Saturday, April 7, 2012

ஐ. பி. எல்லில் அசத்த போகும் 4 அணிகள் -விரிவான அலசல்


.பி. எல்லில் கோப்பை வெல்ல வாய்ப்புள்ள வலுவான நான்கு அணிகள் பற்றி பார்ப்போம் !


கொல்கட்டா நைட் ரைடர்ஸ்  

ஷாரூக் ஒவ்வொரு மேட்சும் வந்து பார்த்து, தட்டி கொடுத்து எவ்வளவோ பெப் டாக் தந்தாலும் செமி பைனல் வரை கூட இதுவரை போனதில்லை. ஷாரூக் வெறுத்து போய் " இனிமே நான் மேட்சுக்கு வர மாட்டேன்என்பார்மனசு வராமல் பின் மறுபடி வந்து விடுவார்.  

 கம்பீர் ஒரு நல்ல காப்டன். இந்திய அணியில் இப்போது தோனிக்கு  வைஸ் காப்டனாக இருக்க இவர் தான் நல்ல  சாய்ஸ்ஆனால்   கோலியை வைஸ் காப்டனாக்கினார்கள் !

பிரெட் லீ, பாலாஜி, அப்துல்லா என நல்ல பவுலர்கள் மத்தியில் ஒரு சூப்பர் பவுலர் மேற்கு இந்திய தீவின் சுனில் நாராயன். இவரை ஆட முடியாமல் பல வீரர்களும் தடுமாறுகிறார்கள். இந்திய பிட்சுகள் ஸ்பின் எடுக்கும் என்பதால் இவர் இம்முறை கலக்குவார் என எதிர்பார்க்கலாம்.

பலம்: ஆல் ரவுண்டர்கள் மற்றும் பவுலிங் 
பலவீனம் : பேட்டிங் கம்பீர், காலிஸ் மற்றும்  மெக்கலாமை  மட்டுமே நம்பி உள்ளது.    

ஆல் ரவுண்டர்கள்: காலிஸ்,  ஷாகிப் உல் ஹசன்யூசுப் பதான் 

வாய்ப்பு: திறமை வாய்ந்த வீரர்கள் உள்ள அணி. நல்லதோர் காப்டன். இம்முறையாவது செமி பைனல் மட்டுமல்ல பைனலும் இவர்கள் செல்ல வேண்டுமென்பது நம் விருப்பம் !

ராயல் சாலஞ்சர்ஸ் பெங்களூரு

க்றிஸ் கெயில், தில்ஷன், விராட் கோலிடீ வில்லியர்ஸ் ..  எப்படிப்பட்ட பெயர்கள் பாருங்கள் ! இந்த format-க்கு  இதை விட மிக சிறப்பான பேட்ஸ்மன்கள் கிடைப்பது மிக மிக கஷ்டம். சென்ற முறை அனைத்து அணிகளையும் இந்த நால்வர் அணி தான் வெளுத்து கட்டியது

 குறிப்பாய் கெயில் என்கிற சூறாவளியில் தப்பி பிழைத்தோர் மிக அரிது

இன்று இந்தியாவில் மட்டுமல்ல உலகின் தலை சிறந்த வீரர் என்பதற்கு கோலி  பெயரை தைரியமாய் பரிந்துரைக்கலாம்.

இவர்கள் இருவரையும் விட மிக புத்திசாலியான ஆட்ட காரர் டீ வில்லியர்ஸ். மிடில் ஆர்டரில் இவர் ஆடுவது மிக பெரும் பலம்இறுதி  ஓவர்களை  அற்புதமாய் ஆட , ஆட்டத்தை வெற்றி கரமாய் முடிக்க இவரை விட சிறந்த வீரர் கிடைக்கவே முடியாது ! 

பவுலிங் தான் சற்று வீக் என்பதை உணர்ந்து இம்முறை முரளிதரன் மற்றும் வினய் குமாரை வாங்கி உள்ளனர்முரளிக்கு டீமில் ஆட இடம் கிடைப்பது மிக சிரமம். (நான்கே வெளி நாட்டு வீரருக்கு மட்டுமே அணியில் இடம் என்பதால் பெரும்பாலும் ஆட மாட்டார்)

பூஜாரா என்கிற நல்ல ஆட்டக்காரர் இம்முறை மீண்டும் ஆடுகிறார். எப்படி ஆடுகிறார் என பார்க்கணும். ஜாகிர் கான் உடல் நலத்துடன் முழுதும் ஆடுவாரா என்பதும் தெரியலை.

