Wednesday, July 16, 2014

BPO ஓர் அறிமுகம் - புத்தக விமர்சனம்

BPO ஓர் அறிமுகம் என்கிற தலைப்பில் கிழக்கு பதிப்பகம் வெளியிட்ட சிறு நூலை சமீபத்தில் வாசித்தேன். எழுதியவர் - SLV மூர்த்தி. இவர் IIM அஹமதாபத்த்தில் எம். பி. ஏ பட்டம் பெற்றவர்.

மிக சிறிய நூல். 78 பக்கங்கள் ; ஆனால் ஏக் தம்மில் படித்து முடிக்க முடியலை ! 11 அத்தியாயம் ; ஒவ்வொன்றும் ஆறேழு பக்கங்கள் . அவ்வளவு தான் !

BPO துறை வரலாற்றை அமெரிக்காவில் இருந்து துவங்கி எப்படி பிற இடங்களுக்கு விரிவானது; அதன் அவசியம் என்ன, எந்த நாடுகள் இதில் சிறந்து விளங்குது; இந்த துறையில் பணியாளர்கள் சந்திக்கும் சில பிரச்சனைகள் என்று சொல்லி போகிறார்

புத்தகத்திலிருந்து BPO துறை பற்றிய சில விஷயங்கள் உங்கள் பார்வைக்கு :



*****************
வேலை பங்கீடு ( Division of Labour) பற்றி ஆடம் ஸ்மித் ........

Division of Labour பற்றி விளக்க ஆடம் ஸ்மித் குண்டூசி தயாரிக்கும் உதாரணத்தை எடுத்து கொள்கிறார். வெறும் குண்டூசி தானே என்று நினைக்காதீர்கள்.

முதலில் - இரும்பு துண்டிலிருந்து கம்பிகள் செய்ய வேண்டும். கம்பியை கோணல் இல்லாமல் நேரக்க வேண்டும். தலைப்பாகத்தை உருண்டை வடிவமாக்க வேண்டும். மறுமுனையை கூராக்க வேண்டும். துரு நீக்கி பாலிஷ் போடவேண்டும். இது போன்ற 18 பணிகளை முடித்தால் குண்டூசி தயாராகும் !!

இந்த 18 கட்ட வேலைகளையும் ஒரு மனிதனே செய்தால், அவனால் ஒரு நாளில் 20 குண்டூசிகள் மட்டுமே தயாரிக்க முடியும். 10 பேர் ஒரு குழுவாக இணைந்து 19 வேலைகளையும் பங்கிட்டு செய்தால் எவ்வளவு தயாரிக்கிறார்கள் தெரியுமா?

ஆடம் ஸ்மித் கணக்குப்படி 48,000 குண்டூசிகள் தயாரிக்கிறார்கள் ! அதாவது உற்பத்தி திறன் 240 மடங்கு அதிகரிக்கிறது !

வியாபார போட்டியில் தங்கள் பொருட்களின் விலையை குறைக்க ஒவ்வொரு நிறுவனமும் தங்கள் வேலைகளில் முக்கியமானவற்றை ( Core Competency ) மட்டுமே தாங்கள் செய்து கொண்டு இதர வேலைகளை மற்ற நிறுவனங்களிடம் தரும் வழக்கம் ஏற்கனவே இருந்தாலும் கூட 1990 க்கு பின் இன்னும் அதிகமாகிறது 2000 -ல் Y 2 K பிரச்சனைக்கு பின் - இந்தியன் சாப்ட்வேர் துறை வேகம் பிடித்தது

கால் சென்டர்கள் என்று எடுத்து கொண்டால் அவை 1960 முதலே உலகில் வலம் வர துவங்கி விட்டதாம் !

இந்தியாவிற்கு முதலில் BPO வரத்துவங்கியது 1994-ல் .. அமெரிக்கன் எக்ஸ்பிரஸ் வங்கி தான் முதலில் இந்தியாவிற்கு அவுட் சோர்சிங் வேலைகள் வர காரணமாக இருந்துள்ளது.

சீரான வளர்ச்சிக்கு பின் 1999 முதல் அடுத்த 10 ஆண்டுகள் இந்தியாவில் BPO துறை மிக அபாரமாக வளர்ந்தேறியுள்ளது

கால் செண்டர் அல்லது இதர BPO நிறுவனங்கள் அமெரிக்காவை விட இந்தியா அல்லது பிலிப்பைன்சில் நடத்த காரணம் இங்கு நடத்த செலவு குறைவு என்பது தான். அமெரிக்காவில் 100 ரூபாய் செலவானால் இங்கு, 20 ரூபாய் தான் ஆகும் .

