இங்கே இருக்கிறார்" என்றதும் " முன்னா பொய் சொல்ல மாட்டானே ? காந்தி எங்கே ?" என தேடுவதும் கியூட். ஒரு காட்சியில் முன்னா சர்க்கியூட்டை அடித்து விடுகிறான். காந்தி முன்னாவிடம் " அடிப்பது பெரிய விஷயம் கிடையாது. மன்னிப்பு கேட்பது தான் கஷ்டமானது. அவனிடம் மன்னிப்பு கேள்" என்று கூற, முன்னா சர்க்கியூட்டிடம் அவனது நட்பு எத்தனை உயர்ந்தது என்று சொல்லிவிட்டு மன்னிப்பு கேட்பான். நெகிழ்ச்சியில் சர்க்கியூட்டுக்கு மட்டுமல்ல நமக்கும் அழுகை வந்து விடும் ! இப்படி ஒரு நண்பன் கிடைப்பானா என எங்க வைக்கும் பாத்திரம் சர்க்கியூட் உடையது !

காந்தியாக நடித்தவர் என்னை பெரிதும் கவர வில்லை. ஒப்பனை பொருந்தாத மாதிரி எண்ணம். ஏனோ மனதில் ஒட்டவில்லை.

வித்யாவுக்கு சுவீட்டான பாத்திரம். இன்றைக்கு வித்யா ஹிந்தியில் சூப்பர் டூப்பர் ஹீரோயின். ஆறு வருடம் முன் இந்த படம் வந்த போது சாதாரண ஆள் தான். ஸ்பெஷலாக ஏதும் இல்லா விடினும் தன பாத்திரத்தை நிறைவாய் செய்துள்ளார்.

முதல் பார்ட்டில் வில்லனாக (டாக்டர்- ஹீரோயினின் தந்தை) வந்த அதே போமன் இராணி இதில் லக்கி என்கிற வில்லன் பாத்திரம். முதல் பார்ட் பாத்திரத்தின் சாயல் அல்லது நினைவு சிறிதும் வராத மாதிரி அருமையாக நடித்துள்ளார்.

காந்தி குறித்த படம் என்பதாலோ என்னவோ படத்தில் எந்த ஒரு சண்டை காட்சியும் இல்லை ! முதல் பாதியில் ரசித்து சிரிக்கிற மாதிரி காமெடி காட்சிகள் பல உண்டு.

படத்தின் மிக முக்கிய ஒரு காட்சி பற்றி சொல்ல வேண்டும். முன்னா ரேடியோ ஜாக்கியாக இருக்கும் போது ஒருவன் போன் செய்கிறான். தன் தந்தை பணத்தில் சில லட்சம் எடுத்து அவருக்கு தெரியாமல் தான் பங்கு சந்தையில் போட்டு முழுதும் லாஸ் ஆனதாகவும், இதனால் வெறுத்து போய் தற்கொலை செய்ய போவதாகவும் சொல்கிறான். அவனிடமும் அவன் தந்தையிடம் போனில் முன்னா பேசும் அந்த ஐந்து நிமிட காட்சி பார்க்கும் யாரையும் உருக்கி விடும்.

போலவே படத்தின் க்ளைமேக்ஸ். மிக இக்கட்டான சூழ்நிலையில் ஓர் உண்மையை சொல்ல வேண்டிய நிலை. இதனால் வில்லனின் மகள் திருமணமே நிற்கும் சூழல். உண்மையை சொன்னாலும் கூட அந்த திருமணம் நிற்காத படி, போராடி ஜெயிக்கிறான் முன்னா. இன்னொரு நெகிழ்வான காட்சி இது.

படத்தை எழுதி இயக்கிய ராஜ்குமார் ஹிராணியை எவ்வளவு பாராட்டினாலும் தகும் !

12 கோடியில் தயாரிக்க பட்ட இப்படம், அதை போல் பத்து மடங்கு வசூலை குவித்தது. காந்தியடிகளின் கருத்துக்களை இன்றைய இளைய சமுதாயத்திடம் எடுத்து செல்ல இந்த படம் உதவியது

நெகிழ்ச்சியில் உங்களை அழ வைக்கும் இந்த படத்தை, ஏதாவது ஒரு வார இறுதியில் நிதானமாய் பார்த்து ரசியுங்கள் !