பலம்: மிக சிறந்த பேட்டிங் வரிசை. வெட்டோரி என்கிற நல்ல காப்டன்
பலவீனம்: முதல் நான்கு பேட்ஸ்மன்கள்  சொதப்பினால்அணி 
தோற்பது உறுதி

ஆல் ரவுண்டர்கள் :கெயில்மெக் டொனால்ட்.

வாய்ப்பு: நல்ல பேலன்சுடு ஆன அணி. செமி பைனல் வாய்ப்பு நிச்சயம். கோப்பையும் வெல்ல கூடும் !

மும்பை இந்தியன்ஸ்


இம்முறை கோப்பை வெல்ல போவது இந்த அணி தான் என பலரும் சொல்கிறார்கள். " எங்களை வெல்ல வையுங்கள்" என அணி தலைமை பல இடங்களிலும் "கவனிப்பு" நடத்தி விட்டதாக ஒரு பக்கம் ரூமர் போய் கொண்டு இருக்கிறது.

சச்சின் கேப்டன் பதவியிலிருந்து விலகியது அணிக்கு மிக நல்லது. ஹர்பஜன் நல்ல aggressive காப்டன் ஆக இருப்பார்.  

பலம்: மலிங்கா, ஹர்பஜன், ஓஜாமெக்கேமிட்சல் ஜான்சன், RP சிங்   என மிக திறமையான பவுலிங் அட்டாக்.  
பலவீனம்: பவுலிங் அளவு பேட்டிங் வரிசை அவ்வளவு வலுவாய் இல்லை ! சச்சின் ரொம்ப அடித்து ஆடுவதில்லை. சிங்கிள்ஸ் எடுத்தே 30 -40 ரன்கள் எடுப்பார். பல நேரம் போலார்ட் தான் அடித்து காப்பாற்றுவார். இம்முறை ரோஹித் ஷர்மா புதிதாய் வந்துள்ளார் பார்க்கலாம்

ஆல் ரவுண்டர்கள்: பொல்லார்ட் மற்றும் ஜேம்ஸ் பிராங்க்ளின்

வாய்ப்பு: செமி பைனல் நிச்சயம். கோப்பை இவர்கள் லட்சியம்

சென்னை சூப்பர் கிங்க்ஸ்




ஒரு அணியின் வெற்றிக்கு ,  வீரர்கள் மட்டுமல்ல, கேப்டன்சியும் அவர்களுக்குள் உள்ள ஒற்றுமையும் எவ்வளவு முக்கியம் என்பதை சென்னையை பார்த்து தெரிந்து கொள்ளலாம். .பிஎல் தொடங்கியது முதல் ஐந்து வருடமாய் பெரும்பாலான வீரர்கள் மாறாமல் இருக்கும் அணி இது மட்டும் தான் !

பலம்: தோனியின் கேப்டன்சி, ஒற்றுமை, சென்னை பிட்ச்சில் இவர்களை அடிப்பது கஷ்டம். இம்முறை பைனலும் சென்னையில் தான் !

பலவீனம்: பவுலிங் மற்றும் ஓபனிங் பேட்டிங். மேலும் கடந்த இரு முறை வென்றவர்கள் என்பதால் Law of averages-இவர்களுக்கு எதிராக உள்ளது !

ஆல் ரவுண்டர்கள்: பிரேவோமார்கல்ஜடேஜா  & ரைனா
வாய்ப்பு: சென்னை பிட்ச் இம்முறை மாற்றப்பட்டுள்ளது. அதில் எப்படி சென்னை டீம் கோப்-அப் ஆகிறதுசென்ற  முறை  போல  தொடர்ந்து  அங்கு வெல்கிறதா என்பதை பொறுத்தே இதன் வெற்றி வாய்ப்பு  அமையும்சென்னை செமி பைனல்  செல்லும்,  கோப்பை  வெல்லாது  என்பது என் கணிப்பு !