இந்திய மக்கள் தொகையில் 20 முதல் 30 லட்சம் மக்கள் தான் ஐ. டி துறையில் பணியாற்றுகிறார்கள் என்று ஓரிடத்தில் தெரிய வருகிறது. BPO துறையில் 10 லட்சம் பேர் பணியாற்றுகிறார்கள்... யோசிக்கையில் மொத்த மக்கள் தொகையில் சின்ன நம்பர் என ஆச்சரியமாக இருக்கிறது

என்னென்ன விதமான BPO க்கள் உள்ளன - காப்டிவ் BPO என்றால் என்ன, BPO துறையில் என்னென்ன வேலைகள் நடக்கிறது போன்ற தகவல்கள் நிச்சயம் பயனுள்ளவை

இந்தியாவின் முதல் 10 BPO நிறுவனங்கள் என இப்புத்தகம் சொல்பவை

1. ஜென்பாக்ட்
2. ட்ரான்ஸ் வொர்க்ஸ்
3. ஐ. பி. எம்
4. TCS BPO
5. கேம்பிரிட்ஜ்
6. குளோபல் சொல்யூஷன்ஸ்
7. விப்ரோ BPO
8. கண்வேர்ஜிஸ் இந்தியா
9. பர்ஸ்ட் சொல்யூஷன்ஸ்
10 HCL BPO

(எப்படி இன்போசிஸ் மிஸ் ஆகிறது என புரிய வில்லை !)

கால் சென்டர்களில் அட்ரிஷன் எனும் வேலையை விட்டு போகும் சதவீதம் 45 % இருப்பதாக பகிர்கிறது புத்தகம். அதாவது ஒரு வருடத்தில் நூறு பேர் வேலைக்கு சேர்கிறார்கள் என்றால் , 45 சதவீதம் பேர் அவ்வருடம் வேலையை விட்டு செல்கிறார்கள். மிக அதிக அட்ரிஷன் உள்ள துறை B PO துறை தான்.

இதற்கான காரணங்கள் - இத்துறையில் பணியாற்றுவதால் வரும் உடல் மற்றும் மன தொந்தரவுகள்.

B PO துறையில் பணியாற்றும் மக்களிடையே எடுத்த ஒரு ஆய்வு என பகிரும் தகவல் திக்கென்று இருக்கிறது. இத்துறையில் இருப்போரில் 20 % மக்களுக்கு தற்கொலை எண்ணம் வருகிறது என்றும், அதே அளவு மக்களுக்கு மிக அதிக மன அழுத்தம் உண்டு என்றும் தெரிவிக்கிறது இந்த ஆய்வு. மேலும் மூன்றில் ஒருவருக்கு உடல் உறவு பிரச்னையும் உண்டு என குண்டை தூக்கி போடுகிறார்கள்.

கடைசி அத்தியாயத்தில் BPO துறை பற்றிய நல்லது மற்றும் கெட்டதை ஒரு கோர்ட் சீன் போல பேசி இத்துறை நாட்டின் வளர்ச்சிக்கு மிக முக்கியம் என முடிக்கிறார்

மொத்தத்தில்..

BPO குறித்து அறிய விரும்பும் யாருக்கும் அத்துறை குறித்த நல்லதொரு அறிமுகம் இப்புத்தகம் தரும்
***************
BPO ஓர் அறிமுகம்
ஆசிரியர் : SLV மூர்த்தி.
பக்கங்கள்: 78
விலை : ரூ. 25

3 comments:

  1. இந்தப் புத்தகம் படித்து ஏறக்குறைய மூன்று வருடங்களுக்கு மேல் இருக்கும் என்று நினைக்கிறன்.. பிபிஓ பற்றிய முழுமையான கையேடு என்று கூட சொல்லலாம்.. என்னென்ன சான்றிதழ்கள் இருந்தால் இத்துறையில் நிலைத்து நிற்கலாம் என்று ஒரு பட்டியல் கொடுத்திருப்பார்.. நல்ல புத்தகம்... one night at the call center படித்துவிட்டு இந்தப் புத்தகம் படித்தேன் என்பதால் எனக்கு இவர் கொடுத்த தரவுகள் இன்னும் எளிமையைப் புரிந்தது...

    ReplyDelete
  2. anna ' paddippalar' yarr- ? innum- verivana pbathila 'irrukkalum; ok thanks

    ReplyDelete
  3. சிறந்த நூல் அறிமுகம்

    ReplyDelete

Related Posts Plugin for WordPress, Blogger...