##########
வல்லமை மே 11 இதழில் வெளியான விமர்சனம்

வாஷிங் மெஷின்- வாங்க உபயோகிக்க சில டிப்ஸ் - பை அய்யாசாமி

ஒவ்வொருவரும் திருமணம் முடிந்ததும் முதலில் டிவி வாங்குவார்கள். சிலர் பிரிட்ஜ் வாங்குவார்கள். அய்யாசாமி திருமணத்துக்கு பின் முதலில் வாங்கியது என்ன தெரியுமா ? வாஷிங் மெஷின் தான் !

இது ஏன் என அவரிடம் கேட்டபோது " எல்லா வேலைகளை விட துணி துவைக்க ரொம்ப சிரமம் ஆயிருக்கு; அதிலும் இந்த புடவையை துவைக்குறது இருக்கு பாருங்க அது ரொம்ப கஷ்டம் " என்றார்.

நன்கு விசாரித்து ஐ.எப்.பி (IFB) வாஷிங் மெஷின் வாங்கினார் அய்யாசாமி. அதன் பின் பிரிட்ஜ், டிவி போன்றவை வாங்கினாலும் அவருக்கு மிக பிடித்தது ஐ.எப்.பி வாஷிங் மெஷின் தான் !

இது பற்றி பலரிடமும் இப்படி சொல்வார்:" 15 ,000 போட்டு ஐ.எப்.பி வாஷிங் மெஷின் வாங்கினோம். சும்மா சொல்ல கூடாது. என்னமா உழைக்குது தெரியுமா? பதிமூணு வருஷம் ஒரு சின்ன பால்ட் கூட வந்தது கிடையாதுங்க. ஒவ்வொரு தடவை வீடு மாறும்போதும் பிளம்பரை கூட்டி பைப் கனக்ஷன் குடுப்பதோட சரி. சில நேரம் வெளியில் உள்ள பைப் எலி கடிச்சோ ரொம்ப வருஷம் ஆனதாலோ லேசா உடையும். அப்ப மட்டும் பிளம்பரை வச்சு பைப் மாத்துவோம். அதுவும் வெளியில் தான். மெஷினில் கை வச்சதே இல்லை. நம்மோட கஷ்டம் புரிஞ்ச ஜீவன்னா அது வாஷிங் மெஷின் தான். என்னோட பெஸ்ட் Friend களில் முக்கியமான ஆள் இது !"
இப்படியெல்லாம் அய்யாசாமியால் கொண்டாடப்பட்ட அவரது IFB வாஷிங் மெஷின் சமீபத்தில் திடீர் மரணம் அடைந்தது !

ஒரு நாள் வாஷிங் மெஷின் திடீரென வேலை செய்யலை. அய்யாசாமிக்கு கையும் ஓடலை ; காலும் ஓடலை. ஒவ்வொரு மெக்கானிக்கா கூட்டி வந்து காண்பித்தார். " இப்ப தாங்க முதல் தடவை ரிப்பேர் ஆகுது. இது வரை ரிப்பேர் ஆனதே இல்லை"

அனைவரும் சொல்லி வைத்த மாதிரி " இதை ரிப்பேர் செய்வது வேஸ்ட். பேசாம புதுசு வாங்கிடுங்க" என்றனர்.

"இந்த மெஷினை பொறுத்தவரை நீங்க தான் டாக்டர். எப்படியாவது காப்பாத்துங்க" என கெஞ்சி பார்த்தார். யாரும் நம்பிக்கை தரலை.

கனத்த மனதுடன் அடுத்த இரு நாளில் புது வாஷிங் மெஷின் வாங்கிட்டார் அய்யாசாமி (இன்னும் நாலு நாள் ஆனா, யார் சாமி துணி துவைக்கிறது?).

இந்த முறை IFB வாங்கலை. அதன் விலை 25 ஆயிரத்தை தாண்டி விட்டதால், Whirlpool-ல் சிக்கனமாய் ஒரு வாஷிங் மெஷின் 10,000-க்கு வாங்கி விட்டார்.
***************

அய்யாசாமி தன் வீட்டில் முழுசாய் பொறுப்பு எடுத்து செய்கிற வேலை ஒன்று உண்டென்றால் "வாஷிங்" வேலை தான் ! அவர் தான் வாஷிங் செய்கிறார்னு புரளியை கிளப்பிடாதீங்க ! வாஷிங் மெஷினில் துணி போடுவது,  பின் காய வைப்பது, எடுப்பது, மடித்து அந்தந்த இடங்களில் வைப்பது, அயனுக்கு தருவது, அதனை வாங்குவது இத்தகைய வேலைகள் அவர் தான் செய்வார்.