***
மற்ற ஐந்து அணிகள் பற்றிய அலசல் (முதல் பகுதி): இங்கே 

ஐ. பி. எல் பிரமாண்ட தொடக்க விழா பற்றிய பதிவு: இங்கு 
**********
நமது கணிப்பு தவறாகிஎதிர்பார்க்காத ஒரு அணி  கோப்பையை  வெல்லவும் கூடும்அப்படி நடந்தால் அது தான் சுவாரஸ்யமே !  

**********
ஏப்ரல் 6 , 2012 தேதியிட்ட வல்லமை இணைய இதழில் வெளியான கட்டுரை. 
 

15 comments:

  1. சென்னை நல்ல அணியாக இருந்தாலும், இம்முறை என் சப்போர்ட் இருப்பது ரோயல் சாலஞ்சர்ஸ், மற்றும் மும்பை இண்டியன்ஸுக்கு தான். மேட்ச் ஃபிக்ஸிங் இல்லாமல் இருந்தால் நலம்.

    ReplyDelete
  2. பெங்களுரு அணியை நினைத்தாலே ஏதோ பாகிஸ்தான் போலதான் தோன்றுகிறது. என்னுடைய சாய்ஸ் வரிசைப்படி....

    1. சென்னை (ஊர்ப்பாசம்)
    2. மும்பை (சச்சினுக்காக)
    3. கொல்கட்டா (ஷாரூக்குக்காக)

    ReplyDelete
  3. ஹாலிவுட் ரசிகன்: நன்றி பெங்களூரு இம்முறை செம டீம் தான் நன்றி

    ReplyDelete
  4. ரகு: ஒரே பாச மலரா இருக்கீங்க. மூணு டீமும் பாசத்தில் சொன்னது தான்.

    ReplyDelete
  5. புனே செமிஸ் வர வாய்ப்பு உண்டு என்றெ நினைக்கிறேன்..

    கொல்கத்தா,மும்பை.. சொதப்பலாம்..

    ReplyDelete
  6. நல்ல அலசல்... பார்க்கலாம் வெற்றி யாருக்கு என!

    ReplyDelete
  7. க்ரிகெட்டுக்கும் எனக்கும் ரொம்ப தூரமானது துரதிர்ஷ்டம்.. உங்க உழைப்பு விவரங்கள்ள தெரியுது.

    ReplyDelete
  8. Anonymous1:22:00 PM

    இம்முறை சென்னை சூப்பர் கிங்ஸ் தோற்க வேண்டும் என்பது எனது ஆசை :)

    ReplyDelete
  9. நல்ல அலசல் ! பார்க்கலாம் ! நன்றி நண்பரே !

    ReplyDelete
  10. //கார்க்கி said...
    புனே செமிஸ் வர வாய்ப்பு உண்டு என்றெ நினைக்கிறேன்..//

    2 win in 2 matches for Pune !

    நீங்க கங்குலி ரசிகர் ஆச்சே. நடக்கிற ஆட்டங்களை பார்த்தால் வர வாய்ப்பு இருக்கும் போல தெரியுது

    ReplyDelete
  11. வெங்கட் நாகராஜ் said...
    நல்ல அலசல்... பார்க்கலாம் வெற்றி யாருக்கு என!

    நன்றி வெங்கட்

    ReplyDelete
  12. அப்பாதுரை said...
    க்ரிகெட்டுக்கும் எனக்கும் ரொம்ப தூரமானது துரதிர்ஷ்டம்.. உங்க உழைப்பு விவரங்கள்ள தெரியுது.
    **********
    நன்றி அப்பாதுரை

    ReplyDelete
  13. சிவகுமார் ! said...
    இம்முறை சென்னை சூப்பர் கிங்ஸ் தோற்க வேண்டும் என்பது எனது ஆசை :)

    சிவா: ஏஏஏஏ ன்??

    ReplyDelete
  14. திண்டுக்கல் தனபாலன் said...
    நல்ல அலசல் ! பார்க்கலாம் ! நன்றி நண்பரே !

    நன்றி தனபாலன்

    ReplyDelete
  15. //சென்னை பிட்ச்சில் இவர்களை அடிப்பது கஷ்டம். //

    How abt. 'இவர்க(ளை-ஐ)' in the above statement ?

    ReplyDelete

Related Posts Plugin for WordPress, Blogger...