மழை காலத்தில் துணிகளை மாடியில் போட்டு விட்டு ஆபிஸ் போன பின், மழை வந்தால் டென்ஷன் ஆகி மனைவிக்கு போன் செய்வார் " மழை பெய்யுது "

" பெய்யட்டும். நல்லது தானே?" என்பார் Mrs. அய்யாசாமி தன் அலுவலகத்தில் அமர்ந்தவாறு.

"இல்லை ........மொட்டை மாடியில் துணி காய போட்டேன்"

" அப்படியா? காய போட்டீங்களா ? " என சிரித்து விட்டு " எனக்கு அந்த கவலையே இல்லை. அது உங்க டிபார்ட்மென்ட் !"
************
நிற்க. புதிதாய் வாஷிங் மெஷின் வாங்குவோருக்கு அனுபவசாலி அய்யாசாமி தரும் டிப்ஸ் இதோ :

நிச்சயம் Fully ஆட்டோமேடிக் வாஷிங் மெஷின் வாங்குங்க. Partly ஆட்டோமேடிக் எனில் நிறைய வேலை வைக்கும். நாம் துவைக்கிற வேலையில் பாதி இதில் செய்ய வேண்டியிருக்கும்

இந்த பதிவில் சொன்னது போல் வாஷிங் மெஷின் பெரும்பாலும் அதிக வருஷம் உழைக்கும். மற்ற வீட்டு உபயோக பொருட்கள் போல் வாஷிங் மெஷின் அதிகம் ரிப்பேர் ஆகாது. நல்ல Life-ம் வரும். ஓரளவு நல்ல கம்பனி மெஷின் வாங்குங்க

அநேகமாக வாஷிங் மெஷின் ரிப்பேர் ஆகாது என்பதால், இதற்கு என எந்த AMC-ம் எடுக்க தேவையில்லை. எப்போதேனும் சிறு பிரச்சனை எனில் காசு தந்து சரி செய்து கொள்ளலாம்.

துணிகள் நிறைய போட்டு stuff பண்ணாதீங்க. அதே நேரம் பாதி காலியாவும் ஓட்டாதீங்க. சின்ன குடும்பம் எனில் வாரம் இரண்டு அல்லது மூன்று முறை போட்டாலே போதும்

துணிகள் போடும் போது பெருசு ஒன்றும் சின்னது ஒன்றுமா மாத்தி மாத்தி போடணும்.

வாஷிங் மெஷினுக்கு என்று குறிப்பிட்ட சோப்பு பவுடர் இருக்கும் அதை மட்டும் தான் போடணும், எல்லா சோப்பு பவுடரும் போட கூடாது; போட்டால் மெஷின் பிரச்சனை ஆகிடும். எந்த சோப்பு பவுடர் போடணும் என்பதை மெஷின் விற்கும் அதே கம்பனியில் சொல்வார்கள். (உதாரணமாய் IFB-க்கு Surf Excelmatic சோப்பு பவுடர் மட்டும் தான் போடணும்)

வாஷிங் மெஷினில் துணிகள் துவைத்து எடுத்தபின் உள்ளே சின்ன துணி ஏதும் கிடக்குதா என பாருங்கள். சில நேரம் கீழே சில துணி கிடந்து அடுத்து நாம் வாஷிங் மெஷின் போடும்வரை மெஷின் நாத்தம் அடிச்சிடும்.

Fully ஆட்டோமேடிக் மெஷின் என்பதால் துணிகள் ஓரளவு காய்ந்து விடும். எனவே துணிகளை அதிக நேரம் வெய்யிலில் போடாதீர்கள். அப்படி போட்டா துணி ரொம்ப  வெளுத்துடும். நல்லா வெயில் அடிக்கும் போது மொட்டை மாடியில் துணியை போட்டால் இரண்டு மணி நேரத்தில் எடுத்துடலாம். இது தான் கணக்கு ! மழை காலத்தில் வெய்யில் அதிகம் இல்லாம துணி காய நேரம் ஆகலாம்.

மொட்டை மாடியில் துணிகளை போடும் போதும், எடுக்கும் போதும் அக்கம் பக்கத்து மாடியில் உள்ள மாமிகளை பார்க்காதீர்கள். அது உங்கள் இல்லறத்துக்கு நல்லது !

Happy Washing Folks !!

*******
வல்லமை May 18 இதழில் வெளியான கட்டுரை !

சமீபத்திய பதிவுகள்:


ஆனந்த விகடனும் வீடுதிரும்பலும்

குளு-மணாலி பயணம் -படங்கள் டிரைலர்

சென்னை பெட்ரோல் தட்டுப்பாடு: நேரடி அனுபவம்

ஹோட்டல் அறிமுகம்: தஞ்சை சாந்தி பரோட்டா கடை